Қазоқистон узви Шӯро оид ба ҳуқуқи инсони СММ интихоб шуда, Тоҷикистон ба сифати узви ғайридоимии Шӯрои Амнияти СММ пешниҳод гардид
ДУШАНБЕ, 15.10.2021 /АМИТ «Ховар»/. Дар доираи ҷаласаи 76-уми Ассамблеяи генералии СММ дар Ню-Йорк Қазоқистон узви Шӯро оид ба ҳуқуқи инсони СММ дар солҳои 2022-2024 интихоб гардид. Тавре АМИТ «Ховар» хабар медиҳад, дар ин бора имрӯз Агентии байналхалқии иттилоотии «Казинформ» бо истинод ба маркази матбуоти Вазорати корҳои хориҷии Қазоқистон иттилоъ додааст.
Самтҳои афзалиятноки кори Қазоқистон дар Шӯро инҳо муайян гардидаанд: пешбурди баробарии гендерӣ ва болобарии ҳуқуқҳо ва имконияти занон, бекоркунии умумии ҷазои ҳукми қатл, мубориза бар зидди ҳама гуна шаклҳои таҳаммулнопазирӣ, озодии динӣ ва ақида, таъмини маърифати умумӣ ва фарогир, инчунин эҳтироми ҳуқуқи инсон дар шароити пандемияи COVID-19.
Тавре қаблан АМИТ «Ховар» хабар дода буд, Президенти Ҷумҳурии Тоҷикистон муҳтарам Эмомалӣ Раҳмон номзадии Тоҷикистонро ба сифати узви ғайридоимии Шӯрои Амнияти СММ дар давраҳои солҳои 2028-2029 пешниҳод намуда буданд.
«Барои гузоштани саҳми худ дар татбиқи ҳадафу вазифаҳои Шӯрои Амнияти СММ ва бо мақсади табодули ғании таҷрибаи Тоҷикистон дар роҳи мубориза бар зидди хатарҳо, барқарорсозии пурраи сулҳу субот бо роҳи музокирот мо тасмим гирифтем, ки кишварамонро барои узвияти ғайридоимӣ дар Шӯро дар солҳои 2028-2029 пешбарӣ кунем»,-зикр намуданд Пешвои миллат 24 сентябр зимни муроҷиати видеоии худ дар мубоҳисаҳои умумӣ дар доираи ҷаласаи 76-уми Ассамблеяи Генералии Созмони Милали Муттаҳид.
Бояд гуфт, ки миёни аъзои доимии Шӯрои Амнияти СММ ҳоло 5 кишвар мавҷуданд: Русия, ИМА, Британияи Кабир, Чин ва Фаронса.
АКС аз «reuters.com»
Сафири Тоҷикистон бо раиси Палатаи савдо ва саноати Салтанати Умон мулоқот намуд
Ҳамкории Тоҷикистон ва Эрон дар соҳаи илму фарҳанг баррасӣ шуд
Дар Берлин консерти ансамбли «Моҳирон» дар доираи фестивали байналмилалии Young Euro Classic баргузор гардид
Ҳамкории Тоҷикистону Кувайт дар соҳаи ҳуқуқи инсон баррасӣ шуд
Дар Кувайт ҳамкорӣ ва ҳамоҳангсозӣ дар самти консулӣ байни Тоҷикистон ва Давлати Кувайт баррасӣ гардид
Дар Вена масъалаҳои таҳкими ҳамкории илмӣ-фарҳангии Тоҷикистон ва Австрия баррасӣ гардиданд
Сироҷиддин Муҳриддин бо ҳамоҳангсози доимии СММ дар Тоҷикистон мулоқот намуд
Дар Анқара машваратҳои сиёсӣ байни вазоратҳои корҳои хориҷии Тоҷикистон ва Туркия баргузор шуданд
Масоили ҳамкорӣ дар соҳаи моликияти зеҳнӣ байни Тоҷикистон ва Корея баррасӣ гардид
Дар Теҳрон ҳамкории дуҷониба байни Тоҷикистон ва Эрон баррасӣ шуд
Сафири Тоҷикистон бо Вазири давлатии вазорати федералии корҳои хориҷии Олмон оид ба корҳои Аврупо мулоқот намуд
Ҳайати Ҷумҳурии Тоҷикистон бо иқтидори саноатии вилояти Брест шинос гардид
