Намояндаи Тоҷикистон дар ҷаласаи Шӯрои XXIV байниҳукуматӣ оид ба иктишоф, истифода ва ҳифзи сарватҳои зеризаминии ИДМ иштирок менамояд
ДУШАНБЕ, 20.10.2021. /АМИТ «Ховар»/. 20-22 октябр дар шаҳри Тошканди Ҷумҳурии Узбекистон ҷаласаи навбатии XXIV Шӯрои байниҳукуматӣ оид ба иктишоф, истифода ва ҳифзи сарватҳои зеризаминии давлатҳои узви Иттиҳоди давлатҳои мустақил доир мегардад, иттилоъ доданд аз маркази матбуоти Саридораи геологияи назди Ҳукумати Ҷумҳурии Тоҷикистон ба хабарнигори АМИТ «Ховар».
Ҷониби Тоҷикистонро дар ин ҷаласа Сардори Саридораи геологияи назди Ҳукумати Ҷумҳурии Тоҷикистон Илҳомҷон Оймуҳаммадзода намояндагӣ намуда, дар он суханронӣ мекунад.
Дар назар аст, ки дар ҷаласа масъалаҳои вобаста ба рушди ҳамкории давлатҳои аъзои ИДМ дар соҳаи геология ва истифодаи сарватҳои зеризаминӣ, натиҷаи фаъолияти Шӯрои байниҳукуматӣ оид ба иктишоф, истифода ва ҳифзи сарватҳои зеризаминии давлатҳои узви ИДМ дар солҳои 2019-2021, иҷрои қарорҳои ҷаласаи XXIII, инчунин якчанд масъалаҳои марбут ба соҳаи геологияи ИДМ мавриди баррасӣ қарор дода шаванд.
Дар кори ҷаласа иштироки аъзои Шӯрои байниҳукуматӣ оид ба иктишоф, истифода ва ҳифзи сарватҳои зеризаминии давлатҳои узви ИДМ ва коршиносони ҷумҳуриҳои Тоҷикистон, Арманистон, Беларус, Қазоқистон, Қирғизистон, Узбекистон, Федератсияи Русия ва намояндагони Кумитаи иҷроияи ИДМ дар назар дошта шудааст.
Ёдовар мешавем, ки ҷаласаи XXIII Шӯрои байниҳукуматӣ оид ба иктишоф, истифода ва ҳифзи сарватҳои зеризаминии давлатҳои узви ИДМ соли 2019 дар шаҳри Нурсултони Ҷумҳурии Қазоқистон доир гардида, дар он тасмим гирифта шуд, ки ҷаласаи XXIV Шӯрои байниҳукуматӣ оид ба иктишоф, истифода ва ҳифзи сарватҳои зеризаминии давлатҳои узви ИДМ соли 2020 дар шаҳри Тошканд гузаронида шавад. Вале бинобар вазъи эпидемиологии минтақа ва ҷаҳон соли гузашта баргузории он ба таъхир афтод.
АКС аз бойгонии АМИТ «Ховар»
Дэвид Кэмерон: «Британия мехоҳад лоиҳаҳои бузурги гидроэнергетикии истеҳсолкунандаи энергияи сабзро дар Тоҷикистон дастгирӣ кунад»
Байни Душанбе ва Лондон парвозҳои мустақим ба роҳ монда мешаванд
Котиби давлатии Британияи Кабир оид ба корҳои хориҷӣ Дэвид Кэмерон ба Тоҷикистон ташриф овард
Тоҷикистон ва Ҷумҳурии Корея ҳамкории байни муассисаҳои таҳсилоти олии ду мамлакатро матраҳ намуданд
Намояндаи Тоҷикистон дар чорабинии сатҳи баланди Маҷмаи Умумии СММ оид ба нақлиёти устувор иштирок намуд
Президенти Ҷумҳурии Узбекистон бо Сарвазири Ҷумҳурии Тоҷикистон мулоқот намуд
Тоҷикистон бо Маркази байналмилалии савдо рақамикунонии соҳаҳои иқтисодӣ ва инноватсияро баррасӣ намуд
Ҳайати Тоҷикистон дар ҷаласаи ҳаштуми вазирони маорифи давлатҳои аъзои Созмони ҳамкории Шанхай иштирок намуд
Президенти Тоҷикистон: «Аҳднома оид ба ҳампаймонӣ муносибатҳои Тоҷикистону Узбекистонро ба сатҳи сифатан нав мебарорад»
Донишҷӯёни тоҷике, ки дар Русия таҳсил доранд, даъват шуданд, ки илм омӯзанд
Президенти Ҷумҳурии Узбекистон Шавкат Мирзиёев дар пояи муҷассамаи Исмоили Сомонӣ гулчанбар гузошт
Намояндаи Тоҷикистон дар машваратҳои ғайрирасмӣ дар сатҳи сафирон оид ба Саммити Оянда иштирок намуд
