Лоиҳаи Консепсияи рушди устувор барои кишварҳои узви ИДМ аз ҷониби вакилони Парлумон тасдиқ карда шуд

Октябрь 22, 2021 11:40

ДУШАНБЕ, 22.10.2021 /АМИТ «Ховар»/. Имрӯз дар қароргоҳи Ассамблеяи Байнипарлумонии Иттиҳоди Давлатҳои Мустақил  дар шаҳри Санкт-Петербурги Федератсияи Русия ҷаласаи Комиссияи доимии Ассамблеяи Байнипарлумонӣ оид ба омӯзиши таҷрибаи сохтори давлатӣ ва худидоракунии маҳаллӣ баргузор шуд, ки дар он раиси кумита оид ба сохтори давлатӣ ва худидоракунии маҳаллии Маҷлиси намояндагони Маҷлиси Олии Ҷумҳурии Тоҷикистон Файзалӣ Идизода муовини раиси комиссия интихоб гардид, иттилоъ дод котиби матбуоти Маҷлиси намояндагон Муҳаммадато Султонов ба АМИТ «Ховар».

Ҷаласаи мазкур таҳти раёсати Валентин Семеняко- раиси комиссияи мазкур, раиси Комиссияи доимии Палатаи намояндагони Маҷлиси миллии Ҷумҳурии Беларус оид ба сохтори давлатӣ, худидоракунии маҳаллӣ баргузор шуд.

Вакилони парлумон лоиҳаҳои Консепсияи рушди устувор барои кишварҳои узви ИДМро  бо дарназардошти пешниҳоду эродҳои расида баррасӣ ва тасдиқ карданд. Қарор дода шуд, ки аз Шӯрои Ассамблеяи Байнипарлумонии  ИДМ дархост карда шавад, ки масъалаи ин лоиҳаҳоро ба рӯзномаи ҷаласаи пленарии навбатии АБ  ИДМ ворид кунанд. Дар соли 2021 комиссия ба коркарди лоиҳаҳои нави ҳуҷҷатҳои интихоботӣ оғоз кард.

Дар ҷаласа ҳамчунин лоиҳаи Қонуни намунавӣ «Дар бораи мушоҳидаи байналмилалӣ», ки аз ҷониби узви кумитаи Шӯрои Федератсияи Маҷлиси Федералии Федератсияи Русия оид ба қонунгузории конститутсионӣ ва сохтори давлатӣ Олег Тсепкин пешниҳод шудааст, баррасӣ гардид. Иштироккунандагони ҷаласа рафти кор роҷеъ ба лоиҳаи таҳрири нави «Тавсияҳо барои нозирони байналмилалӣ аз ИДМ оид ба мушоҳидаҳои интихобот ва раъйпурсӣ»-ро низ мавриди омӯзиш қарор доданд. Муовини сардори котиботи Шӯрои АБ ИДМ — Директори Институти байналмилалии мониторинги рушди демократия Иван Мушкет роҷеъ ба масъалаҳои зикршуда маълумоти муфассал дод.

Бори аввал дар ҷаласаи комиссияи мазкур лоиҳаҳои қонунҳои намунавӣ  «Дар бораи хадамоти давлатӣ ва мунисипалӣ», «Дар бораи расмиёти маъмурӣ», «Дар бораи хусусигардонии моликияти давлатӣ ва коммуналӣ», «Дар бораи мукофотҳои мунисипалӣ»  муаррифӣ гардиданд.  Сенатори Русия Александр Савин ба ҳамкасбони худ ҷанбаҳои калидии ин ҳуҷҷатҳоро нақл кард. Омӯзиши корҳо оид ба лоиҳаҳои қонунҳо идома хоҳад ёфт.

Аъзои комиссия инчунин бо маълумот дар бораи татбиқи Консепсияи ҳамкории байниминтақавӣ ва наздисарҳадии кишварҳои узви ИДМ дар давраи то соли 2020 ва Нақшаи чорабиниҳо оид ба татбиқи он шинос шуданд. Аз соли 2000 инҷониб мавзӯи ҳамкории байниминтақавӣ ва наздисарҳадӣ яке аз самтҳои афзалиятноки фаъолияти комиссия ба ҳисоб меравад.

Вакилони парлумон инчунин дар конфронси «Симои шаҳри муосир» бахшида ба Соли меъморӣ ва рушди шаҳрсозӣ дар ИДМ, ки дар Петергоф баргузор мешавад, иштирок мекунанд.

АКС: МН МО ҶТ

Октябрь 22, 2021 11:40

Хабарҳои дигари ин бахш

Вакилони мардумӣ дар шаҳру ноҳияҳои Тоҷикистон бо намояндагони ҷомеа ва ходимони дин мулоқот намуданд
Тадбирҳои мубориза бо муҳоҷирати ғайриқонунӣ дар давлатҳои аъзои Созмони Аҳдномаи амнияти дастҷамъӣ пешниҳод гардиданд
Дар Душанбе вазъ ва дурнамои ҳамкории байнипарлумонии Тоҷикистон ва Гурҷистон баррасӣ шуд
Рустами Эмомалӣ ба Валентина Матвиенко ва Вячеслав Володин барқияи изҳори тасаллӣ ирсол намуданд
БАР ЗИДДИ ИФРОТГАРОИВУ ТЕРРОРИЗМ САРҶАМЪОНА МУБОРИЗА БАРЕМ. Андешаҳо дар ҳошияи мулоқоти Президенти Тоҷикистон бо намояндагони ҷомеа ва ходимони дин
Дар Маҷлиси намояндагони Маҷлиси Олии Ҷумҳурии Тоҷикистон созишномаҳо ба тасвиб расиданд
САРМОЯИ ИНСОНӢ. Рушд ва самаранокии истифодаи сармояи инсонӣ барои давлату Ҳукумат аҳамияти аввалиндараҷа дорад
Дар Маҷлиси намояндагони Маҷлиси Олии Ҷумҳурии Тоҷикистон Рӯзи Модар пуршукуҳ таҷлил гардид
НАҚШИ ЗАНОН ДАР ПАРЛУМОНИ ТОҶИКИСТОН. 8 зан аъзои Маҷлиси миллӣ ва 16 нафар вакили Маҷлиси намояндагон мебошанд
Дар Душанбе бахшида ба Соли маърифати ҳуқуқӣ ҳамоиш баргузор гардид
Имрӯз дар шаҳри Душанбе иҷлосияи ҳабдаҳуми Маҷлиси миллии Маҷлиси Олии Ҷумҳурии Тоҷикистон, даъвати шашум баргузор гардид
Дар Маҷлиси намояндагони Маҷлиси Олии Ҷумҳурии Тоҷикистон созишномаҳо ба тасвиб расиданд