Мукофоти давлатии Ҷумҳурии Тоҷикистон — ордени «Спитамен», дараҷаи I ба модари сарбози қазоқ Раҷан Батрканов супорида шуд
ДУШАНБЕ, 20.10.2021 /АМИТ «Ховар»/. 20 октябр дар Сафорати Ҷумҳурии Тоҷикистон дар Ҷумҳурии Қазоқистон маросими супурдани мукофоти давлатии Ҷумҳурии Тоҷикистон — ордени «Спитамен», дараҷаи I ба Кизат Батрканова — модари марҳум, сержанти хурди Баталйони алоҳидаи тирандози Қазоқистон Батрканов Раҷан Армиевич, ки 28 сентябри соли 1994 зимни ҳифзи сарҳади давлатии Ҷумҳурии Тоҷикистон бо Афғонистон ҳалок шуда буд, баргузор гардид. Дар ин бора АМИТ «Ховар» бо истинод ба Сафорати Ҷумҳурии Тоҷикистон дар Ҷумҳурии Қазоқистон хабар медиҳад.
Дар маросим Сафири Тоҷикистон дар Қазоқистон Хайрулло Ибодзода Хайрулло Ибодзода, аъзои оилаи марҳум Раҷан Батрканов, муовини Раиси Кумитаи давлатии амнияти Ҷумҳурии Қазоқистон, генерал-лейтенант Д. Дилманов, намояндагони расмии мақомоти дахлдори Қазоқистон, Ҷамъияти сарбозон-собиқадорони Қазоқистон, инчунин воситаҳои ахбори оммаи кишвари иқомат иштирок намуданд.
Сафири Тоҷикистон дар Қазоқистон Хайрулло Ибодзода баъд аз ибрози сухани ёдбуд ба хотири сарбози шаҳиди қазоқистонӣ Фармони Президенти Ҷумҳурии Тоҷикистон аз 30 сентябри соли 2021-ро дар хусуси барои далерию фидокорӣ бо ордени «Спитамен», дараҷаи I пас аз марг сарфароз гардонидани сержанти хурд Батрканов Раҷан Армиевич қироат намуда, мукофотро ба модари қаҳрамон супорид.
Хешовандони Раҷан Батрканов ва шахсони воломақоми Ҷумҳурии Қазоқистон зимни суханронӣ дар маросим ба Ҳукумат ва Сарвари давлати Тоҷикистон муҳтарам Эмомалӣ Раҳмон барои қадрдонии хизмати сарбози қазоқистонӣ арзи сипос намуданд.
АКСҲО аз Сафорати Ҷумҳурии Тоҷикистон дар Ҷумҳурии Қазоқистон
Намояндаи доимии Тоҷикистон бо муовини Котиби кулли Созмони умумиҷаҳонии обуҳавошиносӣ мулоқот намуд
Давлатшоҳ Гулмаҳмадзода бо роҳбарони ҷамъиятҳои тоҷикон дар шимолу ғарби Русия вохӯрӣ намуд
Сафири Тоҷикистон бо Губернатори вилояти Ленингради Русия мулоқот намуд
Сафири Тоҷикистон дар Русия бо ҷавонон ва донишҷӯёни тоҷик дар шаҳри Санкт-Петербург мулоқот намуд
Дар Женева дурнамо ва рушди ҳамкорӣ байни Тоҷикистон ва Созмони умумиҷаҳонии моликияти зеҳнӣ баррасӣ шуд
Сафири Тоҷикистон бо Губернатори Санкт – Петербург мулоқот намуд
РАВАНДИ ОБИ ДУШАНБЕ. Сомонаи расмии Конфронси чоруми байналмилалии сатҳи баланд оид ба Даҳсолаи байналмилалии амал «Об барои рушди устувор, 2018–2028» фаъол гардид
Барои иштирок дар Конфронси байналмилалии сатҳи баланд оид ба Даҳсолаи байналмилалии амал «Об барои рушди устувор» бақайдгирӣ оғоз ёфт
Дар Қоҳира ҳамкорӣ байни ширкатҳои Тоҷикистону Миср баррасӣ гардид
Дар Душанбе Ҷаласаи навбатии Шурои сарони ҳукуматҳо (сарвазирон)-и давлатҳои узви СҲШ доир мегардад
Сафири Тоҷикистон бо муовини якуми Раиси Бонки марказии Арабистони Саудӣ мулоқот намуд
Дар Душанбе бо иштироки намояндагони 27 давлат маъракаи ниҳолшинонӣ баргузор шуд
