Гардиши савдои хориҷии Тоҷикистон бо кишварҳои СҲШ 59 фоизро ташкил дод

ДУШАНБЕ, 15.10.2021 /АМИТ «Ховар»/. 14 октябр тариқи видеоконфронс ҷаласаи навбатии вазирони давлатҳои узви Созмони Ҳамкории Шанхай (СҲШ), ки ба фаъолияти иқтисодӣ ва тиҷоратии хориҷӣ масъуланд, баргузор гардид. Дар ин бора аз Вазорати рушди иқтисод ва савдои Ҷумҳурии Тоҷикистон ба мухбири АМИТ «Ховар» хабар доданд.

Дар ҷаласа муовини Вазири рушди иқтисод ва савдои Ҷумҳурии Тоҷикистон Абдураҳмон Абдураҳмонзода иштирок намуда, бо ҳамтоёни худ оид ба вазъи кунунӣ ва дурнамои рушди минбаъдаи ҳамкории бисёрҷонибаи тиҷоративу иқтисодӣ ва сармоягузорӣ дар фазои СҲШ суҳбат намуд.

Абдураҳмон Абдураҳмонзода зикр намуд, ки дар 9 моҳи соли 2021 гардиши савдои хориҷии Ҷумҳурии Тоҷикистон бо кишварҳои СҲШ беш аз 59 фоизи ҳаҷми умумии гардиши савдои кишварро ташкил намуда, якчанд самтҳои афзалиятноки ҳамкорӣ дар доираи фаъолияти СҲШ пешниҳод шуданд.

Акс аз Вазорати рушди иқтисод ва савдои ҶТ