ОМОДАГӢ БА ЗИМИСТОН. Дар вилояти Суғд 535 дегхона дар ҳолати корӣ қарор доранд
ХУҶАНД, 31.10.2021. /АМИТ «Ховар»/. Бо мақсади захираи миқдори зарурии сӯзишворӣ (ангиштсангу ҳезум), печҳои бухориву гармкунакҳои барқӣ дар муасисаҳои соҳаи маорифи вилояти Суғд захираи ангиштсанг 17560,5 тонна (100,2%), ҳезум 8299,2 м3 (101,5%) ва сӯзишвории дизелӣ 6697,0 литр (79,0%)-ро ташкил дода, инчунин дар масоҳати 5812 м2 (100,2%) корҳои шишабандӣ гузаронида шуда, ҳамзамон 13995 адад печҳои аловӣ (100,0%), 3160 адад (99,6%) гармкунакҳои барқӣ омода карда шудаанд, хабар медиҳад мухбири минтақавии АМИТ «Ховар».
Имрӯзҳо дар тамоми ташкилоту муассисаҳои кишвар дар доираи сари вақт омода намудани соҳаҳои иқтисодиёт ва иҷтимоиёт барои фаъолияти мунтазам ва самарабахш дар давраи тирамоҳу зимистони солҳои 2021-2022 корҳои омодагӣ ҷараён доранд.
Вобаста ба ҷараёни корҳо дар соҳаи маориф масъулини Раёсати маорифи вилояти Суғд ба хабарнигори АМИТ «Ховар» иттилоъ доданд, ки илова бар ин, ҳамчунин аз шумораи умумии 713 адад дегхонаҳои дар қайди муассисаҳои мактабибуда 535 адад (75,0%) дар ҳолати корӣ қарор дошта, аз ҷумла, дар мактабҳои ноҳияҳои Б.Ғафуров — 136 адад, Зафаробод – 38, Ҷ.Расулов — 37, Айнӣ – 32, Мастчоҳ – 19, Спитамен – 18, Панҷакент – 17, Шаҳристон – 14, Ашт – 8, Деваштич – 5, Кӯҳистони Мастчоҳ – 3 ва шаҳрҳои Хуҷанд – 47, Истаравшан – 78, Исфара – 36, Конибодом – 22, Гулистон – 13, Бӯстон – 7, Истиқлол – 5 ададӣ дегхонаҳо пас аз таъмиру навсозӣ барои гармкунии мактабҳо омода карда шудаанд.
Бояд гуфт, ки то оғози соли хониши 2021-2022 дар миқёси вилоят 943 муассисаи таҳсилоти умумӣ бо фарогирии беш аз 565 ҳазор нафар толибилмон фаъолият менамуд. Имсол барои аз байн бурдани норасоии шумораи мактабҳо ва фароҳам овардани шароити бештари мусоид барои таълиму тадрис дар шаҳру ноҳияҳои шимоли кишвар баистифодадиҳии зиёда аз 30 муассисаи таълимӣ барои 11754 хонанда пешбинӣ гардидааст, ки то имрӯз беш аз нисфи он мавриди баҳрабардорӣ қарор гирифтааст.
АКС: АМИТ «Ховар»
«ДӮСТИИ АДАБӢ — ДӮСТИИ АБАДӢ». Бо иштироки аҳли фарҳангу санъати Тоҷикистону Узбекистон ҳамоиш доир шуд
Гурӯҳи хабарнигорони Қирғизистон аз як қатор ҷойҳои таърихию фарҳангии Тоҷикистон боздид намуд
Рӯзҳои кинои Тоҷикистон дар Узбекистон доир мешавад
Хабарнигорони Қирғизистон дар Осорхонаи миллӣ бо таъриху фарҳанги Тоҷикистон шинос гардиданд
НАВРӮЗИ ХАТЛОН. Фасли баҳор дар ин минтақаи Тоҷикистон пештар оғоз меёбад
Рӯзҳои фарҳанги Тоҷикистон дар Узбекистон баргузор мегарданд
САЁҲАТРО АЗ ВАТАН ОҒОЗ МЕНАМОЕМ! Ёдгориҳои таърихию фарҳангии Хуттали Қадим аз ҷиҳати аҳамияти таърихӣ ҳамто надоранд
Гурӯҳи хабарнигорони Қирғизистон бо мақсади шиносоӣ бо дастовардҳои даврони истиқлол ва иштирок дар тантанаҳои наврӯзӣ ба Тоҷикистон ташриф овард
Эмомалӣ Раҳмон: «Ҳифзи Наврӯз – ҳифзи ҳувият ва худшиносии миллати куҳанбунёду тамаддунсози тоҷик мебошад»
Эмомалӣ Раҳмон: «Ҳамчун ворисони аслии тамаддуни ориёӣ суннатҳои наврӯзиро минбаъд низ пос дорем»
КУЛОЛГАРӢ — РАМЗИ ФАРҲАНГИ МИЛЛӢ. Анъанаи истифодаи зарфҳои кулолӣ дар Наврӯз то имрӯз боқӣ мондааст
Эмомалӣ Раҳмон: «Наврӯз моро ба некиву накукорӣ даъват мекунад»
