Намояндагони мақомоти ҳифзи муҳити зисти Тоҷикистон аз парваришгоҳҳои «Чатқол» ва «Ҷейран» боздид намуданд
ДУШАНБЕ, 18.10.2021 /АМИТ «Ховар»/. Бо мақсади табодули таҷриба намояндагони мақомоти ҳифзи муҳити зисти Ҷумҳурии Тоҷикистон ба Ҷумҳурии Узбекистон сафари корӣ анҷом дода, бо роҳбарияти Кумитаи давлатии экологияи Ҷумҳурии Узбекистон, мутахассисони соҳаи гуногунии биологӣ, минтақаҳои ҳифзшаванда ва соҳаи идоракунии партовҳо вохӯриҳо анҷом доданд. Тавре ба АМИТ «Ховар» аз Кумитаи ҳифзи муҳити зисти назди Ҳукумати ҷумҳурӣ иттилоъ доданд, ҳайати намояндагии ҳифзи муҳити зисти Тоҷикистон ҳамзамон аз фаъолияти мамнуъгоҳи биосферии «Чатқол»-и Узбекистон дидан намуд.
Дар доираи сафари корӣ ҳайати намояндагони мақомоти ҳифзи муҳити зисти Тоҷикистон ба шаҳри Самарқанд ташриф оварда, бо намояндагони Корхонаи воҳиди давлатии «Мароканд» вохӯрданд ва бо фаъолияти автомобилҳо, таваққуфгоҳҳо ва нуқтаҳои муваққатии партовҳои «Мароканд обод» шинос гардиданд.
Дар идомаи сафари корӣ ҳайати мақомоти ҳифзи муҳити зисти Тоҷикистон дар шаҳри Бухоро бо фаъолияти ҶДММ «Аҳолӣ транс» шинос гардида, инчунин аз парваришгоҳи «Ҷейран» боздид намуданд.
Сафари кории намояндагони мақомоти ҳифзи муҳити зисти Тоҷикистон ба Узбекистон дар доираи ҳамкории мутақобилан судманди Кумитаи ҳифзи муҳити зисти Тоҷикистон бо Кумитаи давлатии экологияи Ҷумҳурии Узбекистон ҷараён мегирад.
Аксҳо аз Кумитаи ҳифзи муҳити зисти назди Ҳукумати ҶТ
Имрӯз дар Тоҷикистон ҳавои тағйирёбандаи бебориш пешгӯӣ мешавад
ҚУРБИ АСЪОР: 1 рубли русӣ аз 0.1000 то 0.1069 сомонӣ муқррар шудааст
Муассисаҳои таълимӣ ва тандурустии ноҳияи Шаҳринав ба зимистонгузаронӣ омода мебошанд
35 СОЛИ СОЗАНДАГӢ ВА РУШД ДАР ХАТЛОН. 55–60 фоизи ҳаҷми умумии маҳсулоти кишоварзии Тоҷикистон дар ин вилоят истеҳсол мешавад
МАНФИАТ ВА ХАВФҲОИ ИСТИФОДАИ ЗЕҲНИ СУНЪӢ. Мулоҳизаҳои профессор Сайфиддин Давлатзода дар ин мавзуъ
Дар вилояти Суғд ба фаъолони соҳаҳо мукофотҳои давлатии Ҷумҳурии Тоҷикистон супорида шуд
ДАР ПАЙРАВӢ БА ИҚДОМИ ПЕШВОИ МИЛЛАТ. Ба хонандагони ятими шаҳри Роғун либоси мактабӣ ва лавозимоти хониш тақдим гардид
КИТОБ — МУФИДТАРИН ИХТИРОИ БАШАР. Имрӯз дар Тоҷикистон Рӯзи китоб аст
Сафири Тоҷикистон бо Вазири энергетика ва маъданҳои Салтанати Умон мулоқот намуд
