Ваколатдор оид ба ҳуқуқи инсон аз муассисаи ислоҳии ЯС 3/1-и Сарраёсати иҷрои ҷазои ҷиноятии Вазорати адлия дидан намуд

Октябрь 15, 2021 09:15

ДУШАНБЕ, 15.10.2021 /АМИТ «Ховар»/. Ваколатдор оид ба ҳуқуқи инсон дар Ҷумҳурии Тоҷикистон Умед Бобозода 13 октябр ҷиҳати шиносоӣ бо вазъи риояи ҳуқуқи инсон аз Муассисаи ислоҳии ЯС 3/1-и  Сарраёсати иҷрои ҷазои ҷиноятии Вазорати адлияи Ҷумҳурии Тоҷикистон боздид намуд. Дар ин бора ба мухбири АМИТ “Ховар” аз хадамоти матбуоти Ваколатдор оид ба ҳуқуқи инсон дар Ҷумҳурии Тоҷикистон хабар доданд.

Зимни боздид роҳбари дастгоҳи Ваколатдор оид ба ҳуқуқи инсон Ҳайдаралӣ Раҷабзода ва муовини сардори шуъбаи ҳифзи давлатии ҳуқуқҳои шаҳрвандӣ  ва сиёсии дастгоҳи Ваколатдор Ҳусниддин Нидоев иштирок намуданд.

Ваколатдор оид ба ҳуқуқи инсон дар Ҷумҳурии Тоҷикистон Умед Бобозода бо тартиб ва қоидаҳои нигоҳдории маҳкумшудагоне, ки дар ин муассиса адои ҷазо менамоянд, шинос шуд Ҳамчунин аз шароити моддӣ ( хӯрок, либос, ҷои хоб), шароити санитарӣ, хизматрасонии тиббии муассиса дидан намуд.

Умед Бобозода дар мавриди шароити нигоҳдорӣ бо маҳкумшудагон суҳбатҳои алоҳида гузаронид. Аз ҷумла, Ваколатдор оид ба ҳуқуқи инсон бо маҳкумшудагоне, ки нисбат ба онҳо дар ВАО хабарҳо доир ба мавриди муносибати бераҳмона қарор гирифтанашон нашр шуда буданд, шахсан вохӯрӣ намуд.

Зимни суҳбат маҳкумшудагон Ҷобир Раҳматуллои Раҷаб ва Абдуқаҳҳор Давлатов иброз намуданд, ки онҳо мавриди муносибати бераҳмона қарор нагирифтаанд.

Маҳкумшуда Ҳикматулло Сайфуллозода дар ҷараёни суҳбат иброз намуд, ки ӯ аз ҷониби кормандон мавриди лату кӯб қарор нагирифтааст, балки байни ӯ ва дигар маҳкумшуда муноқиша сар задааст, ки ин қазия хусусияти сиёсӣ надорад.

Онҳо дар ҷараёни суҳбат оид ба ҳукми судиашон норозигӣ баён намуда, илова карданд, ки нисбат ба ҳукми суд ба мақомоти дахлдори давлатӣ барои аз нав баррасӣ намудан муроҷиат намудаанд.

Умуман зимни суҳбат маҳкумшудагон аз шароити нигоҳдорӣ, либос, хӯрок ва муносибати кормандони муассиса изҳори миннатдорӣ намуданд.

Дар охир бо роҳбарияти муассисаи мазкур низ вохӯрӣ гузаронида шуд. Дар вохӯрӣ оид ба талаботи қонунгузории амалкунанда ва санадҳои байналмилалие, ки Ҷумхурии Тоҷикистон онҳоро эътироф кардааст, суҳбат доир шуд.

Бояд зикр кард, ки тартиби нигоҳдории маҳкумшудагон ба талаботи қонунҳои Ҷумҳурии Тоҷикистон ва санадҳои байналмилалӣ мутобиқ мебошад.

Боздидҳои Ваколатдор оид ба ҳуқуқи инсон аз чунин муассисаҳо идома меёбанд.

АКС аз Хадамоти матбуоти Ваколатдор оид ба ҳуқуқи инсон дар ҶТ

Октябрь 15, 2021 09:15

Хабарҳои дигари ин бахш

Кормандони Кумита оид ба таҳсилоти ибтидоӣ ва миёнаи касбӣ суханронии Сарвари давлатро ба муносибати Рӯзи дониш якҷоя тамошо намуданд
Ба намояндагони касбу кори гуногуни вилояти Хатлон мукофотҳои давлатӣ тақдим карда шуд
«Барномаи рушди соҳаҳои таҳсилоти ибтидоӣ ва миёнаи касбии Ҷумҳурии Тоҷикистон барои солҳои 2026-2030» қабул гардид
Татбиқи лоиҳаҳои сармоягузорӣ дар соҳаи таҳсилоти ибтидоӣ ва миёнаи касбӣ бо намояндаи Бонки Осиёии рушд баррасӣ гардид
Дар Душанбе оид ба татбиқи иммунизатсия бар зидди вируси папилломаи одам машварати омӯзишӣ оғоз шуд
Татбиқи лоиҳаи «Беҳтарсозии малакаҳои касбӣ ва имконияти бокортаъминшавӣ» баррасӣ гардид
НЕЪМАТЕ ХУШТАР ЗИ ИСТИҚЛОЛ НЕСТ! Муҳимтарин омили таҳкими истиқлоли Тоҷикистон густариши худшиносию худогоҳии миллӣ аст
Сиёсати иҷтимоии Пешвои миллат такягоҳи суботи иҷтимоӣ ва рушди устувори давлат мебошад
Беш аз 15 ҳазор оилаҳои дар минтақаи зериобшавандаи НБО «Роғун» қарордошта бо манзили доимии зист ва қитъаи замини наздиҳавлигӣ таъмин гардиданд
Тоҷикони муқими шаҳри Толяти аз пешрафту дастовардҳои Тоҷикистон ифтихор менамоянд
Дар Тоҷикистон Рӯзҳои иммунизатсияи иловагӣ бар зидди бемориҳои сурхча ва гулафшон оғоз гардид
Мутахассисон баланд шудани ҳолати ифлосшавии ҳавои атмосфериро дар Тоҷикистон пешгӯӣ менамоянд