Дар доираи Лоиҳаи «Рушди таҳсилотӣ олӣ» бо мақсади беҳтарнамоии таълим ва сифати таҳсилоти олӣ машварати омӯзишӣ доир шуд

Ноябрь 23, 2021 13:23

ДУШАНБЕ, 23.11.2021 /АМИТ «Ховар»/. 18 ноябр дар Маркази инноватсионии Донишгоҳи техникии Тоҷикистон ба номи академик М.С. Осимӣ бо мақсади дастгирии муассисаҳои таҳсилоти олии касбии мамлакат бо таҷҳизоти иттилоотию коммуникатсионӣ ва лабораторӣ дар доираи Лоиҳаи «Рушди таҳсилотӣ олӣ» машварати омӯзишӣ гузаронида шуд, хабар доданд ба АМИТ  «Ховар» аз донишгоҳи мазкур.

Дар кори машварат роҳбарони Вазорати маориф ва илми Ҷумҳурии Тоҷикистон, намояндагони Лоиҳаи  «Рушди таҳсилоти олӣ» ва  муассисаҳои таҳсилоти олии касбии мамлакат иштирок намуданд.

Муовини Вазири маориф ва илми Ҷумҳурии Тоҷикистон Нуралӣ Собирзода оид ба масъалаҳои раванди татбиқи лоиҳаҳои грантӣ, натиҷаҳои он, беҳтар намудани фазо ва сифати таълим дар муассисаҳои таҳсилоти олии касбӣ тавассути муҷаҳҳаз намудани синфхонаҳою озмоишгоҳҳо бо технологияи муосир ва  инноватсионӣ изҳори назар намуд.

Ҳамоҳангсози лоиҳаи «Рушди таҳсилоти олӣ» Ҳалимҷон Саидзода ҷиҳати иштироки маъсулини муассисаҳои таҳсилоти олии касбӣ дар таҳқиқот оид ба пайгирии хатмкунандагони ба шуғл тавсияҳо пешниҳод намуд.

Мавриди зикр аст, ки дар доираи татбиқи Лоиҳаи «Рушди таҳсилоти олӣ», ки аз тарафи Ҳукумати Ҷумҳурии Тоҷикистон ва Бонки ҷаҳонӣ роҳандозӣ гардидааст, даври амалисозии фаъолияти нав ҷиҳати дастгирии муассисаҳои таҳсилоти олии касбӣ бо таҷҳизоти озмоишгоҳӣ ва технологияҳои иттилоотӣ оғоз гардид.

Тибқи он муассисаҳои таҳсилоти олии ҷумҳурӣ то 20 декабри соли 2021 дархостҳои худро ҷиҳати дастрас намудани таҷҳизоти таълимӣ вобаста ба талаботи воқеӣ ва мувофиқат ба барномаҳои таълимии насли нав бояд ба озмун пешниҳод намоянд.

 АКС: Донишгоҳи техникии Тоҷикистон ба номи академик М.С. Осимӣ

Ноябрь 23, 2021 13:23

Хабарҳои дигари ин бахш

Дар арафаи Соли нав дар ноҳияи Фирдавсӣ ташкилоти ибтидоии ҲХДТ бо номи «Ватандор» таъсис ёфт
Туҳфаҳои идонаи Пешвои миллат ба 36 нафар хонандагони Мактаб-интернати ноҳияи Лахш тақдим гардиданд
Дар шаҳрҳои Хуҷанд, Истиқлол, Бӯстон ва Гулистони вилояти Суғд ярмарка-фурӯши маҳсулоти кишоварзӣ оғоз гардид
Ба Маркази вилоятии ҳимояи аҳолӣ аз бемории сили №2 ва Маркази вилоятии равонпизишкии шаҳри Кӯлоб кумак расонида шуд
Оилаи соҳибкорон Сатторовҳо ба хонандагони ятиму маъюб ва ниёзманди Литсейи касбӣ-техникии Ҳисор кумак намуданд
Ба Маркази дастгирии оила ва кӯдаки №2 таҷҳизоти маишӣ тақдим гардид
Дастаҳои ноҳияҳои Ашту Файзобод ва шаҳри Кӯлоб ғолибони Мусобиқаи ҷумҳуриявӣ оид ба волейбол шуданд
ОБУ ҲАВО: Имрӯз дар Тоҷикистон ҳавои камабри бебориш дар назар аст
Хадамоти зиддиинҳисорӣ ба хона-интернат ва қисми ҳарбии ноҳияи Шаҳристон туҳфаҳои идона тақдим намуд
Дар чорроҳаи назди Оромгоҳи Мир Сайид Алии Ҳамадонии шаҳри Кӯлоб чароғаки роҳнамо насб гардид
ОБУ ҲАВО: Имрӯз дар шаҳри Душанбе ҳаво рӯзона 8+10 дараҷа гарм мешавад
Кумитаи давлатии идораи замин ва геодезӣ ба қисми ҳарбии ноҳияи Шамсиддини Шоҳин туҳфаҳои солинавӣ ва маводи озуқаворӣ расонид