Бо иштироки муовини Сарвазири Тоҷикистон соҳаҳои иқтисодию иҷтимоии шаҳри Ҳисор натиҷагирӣ шуданд

Октябрь 18, 2021 16:30

ДУШАНБЕ, 18.10.2021 /АМИТ «Ховар»/. Натиҷаҳои рушди иҷтимоию иқтисодии шаҳри Ҳисор дар 9 моҳи соли равон ва вазифаҳо барои семоҳаи чоруми соли равон  дар маҷлиси  ҷамъбастие, ки бо иштироки муовини Сарвазири Ҷумҳурии Тоҷикистон Матлубахон Сатториён доир гардид, баррасӣ шуданд.

Аз мақомоти иҷроияи ҳокимияти давлатии шаҳри Ҳисор ба АМИТ «Ховар» иттилоъ доданд, ки дар маҷлис муовини якуми Раиси шаҳр Сироҷиддин Каримзода бо ёдоварӣ аз сафарҳои кории Асосгузори сулҳу ваҳдати миллӣ – Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон ба шаҳри Ҳисор ва ифтитоҳи чандин иншооти ҳаётан муҳими таъйиноташон гуногун бо иштироки меҳмонони олиқадр ва оид ба натиҷаҳои рушди иҷтимоию иқтисодии шаҳр дар 9 моҳи соли 2021 ҳисобот дод. Мавсуф дастовардҳо, мушкилот ва бурду бохти соҳаҳои иқтисодию иҷтимоӣ ва фарҳангии шаҳрро дар давраи ҳисоботӣ мавриди таҳлилу баррасӣ қарор дода, натиҷаҳои онро назаррас арзёбӣ намуд.

Муовини Сарвазири мамлакат Матлубахон Сатториён ҷараёни сафарбарии ҷавонон ба даъвати тирамоҳии ҳарбӣ, омодагӣ ба мавсими тирамоҳу зимистон, ҷамъоварии андоз ва пардохти музди меҳнат, истифодаи дурусти заминҳои кишоварзӣ, фаъолияти муассисаҳои соҳаҳои маорифу тандурустӣ, шуъбаи кор бо занон ва оила, бахшҳои кор бо ҷавонон ва варзиш, дин, танзими анъана ва ҷашну маросим, сабти асноди ҳолати шаҳрвандӣ ва дигар соҳаҳои иҷтимоию иқтисодии шаҳрро мавриди баррасӣ қарор дода,  ба масъулин оид ба рафъи  камбудию мушкилоти ҷойдошта дастуру супоришҳо дод.

Дар анҷоми ҷаласа муовини якуми Раиси шаҳр Сироҷиддин Каримзода муовини Сарвазири мамлакат Матлубахон Сатториёнро бовар кунонд, ки сокинонишаҳри Ҳисор аз эродҳо хулосаи даркорӣ бароварда, дучанд фаъолият мекунанд ва баҳри иҷрои ҳадафҳои стратегиву барномавии Ҳукумати Ҷумҳурии Тоҷикистон дар роҳи расидан ба зиндагии шоиста бо истифода аз донишу таҷриба бо меҳнати содиқона саҳми муносиб мегузоранд.

    АКСҲО аз мақомоти иҷроияи ҳокимияти давлатии шаҳри Ҳисор

Октябрь 18, 2021 16:30

Хабарҳои дигари ин бахш

Сарвазири Тоҷикистон бо Директори генералии Бонки Осиёии рушд оид ба Осиёи Марказӣ ва Осиёи Ғарбӣ мулоқот намуд
Дар Душанбе масоили самаранокии низоми идоракунии давлатӣ ва волоияти қонун баррасӣ шуд
Миёни Ҳукумати Ҷумҳурии Тоҷикистон ва Корпоратсияи байналмилалии молиявӣ Созишномаи ҳамкорӣ ба имзо расид
Дар Тоҷикистон истеҳсоли картошка нисбат ба ҳамин давраи соли гузашта 144 ҳазор тонна зиёд гардидааст
МУЖДАИ ЗАФАР. Кишоварзони ноҳияи Кӯшониёни вилояти Хатлон нақшаи истеҳсоли пахтаро иҷро намуданд
Иля Федоров, директори департаменти Вазорати рушди иқтисоди ФР: Иқтидори тиҷоратии Русия ва Тоҷикистон ба тавре ки мебояд, истифода нашудааст
ИМРӮЗ — РӮЗИ БАЙНАЛМИЛАЛИИ САРФАИ ЭНЕРГИЯ. Коршиноси АМИТ «Ховар» мегӯяд, ки чаро он ба Тоҷикистон ин қадар зарур аст
Дар Душанбе Муколамаи миллии сатҳи баланд оид ба низоми озуқаворӣ дар Ҷумҳурии Тоҷикистон баргузор шуд
Вазири кишоварзии Тоҷикистон дар ноҳияи Мастчоҳ бо ҷараёни ҷамъоварии пахта ва коркарди он шинос гардид
Таҳкими ҳамкории Тоҷикистон ва Туркия дар бахши ҳифзи муҳити зист дар Глазго баррасӣ шуд
Дар Душанбе Форуми занони соҳибкор гузаронида мешавад
IFAD дар Тоҷикистон бо назардошти масъалаҳои иқлим лоиҳаи нав татбиқ менамояд