Аз ҳудуди Тоҷикистон ба Русия сафар намудани кӯдакони то синни 6-сола ба мӯҳлати 60 рӯз пас аз қабули ваксинаи охирини зидди бемории фалаҷ (иОПВ-2) манъ гардид
ДУШАНБЕ, 03.10.2021. /АМИТ «Ховар»/. Бо қарори Сартабиби давлатии санитарии Ҷумҳурии Тоҷикистон аз 2 октябри соли 2021 бо дарназардошти он, ки то 15 сентябри соли 2021 даврҳои Рӯзҳои миллии иммунизатсия дар Ҷумҳурии Тоҷикистон бар зидди бемории фалаҷ анҷом дода шуданд ва тибқи мушоҳидаҳо, гардиши вируси бо ваксинатсия алоқаманди ОПВ-2 дар муҳити атроф, аз ҷумла дар фазлаи кӯдакони ваксинатсияшуда дар як марҳилаи аниқ муайян карда мешавад, аз ҳудуди Ҷумҳурии Тоҷикистон ба Федератсияи Русия бевосита ва ё тавассути дигар давлатҳо сафар намудани кӯдакони то 6-сола ба муҳлати 60 рӯз пас аз қабули ваксинаи охирини зидди бемории фалаҷ (ОПВ-2) манъ карда шуд. Дар ин бора АМИТ «Ховар» бо истинод ба Вазорати тандурустӣ ва ҳифзи иҷтимоии аҳолии Ҷумҳурии Тоҷикистон иттилоъ медиҳад.
Дар ҳолатҳои истисноӣ, бо дарназардошти то ба имзо расонидани қарори мазкур аз ҷониби волидайни кӯдакони ваксинашудаи то 6-сола харидорӣ намудани чиптаҳои ҳавопаймо барои сафар ба Федератсияи Русия бевосита аз Ҷумҳурии Тоҷикистон ва ё тавассути дигар давлатҳо танҳо бо шарти дар даст доштани ҳуҷҷатҳои зарурии иммунизатсияи кӯдакони то 6-сола бо дарҷи марҳилаҳои Рӯзҳои миллии иммунизатсия бар зидди бемории фалаҷ иҷозат дода мешавад.
Дар робита ба масъалаи мазкур Хадамоти назорати давлатии санитарию эпидемиологӣ, Муассисаи давлатии “Маркази экспертизаи санитарию эпидемиологӣ, назорат дар нақлиёт ва сарҳадот” вазифадор карда шуданд, ки тавассути нуқтаҳои санитарию карантинии Фурудгоҳи байналмилалии Душанбе, шаҳрҳои Кӯлоб, Бохтар ва Хуҷанд, нуқтаҳои санитарию карантинӣ дар гузаргоҳҳои заминии сарҳади давлатии Ҷумҳурии Тоҷикистон дар шаҳри Турсунзода ва ноҳияҳои вилояти Суғд, ки бо Ҷумҳурии Узбекистон ҳамсарҳад мебошанд, назорати сафари кӯдакони то 6-солаи Ҷумҳурии Тоҷикистонро ба Федератсияи Русия дар давраи татбиқи қарори мазкур, бо дарназардошти ҳолатҳои истисноӣ пурзӯр намоянд.
Аз ин лиҳоз, аз волидайн даъват ба амал оварда мешавад, ки қарори мазкурро нодида нагиранд ва то муҳлати мавриди амал қарор гирифтани он аз сафар бо кӯдакони то 6-солаи хеш ба Федератсияи Русия худдорӣ намоянд.
Дар ҳолати пайдо шудани савол вобаста ба масъалаи мазкур шаҳрвандони мамлакат метавонанд ба муассисаҳои кумаки аввалияи тиббию санитарии маҳали зисти хеш муроҷиат кунанд.
Дар Душанбе нахустин маротиба Рӯзи кормандони соҳаи суғуртаи иҷтимоӣ ва нафақа таҷлил гардид
ҒИЗОИ СОЛИМ. Омили афзоиши бемории диабети қанд истеъмоли ғизои аз ҳад зиёд ва номутаносиб мебошад
1 ИЮЛ — РӮЗИ КОРМАНДОНИ СОҲАИ СУҒУРТАИ ИҶТИМОӢ ВА НАФАҚА. Дар солҳои соҳибистиқлолӣ андозаи нафақаҳо зиёда аз 20 маротиба зиёд карда шуд
Дар Душанбе дар мавзуи «Сиёсисозии ислом ва хатари он ба амнияти сиёсӣ ва суботи ҷомеа» ҳамоиши илмӣ доир мегардад
Маросими видоъ бо раиси марҳуми Вилояти Мухтори Кӯҳистони Бадахшон Алишер Мирзонабот баргузор гардид
ОГОҲӢ! Аз 1 то 3 июл дар баъзе минтақаҳои Тоҷикистон омадани селҳои хусусияти маҳаллидошта пешгӯӣ мешавад
Оид ба амалишавии Стратегияи миллии фаъолгардонии нақши занон дар Тоҷикистон конференсия доир шуд
Як гурӯҳ модарон бо шароити хизмати ҳарбии сарбозони яке аз қисми низомӣ дар ноҳияи Данғара шинос шуданд
Пагоҳ Форуми ҷумҳуриявии «Маърифати ҳуқуқӣ — омили рушди давлати ҳуқуқбунёд» доир мешавад
Дар Кумита оид ба таҳсилоти ибтидоӣ ва миёнаи касбӣ бахшида ба Даҳсолаи байналмилалӣ оид ба таҳкими сулҳ ҳамоиши тантанавӣ баргузор шуд
Дар Агентии суғуртаи иҷтимоӣ ва нафақа оид ба саҳми Пешвои миллат дар пойдории сулҳ ва ваҳдати миллӣ филми ҳуҷҷатӣ намоиш дода шуд
Дар Кумитаи кор бо занон ва оила бахшида ба қабули қатъномаи Даҳсолаи байналмилалӣ оид ба таҳкими сулҳ барои наслҳои оянда ҳамоиш доир шуд
