Бунёди гармхонаҳо дар Бадахшон ба таъмини бозорҳо бо маҳсулоти кишоварзӣ ва коҳиши нарх мусоидат мекунад

Октябрь 17, 2021 09:00

ХОРУҒ, 17.10.2021 /АМИТ «Ховар»/. Кишоварзони Вилояти  Мухтори Кӯҳистони Бадахшон дар мавсими имсола сарфи назар аз шаклҳои хоҷагидорӣ дар майдони 10 ҳазору  675 гектар  кишти зироат ба роҳ монда,  ҳосили дилхоҳ ба даст оварданд. Давоми нуҳ моҳи соли равон истеҳсоли маҳсулоти кишоварзӣ, аз ҷумла 5 ҳазор тонна ғалладонагиҳо,  14 ҳазору 192 тонна картошка, 6871 тонна сабзавот ва   6 ҳазору 407 тонна  меваро ташкил медиҳад, ки дар муқоиса ба ду соли охир  бамаротиб бештар мебошад, хабар медиҳад мухбири минтақавии АМИТ «Ховар».

Аз 10 ҳазору  675 гектар  майдони  кишти зироати кишоварзӣ 2 ҳазору 284 гектарро  заминҳои наздиҳавлигии сокинони  вилоят ташкил медиҳанд, ки дар гардиши истеҳсолоти маҳсулоти кишоварзӣ қарор дошта, аз ҳисоби онҳо низ соли равон маҳсулоти фаровон ба даст оварда шуд.

Фарорасии ҳавои сард хоҷагиҳои деҳқонии вилоятро водор намуд, ки ба ҷамъоварии ҳосили дастранҷи худ оғоз намоянд. Сардори Раёсати кишоварзии вилоят Адуласан Мамадасанов гуфт, ки «сокинон ҳар ваҷаб замини наздиҳавлигиро самаранок истифода бурда, барои фасли зимистон сабзавоту меваҷоти кофӣ захира мекунанд ва дар баробари ин ҳосили боқимондаро дар бозорҳои шаҳр ба фурӯш мегузоранд. Сокинони ноҳияҳои поёнии вилоят аз ҳисоби заминҳои наздиҳавлигӣ  ду ва ё се бор ҳосил ба даст оварда, ба ин восита ба нархи маҳсулоти кишоварзӣ дар дӯкону бозорҳои ҳудуди вилоят мусоидат менамоянд».

Ба гуфтаи сардори Раёсати кишоварзии вилоят, яке аз дигар роҳҳои зиёд гардидани маҳсулоти кишоварзӣ- ин бунёди  гармхонаҳо  ба ҳисоб меравад. Ҳоло дар ҳудуди вилоят дар масоҳати 1,19 гектар 114  гармхонаи мавсимӣ ва гармхонаи доимамалкунанда  мавҷуд аст. Мутобиқи  омори расмии раёсати кишоварзии вилоят, соли равон  аз ҳисоби гармхонаҳо 25 тонна сабзавот ба фурӯш бароварда шуд.

Бо мақсади бештар таъмин намудани бозори истеъмолӣ бо маҳсулоти  кишоварзӣ    дар гармхонаҳо кишти такрорӣ ба роҳ монда шуда, тухмии киштшуда  нашъунамои хуб дорад.

   АКСҲО: АМИТ “Ховар”

Октябрь 17, 2021 09:00

Хабарҳои дигари ин бахш

Дар вазорату муассисаҳои Тоҷикистон Рӯзи Президент бошукӯҳ таҷлил гардид
Дар Рӯзи Президент Муассисаи давлатии телевизиони мусиқии Тоҷикистон «Шаҳнавоз» расман ифтитоҳ гардид
Музаффар Ашӯриён: Рӯзи Президент — рӯзи иқболи мардуми Тоҷикистон аст
Эмомалӣ Раҳмонро дар арсаи байналмилалӣ шахсияти сулҳофару сулҳпарвар ва сарҷамъкунандаи миллат эътироф намудаанд
Дар Хоруғ бо мақсади захира барои зимистон ярмарка-фурӯши маҳсулоти кишоварзӣ доир шуд
ОБУ ҲАВО: Имрӯз дар Тоҷикистон ҳавои тағйирёбандаи бебориш дар назар аст
Пагоҳ ба шарафи Рӯзи Президент намоиш-фурӯши китобҳо доир мешавад
Бахшида ба Рӯзи Президент маросими ҷоизасупорӣ ба ғолибони Озмуни ҷумҳуриявии «Тоҷикистон – Ватани азизи ман» доир мешавад
Хонандагони тоҷик дар Олимпиадаи байналмилалии физика дар Узбекистон соҳиби ҷойи сеюм шуданд
«30-солагии ИДМ: таҷриба ва навоварӣ». Таҳти чунин унвон дар Қасри Таврический ҷаласаи пленарӣ доир шуд
Дар Тоҷикистон даври интихобии Озмуни телевизионии «The Central Asia’s Got Talent» оғоз шуд
САМБО. Акмалиддин Каримов, Хушқадам Хусравов ва Табрезшоҳ Парпишоев соҳиби медалҳои чемпионати ҷаҳон шуданд