Ситораи балети ҷаҳонӣ Фаррух Рӯзиматов ба Тоҷикистон меояд

Октябрь 20, 2021 09:49

ДУШАНБЕ, 20.10.2021 /АМИТ «Ховар»/. Ҳунарпешаи шоистаи Тоҷикистон, Ҳунарпешаи халқии Федератсияи Русия, ахтари дурахшони балети ҷаҳонӣ, ҳунарманди дӯстдошта Фаррух Рӯзиматов бо даъвати Театри давлатии академии опера ва балети ба номи С. Айнӣ ба Душанбе меояд, иттилоъ доданд ба АМИТ «Ховар» аз маркази матбуоти Вазорати фарҳанги Ҷумҳурии Тоҷикистон.

4 декабр дар Театри давлатии академии опера ва балети ба номи С. Айнӣ нахустнамоиши балети «Садди оташ», ки оҳангсози он Ҳунарпешаи халқии Тоҷикистон Қудратулло Яҳёев буда,  либретторо  Тоҳир Мамадризоев навиштааст, баргузор мегардад.

Балетмейстерони таҳиягар Равшан Чориев, Сергей Райник (Русия) ва роҳбари бадеӣ Ҳунарпешаи халқии Тоҷикистон Шавкат Халилзода мебошанд. Ҳамчунин баргузории шоми эҷодии Фаррух Рӯзиматов дар назар аст.

Бояд гуфт, ки Фаррух Рӯзиматов — раққоси балет, раққоси пешбари балети Театри Мариинский дар солҳои 1986-2007, Ҳунарпешаи шоистаи ҶШС Тоҷикистон (1988), лауреати Ҷоизаи ниқоби тиллоӣ (1998), Ҳунарпешаи халқии  Русия мебошад.

Ҳоло роҳбарии дастаи ҳунармандони Театри опера ва балети  шаҳри Новосибирскро бар уҳда дошта, дотсенти рақси классикӣ ва рақси дуэтии Академияи балети Русия ба номи А.Ваганова ва устоди рақс дар Санкт-Петербург мебошад.

 АКС аз манбаъҳои боз

Октябрь 20, 2021 09:49

Хабарҳои дигари ин бахш

ИМРӮЗ-РӮЗИ ҶАҲОНИИ ТЕАТР. Дар давраи соҳибистиқлолӣ дар Тоҷикистон барои пешрафти санъати касбии театрӣ шароити мусоид фароҳам оварда шуд
«САЙРИ ГУЛИ ЛОЛА». Дар Суғд Фестивали вилоятии гулҳо доир мешавад
КОНИ ЛАЗЗАТ ВА ХОНИ НЕЪМАТ. Хабарнигори АМИТ «Ховар» оид ба таомҳои наврӯзӣ дар Бадахшон маълумот ҷамъоварӣ намуд
НАВРӮЗ-МАҲБУБТАРИН ҶАШНИ МИЛЛИИ ТОҶИКОН. Суратгузориш аз таҷлили бошукуҳи ҷашни Наврӯз дар Академияи миллии илмҳои Тоҷикистон
Байни Китобхонаи миллии Тоҷикистон ва Китобхонаи оммавӣ, илмӣ-техникии шуъбаи Академияи илмҳои Русия дар минтақаи Сибир Созишномаи ҳамкорӣ ба имзо расид
Оши бурида дар Наврӯз ҳамчун рамзи умри дароз ва ҳаёти хушбахтона омода мешавад
НАВРӮЗ — ҶАШНИ ЭҲЁ. Ин ҷашни ҷаҳонӣ бунёди маънавии миллати тоҷик мебошад
МАЗМУНҲОИ НАВРӮЗӢ ДАР АШЪОРИ АҲДИ КЛАССИКИИ ФОРСУ ТОҶИК. Андешаҳои адабиётшинос дар хусус
НАВРӮЗ ДАР ЗАРАФШОН. Он бо «тухмҷангак»-и кӯдакон оғоз мегардад
ШАБОҲАТИ ОИНҲОИ НАВРӮЗӢ ДАР ДАВЛАТҲОИ АВРУПО. Наврӯз ҳоло ба ҷузъи тамаддуни башарӣ табдил ёфтааст
«ҲАФТ-СИН» ВА «ҲАФТ-ШИН». Оростани хони наврӯзӣ бо ин рамзҳо нишонаи хайру баракат аст
«САД РАНГИ ЧАКАН». Дар Бӯстон даври шаҳрии озмун баргузор гардид