Бонки миллии Тоҷикистон иҷозатномаи «Deloitte & Touche»-ро бозхонд намуд
ДУШАНБЕ, 29.11.2021 /АМИТ «Ховар»/. Раёсати Бонки миллии Тоҷикистон бо қарори навбатияш дархости Ҷамъияти дорои масъулияти маҳдуди «Делойт ва Туш» /Deloitte & Touche/-ро оид ба бозхонди иҷозатнома ва барҳамдиҳии ихтиёрӣ қонеъ намуд, хабар медиҳад Бонки миллии Тоҷикистон.
Ин тасмим дар асоси қонунҳои Ҷумҳурии Тоҷикистон «Дар бораи Бонки миллии Тоҷикистон», «Дар бораи иҷозатномадиҳӣ ба баъзе намудҳои фаъолият» ва Низомнома «Дар бораи хусусиятҳои иҷозатномадиҳӣ ба баъзе намудҳои фаъолият» гирифта шудааст.
Дар асоси ин қарор иҷозатномаи ҶДММ «Делойт ва Туш», ки аз ҷониби Бонки миллии Тоҷикистон барои анҷом додани фаъолияти аудиторӣ дар низоми бонкӣ аз 26 декабри соли 2018 дода шудааст, бозхонд карда шуд.
Департаменти назорати бонкӣ уҳдадор гардид, ки дар «Феҳристи иҷозатномаҳои фаъолияти аудиторӣ дар ташкилоти қарзии молиявӣ» сабти дахлдор ворид намояд.
«Deloitte & Touche» яке аз чаҳор ширкати бузургтарини аудиторӣ дар ҷаҳон буда, намояндагиҳои он дар 150 кишвари дунё, аз ҷумла 9 кишвари Иттиҳоди Давлатҳои Мустақил, ҳамчунин Гурҷистон ва Украина ифтитоҳ гардидааст. Рисолати ширкати «Deloitte & Touche» хизматрасонӣ дар соҳаи аудит, андозбандӣ, консалтинг ва молияи корпоративӣ мебошад.
Акс аз бойгонии АМИТ «Ховар»
Натиҷаҳои рушди иқтисодии Тоҷикистон дар Таиланд муаррифӣ гардиданд
Намояндаи Бонки миллии Тоҷикистон дар ҷаласаи роҳбарони бонкҳои марказии кишварҳои Шарқи Наздик ва Осиёи Марказӣ иштирок намуд
Вазири молияи Тоҷикистон дар Бангкок бо роҳбарияти Фонди кувайтии рушди иқтисодиёти араб мулоқот намуд
Масъалаи истифодаи механизмҳои нави маблағгузорӣ барои татбиқи лоиҳаҳои афзалиятноки Тоҷикистон дар Бангкок баррасӣ шуд
Ҷаласаи панелии соҳавии «Шарикии рушд: тасмимҳои бонкӣ ва суғуртавӣ барои ҷомеаи соҳибкорӣ» баргузор шуд
ҚУРБИ АСЪОР: 1 доллари ИМА аз 9.1600 то 9.2430 сомонӣ муқаррар шудааст
«Саноатсодиротбонк» дар номинатсияи «Беҳтарин соҳибкор дар соҳаи бонкдорӣ» ғолиб гардид
Дар шаҳри Бангкок густариши ҳамкории Тоҷикистон бо Хазинаи байналмилалии асъор баррасӣ гардид
Намояндагони Тоҷикистон дар мулоқоти вазирони молия ва раисони бонкҳои марказии кишварҳои Қафқоз ва Осиёи Марказӣ иштирок намуданд
Роҳбарияти Бонки миллии Тоҷикистон дар ҷаласаҳои солонаи ХБА ва Гурӯҳи Бонки ҷаҳонӣ иштирок менамояд
