Гумрукчиёни ИДМ дар Тошканд самтҳои кор оид ба пешгирии вайронкунии қонунро мувофиқа карданд
ДУШАНБЕ, 20.10.2021 /АМИТ «Ховар»/. Ҳайати гумрукчиёни тоҷик таҳти роҳбарии сардори Раёсати ташкили мубориза бар зидди ҳуқуқвайронкуниҳои гумрукии Хадамоти гумруки назди Ҳукумати Ҷумҳурии Тоҷикистон Раҳмоналӣ Раҳимзода дар ҷаласаи Кумитаи роҳбарони воҳидҳои ҳифзи ҳуқуқи Шӯрои роҳбарони хадамоти гумруки кишварҳои узви Иттиҳоди Давлатҳои Мустақил /ИДМ/, ки дар шаҳри Тошканд доир гардид, иштирок намуд. Дар ин бора ба АМИТ «Ховар» аз Хадамоти гумруки назди Ҳукумати ҷумҳурӣ иттилоъ доданд.
Дар ҷаласа нақшаи татбиқи чорабиниҳои стратегии фаъолияти Кумита барои давраи то соли 2030 ва нақшаи кори маркази алоқаи минтақавӣ оид ба корҳои ҳифзи ҳуқуқии Созмони ҷаҳонии гумрук барои кишварҳои ИДМ РИЛО-Москва барои соли 2022 тасдиқ гардиданд. Коршиносони Кумита дар ҷараёни ҷаласаи гурӯҳҳои корӣ масъалаҳои марбут ба муқовимат бо фаъолияти ҷинояткорӣ дар соҳаи қочоқи ғайриқонунии маводи мухаддир, такмили мубодилаи иттилоот дар бораи ҷиноятҳои ошкоршуда, таҳияи равишҳо ҷиҳати ташкили фаъолияти муштарак оид ба пешгирии интиқоли маводи мухаддир ва психотропӣ тавассути долонҳои байналмилалиро баррасӣ намуданд.
Яке аз мавзӯҳои муҳиме, ки ба рӯзномаи кори кумита ворид шудааст, ин хусусияти тафтиши парвандаҳои ҳуқуқвайронкунии маъмурӣ бо назардошти тағйирот дар қонунгузории маъмурӣ, ҷиноӣ ва ҷиноӣ -мурофиавии кишварҳои узви ИДМ мебошад.
Иштирокчиён самтҳои кори минбаъда оид ба ошкор ва пешгирии вайронкунии қонунгузории гумрукро муайян ва мувофиқа карданд. Гумрукчиён инчунин доир ба омӯзиши кинологҳо ва сагҳои хидматӣ ва натиҷаи кори воҳидҳои кинологӣ табодули таҷриба намуданд.
Аксҳо аз Хадамоти гумруки назди Ҳукумати ҶТ
Байни Тоҷикистон ва Чин Ёддошти тафоҳуми ҳамкорӣ дар соҳаи стандартизатсия ба имзо расид
Тоҷикистон ва Арманистон ҳамкориро дар самти ҳифз ва барқарорсозии экосистемаҳо ва мониторинги гуногунии биологӣ тақвият медиҳанд
Байни Тоҷикистон ва Чин Ёддошти тафоҳум оид ба мусоидат ба ҳамкорӣ дар соҳаи инфрасохтор ва сохтмони муҳандисӣ ба имзо расид
Байни мақомоти зиддикоррупсионии Тоҷикистон ва Чин Ёддошти тафоҳум оид ба пешгирӣ ва мубориза бо коррупсия ба имзо расид
Дар Агентии авиатсияи гражданӣ дар мавзуи «Амнияти иттилоотӣ дар шароити таҳдидҳои киберии муосир» ҳамоиш доир шуд
Дар Тоҷикистон беш аз 4 ҳазор коргоҳу корхонаи истеҳсолӣ фаъолият менамояд
Сохтмони роҳи таворавии шаҳри Кӯлоб қадами муҳим дар рушди инфрасохтори нақлиётии Тоҷикистон аст
Дар вилояти Суғд ҳаҷми истеҳсоли маҳсулоти кишоварзӣ ба беш аз 21 миллиард сомонӣ расид
«Барномаи рушди иҷтимоию иқтисодии вилояти Хатлон барои солҳои 2026–2030» 31,2 фоиз иҷро гардид
Дар Тоҷикистон 7136 ҳолати вайронкунии қонунгузории замин бартараф карда шуд
Ҳамкории БАТР бо Тоҷикистон дар соҳаи энергетика тақвият меёбад
Дар Нозироти андози шаҳри Ваҳдат 804 субъекти хоҷагидори амалкунанда сабти ном шудааст
