ЧИН ҲАМКОРИРО БО ТОҶИКИСТОН ТАҲКИМ МЕБАХШАД. Форуми махсус оид ба рушди муносибатҳои Чин ва кишварҳои Осиёи Марказӣ ба густариши ҳамкории иқтисодӣ дар минтақа равона шудааст

Октябрь 21, 2021 12:54

ДУШАНБЕ, 21.10.2021 /АМИТ «Ховар»/. Дар Чин натиҷаҳои ҳаштумин Форуми ҳамкории Чину Осиёи Марказиро, ки гузашт,  ҷамъбаст карданд. Тавре АМИТ «Ховар» иттилоъ медиҳад, дар ин бора Global Times хабар додааст.

 Мавзӯи асосии форум рушди ҳамкории иқтисодӣ миёни Чин ва кишварҳои Осиёи Марказӣ буд. Форум дар якҷоягӣ бо Созмони ҳамкории Шанхай баргузор шуд.

 Дабири кулли СҲШ Владимир Норов зикр кард, ки чунин мулоқотҳо ба таҳкими ҳамкории сиёсӣ, инчунин муносибатҳо миёни ҳама ҷонибҳо дар таъмини амнияти минтақавӣ ва вокуниш ба чолишҳою таҳдидҳо мусоидат мекунад.

 «Дар чунин шароит ҳамкорӣ дар соҳаи тандурустӣ яке аз афзалият боқӣ мемонад. Мо пешниҳод мекунем, ки ҳифзи муҳити зист ба яке аз масъалаҳои асосии рӯзнома табдил дода шавад. Мо дар таҳияи рӯзномаи рушди устувори ҷаҳонӣ барои давраи то соли 2030 фаъолона ширкат меварзем ва ният дорем, ки то соли 2060 ба бетарафии карбон ноил шавем ”, — гуфт муовини аввали Сарвазири Қазоқистон Алихан Смаилов.

 Сафири Тоҷикистон дар Чин Зоҳир Саидзода иброз дошт, ки сарфи назар аз чолишҳои гуногуни давраи нав, иқтисоди Чин рӯ ба афзоиш дорад, ки ба сохтмони муштараки Роҳи абрешими аз лиҳози экологӣ тоза ва рақамӣ таъсири мусбат мерасонад. Сармоягузории Чин ва тиҷорати дуҷониба бо кишварҳои Осиёи Марказӣ дар тӯли бист сол пай дар пай афзоиш ёфт.

 Соли 2020 ҳаҷми умумии сармоягузории мустақими Чин ба панҷ кишвари минтақа тақрибан 15 миллиард доллари амрикоиро ташкил дод. “Марҳилаи нав дар рушди “Як камарбанд ва як роҳ»  метавонад нуқтаи «ҳамоҳангсозии барномаҳои рушди Чин бо стратегияҳои миллии кишварҳои Осиёи Марказӣ бошад», — афзуд Зоҳир Саидзода.

 ДАР АКСИ БОЛО: Сафири Тоҷикистон дар Чин Зоҳир Саидзода ва Дабири кулли СҲШ Владимир Норов. АКС: Сафорати Ҷумҳурии Тоҷикистон дар Чин / АМИТ «Ховар»

Октябрь 21, 2021 12:54

Хабарҳои дигари ин бахш

Вазири кишоварзии Тоҷикистон вобаста ба тақвияти корҳои саҳроӣ бо деҳқонони шаҳри Конибодом суҳбат намуд
Дар шаҳри Хоруғ корхонаи истеҳсоли ҳасиб бунёд мегардад
Дар Суғд барои дарёфти грантҳои раиси вилоят озмун баргузор мешавад
Дар Эстония Хонаи савдои Тоҷикистон таъсис дода мешавад
Намояндагони Тоҷикистон дар «Аirspace world 2024» дар Женева иштирок намуданд
Роҳбари хоҷагии деҳқонии «Бобои Носир»: «Истифодаи оқилонаи 7,5 гектар замин ва даромад аз он дар баланд гардидани сатҳи зиндагии 5 оила мусоидат намуд»
Деҳқонони ноҳияи Мастчоҳ имсол дар майдони зиёда аз 23 ҳазор гектар кишту парвариши зироати кишоварзиро ба нақша гирифтаанд
Дар шаҳри Хуҷанд Намоишгоҳи X байналмилалии савдо «Суғд-2024» доир мегардад
«РОҲ БА СӮИ ТИЁНШОН». Душанбе охири моҳи май мизбони конфронси байналмилалӣ мегардад
Соли 2023 ба буҷети шаҳри Гулистон аз ҳисоби хизматрасонии сайёҳӣ ва табобатӣ зиёда аз 40 миллион сомонӣ ворид шуд
Ҳоҷагидорони Кооперативи истеҳсолии «Сомон-Бохтар»-и ноҳияи Кӯшониён майдони парвариши лимӯро васеъ менамоянд
Сардхонаи муосири деҳоти «Файзи Истиқлол»-и ноҳияи Кӯшониён ба аҳолӣ хизмат мерасонад