Юҷи Мияки: БОР афзалияти рушди Тоҷикистонро дастгирӣ менамояд
ДУШАНБЕ, 20.10.2021 /АМИТ «Ховар»/. Таҳкими ҳамкории Бонки миллии Тоҷикистон /БМТ/ бо Бонки Осиёии Рушд /БОР/ дар мулоқоти муовини раиси Бонки миллии Тоҷикистон Фирдавс Толибзода бо ҳайати коршиносони БОР, ки ба таври фосилавӣ доир гардид, баррасӣ шуд, хабар медиҳад Бонки миллии Тоҷикистон. Муовини раиси БМТ Фирдавс Толибзода ба ҳайати БОР барои дастгирӣ ҷиҳати пешниҳоди кумаки техникӣ дар доираи барномаи «Такмили бахши молиявӣ ва идоракунии фискалӣ» арзи сипос намуда, гуфт, ки ин кумаки техникӣ бахшҳои назорати бонкӣ, рушди бозори суғурта, ҳимояи ҳуқуқи истеъмолкунандагони хизматрасониҳои молиявӣ, танзим ва назорати бонкдории исломиро фарогир буда, барои татбиқи муваффақонаи чораҳои индикативии барнома мусоидат хоҳад кард.
Мутахассиси БОР оид ба идоракунии давлатӣ Юҷи Мияки бо таваҷҷуҳ ба ислоҳоти татбиқшуда дар низоми бонкии Тоҷикистон зикр намуд, ки БОР афзалияти рушди Ҷумҳурии Тоҷикистонро ҳамаҷониба дастгирӣ менамояд. Мусоҳибон изҳори умед карданд, ки машваратчиёни дорои таҷрибаи байналмилалӣ дар ҳамкорӣ бо мутахассисони БМТ дар татбиқи лоиҳаҳои муштарак ва роҳандозии ислоҳоти минбаъда муваффақ шуда, ба ин васила дар рушди низоми бонкии Тоҷикистон саҳми арзанда мегузоранд.
Дар вохӯрӣ ҷонибҳо дар доираи кумаки техникӣ инчунин масъалаҳои бознигарии заминаи меъёрию ҳуқуқии ҷорӣ оид ба танзим ва назорати бахши бонкӣ, таҳия ва дар амал татбиқ намудани дастурамалҳои нав, гузаронидани тренингҳо ва семинарҳо оид ба зиёд кардани зарфияти кормандон, бахусус дар самти бонкдории исломӣ, тақвияти низоми суғурта, таҳияи шаклҳои нави ҳисоботи молиявӣ тибқи меъёрҳои байналмилалӣ ва рақамикунонии онҳоро баррасӣ намуданд.
Инчунин масъалаҳои марбут ба таҳияи санадҳои меъёрӣ оид ба ҳисоббаробарориҳои актуарӣ, раванди истифодаи индикаторҳои муайянкунии устувории молиявии бозори суғурта, гузаронидани машваратҳо барои ташкилоти суғуртавӣ дар самти ҳимояи ҳуқуқи истеъмолкунандагон, ташкили институти Омбудсмени молиявӣ дар Тоҷикистон ва таҳияи санади стратегиро матраҳ намуданд.
Аксҳо аз БМТ
Дар панҷ ноҳияи вилояти Хатлон ҷамъоварии пиёзи барвақтӣ оғоз гардид
Дар ноҳияи Вахш кишти пунбадона идома дорад
Дар Москва ҷаласаи Шурои соҳибкории Русияву Тоҷикистон баргузор гардид
Корҳои омодагӣ барои баргузории Конфронси 35-уми минтақавии Созмони озуқаворӣ ва кишоварзии СММ (ФАО) барои Аврупо ва Осиёи Марказӣ идома доранд
Тоҷикистон ҳамкориро бо Созмони ҳамкории иқтисодӣ ва рушд дар самти рақамикунонии иқтисод ва татбиқи зеҳни сунъӣ густариш медиҳад
Дар Душанбе оид ба баргузории Конфронси 35-уми Созмони озуқаворӣ ва кишоварзии СММ нишасти матбуотӣ доир шуд
ҚУРБИ АСЪОР: 1 евро аз 11.1344 то 11.2500 сомонӣ муқаррар шудааст
«ХАТЛОН — САРЗАМИНИ ТАМАДДУНҲО ВА САЁҲАТ». Дар Муъминобод форум ва намоиши байналмилалии сайёҳӣ баргузор мегардад
Дар мамнуъгоҳи «Бешаи палангон» тадбирҳои беҳдошти ҳолати гидрологӣ амалӣ гардиданд
Дар Конфронси чоруми байналмилалии сатҳи баланд дар Душанбе ҳайати бонуфуз аз Миср иштирок менамояд
Аз ноҳияи Дӯстӣ ба Федератсияи Русия маҳсулоти кишоварзӣ содирот мегардад
