Раиси Кумитаи бехатарии озуқаворӣ бо роҳбари лоиҳаи содагардонии расмиёти савдо дар Осиёи Марказӣ мулоқот намуд

Октябрь 12, 2021 15:42

ДУШАНБЕ, 12.10.2021 /АМИТ «Ховар»/. Имрӯз дар Кумитаи бехатарии озуқавории назди Ҳукумати Ҷумҳурии Тоҷикистон оид ба тақвият бахшидани ҳамкорӣ дар самти содагардонии расмиёти савдо ҷиҳати таъмини бехатарии маҳсулоти озуқаворӣ мулоқоти раиси Кумита Муҳаммадсаид Файзуллозода бо роҳбари лоиҳаи содагардонии расмиёти савдо дар Осиёи Марказӣ хонум Фелиситас Зик баргузор шуд, хабар доданд ба АМИТ «Ховар» аз маркази матбуоти Кумитаи бехатарии озуқаворӣ.

Дар мулоқот роҳбарияти мақомоти бехатарии озуқаворӣ изҳор намуд, ки дар идомаи ҳамкорӣ ҷиҳати беҳтаргардонии шароити корӣ ва содагардонии самтҳои фаъолият, аз ҷумла дар ташкили шабакаҳои дохилӣ (серверӣ) ва барномаи ягона барои содагардонии расмиёти савдо дар заминаи татбиқи ҳукумати электоронӣ, аз ҷониби лоиҳаи содагардонии расмиёти савдо дар Осиёи Марказӣ дар ин самт дастгирӣ карда шавад. Зеро рушди соҳаро дар самти содагардонии расмиёти савдо ва таъмини бехатарии маҳсулоти озуқаворӣ дар замони муосир бе татбиқи ҳукумати электронӣ тасаввур кардан ғайриимкон аст.

«Таҷрибаи кишварҳои пешрафта собит намудааст, ки бо татбиқи ҳукумати электронӣ ва ташкили шабакаҳои дохилӣ онҳо тавонистанд маҳсулоти озуқавориро аз саҳро ва ё ферма то ба истеҳсол, коркард, бастабандӣ, ворид ба бозори истеъмолӣ ва содирот намудан зери назорати доимӣ  қарор диҳанд»,-афзуд Муҳаммадсаид Файзуллозода.

Вобаста ба ҳалли ин масъалаҳо ҳамкорӣ идома ёфта, доир ба ташкили шабакаҳои дохилии Кумита дар шаҳру ноҳия ва вилоятҳои ҷумҳурӣ оид ба пешбурди самтҳои фаъолият, бозомӯзии кормандони мақомоти бехатарии озуқаворӣ, инчунин ҷиҳати пиёда намудани сиёсати Ҳукумати Тоҷикистон барои ноил шудан ба таъмини амнияти озуқаворӣ, ки яке аз бахшҳои он содагардони расмиёти савдо дар кишвар аст, изҳори ҳавасмандӣ карда шуд.

АКС: Кумитаи бехатарии озуқавории назди Ҳукумати ҶТ

Октябрь 12, 2021 15:42

Хабарҳои дигари ин бахш

Пахтакорони ноҳияи Ҷаббор Расулов дар майдони зиёда аз 5 ҳазор гектар кишти чигит мегузаронанд
Вазири кишоварзии Тоҷикистон вобаста ба тақвияти корҳои саҳроӣ бо деҳқонони шаҳри Конибодом суҳбат намуд
Дар шаҳри Хоруғ корхонаи истеҳсоли ҳасиб бунёд мегардад
Дар Суғд барои дарёфти грантҳои раиси вилоят озмун баргузор мешавад
Дар Эстония Хонаи савдои Тоҷикистон таъсис дода мешавад
Намояндагони Тоҷикистон дар «Аirspace world 2024» дар Женева иштирок намуданд
Роҳбари хоҷагии деҳқонии «Бобои Носир»: «Истифодаи оқилонаи 7,5 гектар замин ва даромад аз он дар баланд гардидани сатҳи зиндагии 5 оила мусоидат намуд»
Деҳқонони ноҳияи Мастчоҳ имсол дар майдони зиёда аз 23 ҳазор гектар кишту парвариши зироати кишоварзиро ба нақша гирифтаанд
Дар шаҳри Хуҷанд Намоишгоҳи X байналмилалии савдо «Суғд-2024» доир мегардад
«РОҲ БА СӮИ ТИЁНШОН». Душанбе охири моҳи май мизбони конфронси байналмилалӣ мегардад
Соли 2023 ба буҷети шаҳри Гулистон аз ҳисоби хизматрасонии сайёҳӣ ва табобатӣ зиёда аз 40 миллион сомонӣ ворид шуд
Ҳоҷагидорони Кооперативи истеҳсолии «Сомон-Бохтар»-и ноҳияи Кӯшониён майдони парвариши лимӯро васеъ менамоянд