Намояндагони Тоҷикистон дар «Ҳафтаи забони русӣ дар давлатҳои Аврупо ва ИДМ» иштирок мекунанд
ДУШАНБЕ, 26.10.2021 /АМИТ «Ховар»/. «Ҳафтаи забони русӣ дар Аврупо ва ИДМ» 25 октябр оғоз шуд. Дар ин лоиҳа филологҳои 15 кишвар, аз ҷумла Тоҷикистон, Словакия, Қатар, Либия, Чехия, Испания, Беларус, Қирғизистон, Австрия, Молдова, Урдун ва ИМА ба таври онлайн ширкат мекунанд. Мубодилаи байналмилалии таҷриба ташкил карда шуд. Дар ин бора Консулгарии генералии Тоҷикистон дар Екатеринбург хабар додааст.
Ташкилкунандаи лоиҳа мақомоти ҳавзаи мухтори Ханти-Мансийски Федератсияи Русия мебошад.
Барнома бо суханрониҳои ректори Донишкадаи давлатии забони русии ба номи Пушкин Маргарита Русетская, губернатори ҳавзаи мухтори Ханти-Мансийск Наталя Комарова ва намояндаи Вазорати корҳои хориҷии Русия дар Екатеринбург Александр Харлов ифтитоҳ гардид.
Дар ифтитоҳи маросим Консули генералии Ҷумҳурии Тоҷикистон дар Екатеринбург Зафар Сайидзода ширкат намуда, сухани табрикӣ гуфт. Аз ҷониби Ҷумҳурии Тоҷикистон муовини декани факултаи забон ва адабиёти руси Донишгоҳи давлатии Хуҷанд ба номи академик Бобоҷон Ғафуров Анис Ёқубов изҳори назар намуд.
Барномаи чорабиниҳои «Ҳафтаи забони русӣ дар давлатҳои Аврупо ва ИДМ» баргузории маърӯзаҳо, семинарҳо, ҳамоишҳо, машғулият ва вохӯриҳо оид ба таълим ва омӯзиши забони русӣ дар хориҷа, оммавӣ кардани фарҳанги рус бо иштироки намояндагони муассисаҳои таҳсилоти олиро пешбинӣ менамояд. «Ҳафтаи забони русӣ дар давлатҳои Аврупо ва ИДМ» то 29 октябр идома меёбад.
АКС аз Консулгарии генералии Тоҷикистон дар Екатеринбург
«ЗАБОНИ МО – ҶАҲОНИ МО». 16 октябр Анҷумани сеюми забоншиносони давлатҳои ҳамзабону ҳамфарҳанг баргузор мегардад
ФИЛМҲОИ МИЛЛӢ ДАР ҶАШНВОРАҲОИ БАЙНАЛМИЛАЛӢ ЭЪТИРОФ ВА ҚАДРДОНӢ МЕШАВАНД. Эҳдо ба Рӯзи кинои тоҷик
Дар Минск бахшида бо Рӯзи байналмилалии бузургдошти Ҳофизи Шерозӣ ҳамоиш доир шуд
Дар даври ҷамъбастии Озмуни ҷумҳуриявии «Тоҷикистон-Ватани азизи ман» 581 довталаб иштирок менамояд
«ТОҶИ СОМОН». Меҳмонони синамоҷоизаи миллӣ бо имконоти сайёҳии Тоҷикистон шинос мегарданд
Ҷаласаи комиссияи Озмуни ҷумҳуриявии «Тоҷикистон—Ватани азизи ман» баргузор гардид
Иштирокдорони Форуми ҷавонони СҲШ аз Осорхонаи миллии Тоҷикистон дидан намуданд
Оид ба ҳифзи мероси таърихию фарҳангии тоҷикон конфронси байналмилалӣ доир шуд
«ДОНАНДАИ БЕҲТАРИНИ АСАРҲОИ ПЕШВОИ МИЛЛАТ». Ғолибони озмуни ҷумҳуриявӣ қадрдонӣ гардиданд
«ТОҶИ СОМОН». Дар доираи синамоҷоизаи миллӣ рӯзҳои кинои Эрон, Русия, Узбекистон ва Қирғизистон баргузор мегардад
«БАРНОМАИ РУШДИ КИТОБХОНАҲОИ ДЕҲОТ». Он фаъолияти китобхонаҳоро ба талаботи замони муосир мутобиқ менамояд
Дар ноҳияи Рӯдакӣ доир ба баланд бардоштани сатҳи огоҳии ҷавонон оид ба хатари терроризм ҳамоиш баргузор шуд
