Хуршед Зиёӣ: «Таъмини амнияти иқтисодӣ яке аз масъалаҳои афзалиятноки стратегии давлат аст»

Октябрь 21, 2021 08:36

ДУШАНБЕ, 21.10.2021 /АМИТ «Ховар»/. 20  октябр дар Маркази тадқиқоти стратегии назди Президенти Ҷумҳурии Тоҷикистон бахшида ба 30-солагии Истиқлолияти давлатии Тоҷикистон ва 50-солагии Маркази тадқиқоти стратегии назди Президенти Ҷумҳурии Тоҷикистон дар мавзӯи «Таъмини амнияти иқтисодии давлат:  ҳолати кунунӣ ва дурнамои таҳким» конфронси байналмилалии илмию амалӣ  баргузор гардид, хабар доданд аз хадамоти  матбуоти  Маркази тадқиқоти  стратегии   назди Президенти Ҷумҳурии Тоҷикистон ба АМИТ «Ховар».

Дар конфронс намояндагони вазорату муассисаҳои дахлдор, донишмандони соҳаи иқтисодиёту ҷомеашиносӣ ва коршиносон  ширкат варзиданд.

Зимни ҳамоиш директори Маркази тадқиқоти стратегии назди Президенти Ҷумҳурии Тоҷикистон Хуршед Зиёӣ иброз дошт, ки «мақсади конфронси имрӯза- таҳлилу баррасӣ ва арзёбии дастовардҳо ва тамоюлҳои рушди иқтисодиёти миллӣ бо мақсади ноил шудан ба амнияти иқтисодӣ мебошад, зеро ба ҳамагон маълум аст, ки таъмини амнияти иқтисодӣ яке аз масъалаҳои афзалиятноки стратегии  давлат ба шумор меравад. Ин аз ҳисоби афзудани таҳдидҳои дохилӣ ва хориҷӣ буда, на танҳо ба амнияти иқтисодӣ, балки дар маҷмӯъ, ба амнияти миллӣ низ хавфу хатар дорад».

Ба гуфтаи Х. Зиёӣ, таъмини амнияти иқтисодӣ яке аз масъалаҳои муҳим буда, амнияти ягон давлати ҷаҳон, ҳатто давлатҳои бузург, ба мисли Русия, Чин, ИМА, новобаста аз амнияти дигар давлатҳо таҳлил карда намешавад. Дар ҷаҳон давлатҳои комилан худкифо вуҷуд надоранд. Аз як тараф, амнияти миллии ҳар давлат ба зарфияти мавҷуда, мушаххасот ва ҷузъҳои қавии ин зарфият асос ёфтааст, аз тарафи дигар, онро бе ҳамкории байналмилалӣ ва тиҷорат амалӣ кардан ғайриимкон аст. Қудрати сиёсӣ, иқтисодӣ, низомӣ ва худмаблағгузории давлатҳо дар миқёси нуфузи байналмилалӣ намоён  шуда, дорои тадбирҳо ва нишондиҳандаҳои муайяни миқдорӣ мебошанд.

Зикр карда шуд, ки мақсади конфронси ҷумҳуриявии илмию амалӣ  таҳлилу баррасӣ ва арзёбии дастовардҳо ва тамоюлҳои рушди иқтисодиёти миллӣ бо мақсади ноил шудан ба амнияти иқтисодӣ мебошад.

АКСҲО аз хадамоти матбуоти МТС

Октябрь 21, 2021 08:36

Хабарҳои дигари ин бахш

Сарвазири Тоҷикистон бо Директори генералии Бонки Осиёии рушд оид ба Осиёи Марказӣ ва Осиёи Ғарбӣ мулоқот намуд
Дар Душанбе масоили самаранокии низоми идоракунии давлатӣ ва волоияти қонун баррасӣ шуд
Миёни Ҳукумати Ҷумҳурии Тоҷикистон ва Корпоратсияи байналмилалии молиявӣ Созишномаи ҳамкорӣ ба имзо расид
Дар Тоҷикистон истеҳсоли картошка нисбат ба ҳамин давраи соли гузашта 144 ҳазор тонна зиёд гардидааст
МУЖДАИ ЗАФАР. Кишоварзони ноҳияи Кӯшониёни вилояти Хатлон нақшаи истеҳсоли пахтаро иҷро намуданд
Иля Федоров, директори департаменти Вазорати рушди иқтисоди ФР: Иқтидори тиҷоратии Русия ва Тоҷикистон ба тавре ки мебояд, истифода нашудааст
ИМРӮЗ — РӮЗИ БАЙНАЛМИЛАЛИИ САРФАИ ЭНЕРГИЯ. Коршиноси АМИТ «Ховар» мегӯяд, ки чаро он ба Тоҷикистон ин қадар зарур аст
Дар Душанбе Муколамаи миллии сатҳи баланд оид ба низоми озуқаворӣ дар Ҷумҳурии Тоҷикистон баргузор шуд
Вазири кишоварзии Тоҷикистон дар ноҳияи Мастчоҳ бо ҷараёни ҷамъоварии пахта ва коркарди он шинос гардид
Таҳкими ҳамкории Тоҷикистон ва Туркия дар бахши ҳифзи муҳити зист дар Глазго баррасӣ шуд
Дар Душанбе Форуми занони соҳибкор гузаронида мешавад
IFAD дар Тоҷикистон бо назардошти масъалаҳои иқлим лоиҳаи нав татбиқ менамояд