Дар Душанбе бахшида ба Рӯзи байналмилалии мубориза бар зидди хушунат ҳамоиш доир мегардад

Ноябрь 25, 2021 08:30

ДУШАНБЕ, 25.11.2021 /АМИТ «Ховар»/. Имрӯз бахшида ба Рӯзи байналмилалии мубориза бар зидди хушунат  дар шаҳри Душанбе ҳамоиш доир мегардад. Дар ҳамоиши мазкур аз ҷониби коршиносон ва масъулини идораҳои марбута масъалаҳои коҳиш додани хушунату зӯроварӣ дар оилаҳо, тартиби равонасозии ҷабрдидагони зӯроварӣ ба ҳуҷраҳои барқарорсозӣ,  самтҳои  асосии фаъолияти мутахассисон дар ҳуҷраҳои мазкур, роҳҳои устувори ҷалби духтарон ба таҳсилоти олӣ, омилҳои иҷтимоиву демографии зӯроварӣ дар оила ва пешгирии он, инчунин дигар паҳлуҳои  мавзӯи мазкур  мавриди муҳокима қарор  мегиранд. Дар ин бора АМИТ «Ховар» бо истинод ба Кумитаи кор бо занон ва оилаи назди Ҳукумати Ҷумҳурии Тоҷикистон хабар медиҳад.

Мавриди зикр аст, ки аз 17 декабри соли 1999 Ассамблеяи генералии СММ бо қарори худ 25 ноябрро Рӯзи байналмилалии мубориза бар зидди хушунат нисбат ба  занон эълон намуд, ки ин рӯз ҳамасола дар Тоҷикистон низ таҷлил мегардад. Мақсад аз таҷлили ин рӯз ҷалб намудани  таваҷҷуҳи ҷомеаи ҷаҳонӣ  ба ин масъалаи муҳим ва ҳамчунин нишон додани нақши назарраси занон дар ҳаёти имрӯза мебошад.

Бояд зикр намуд, ки бахшида ба ин рӯз бо қарори махсуси   СММ аз 25 ноябр то 10 декабр маъракаи «16 рӯзи мубориза бар зидди  зӯроварии гендерӣ»  дар тамоми кишварҳо, аз ҷумла дар Тоҷикистон  гузаронида мешавад.

Хушунат аз  калимаи арабии «хашуна» (яхшуну) гирифта шуда, маънояш «дағал будан, ба касе дағалӣ кардан, дуруштӣ» мебошад. Мутаассифона,  хушунат имрӯз ба масъалае   табдил ёфтааст, ки   қисматае аз  хонаводаҳоро фаро гирифтаву яке аз сабабҳои  аз ҳам пош хӯрдани оилаҳо гардидаааст. Аксаран ин зуҳурот аз ҷониби зану мард баробар сурат мегирад.

Тавре рақамҳои оморӣ шаҳодат медиҳанд, дар баъзе мавридҳо   хушунати хонаводагӣ  ба худкушии одамон, бахусус ҷавонон  оварда мерасонад.

АКС аз манбаъҳои боз

Ноябрь 25, 2021 08:30

Хабарҳои дигари ин бахш

Дар Филиппин Форуми байналмилалии тандурустӣ баргузор гардид
Дар ноҳияи Рӯшон оид ба истифодаи сарфакоронаи неруи барқ вохӯрӣ доир гардид
Аз 9 то 13 июл дар Тоҷикистон ҳарорати ҳаво то 5 дараҷа паст мешавад
Байни Тоҷикистон ва Қирғизистон Ёддошти тафоҳум оид ба ҳамкорӣ дар соҳаи иҷтимоӣ ба имзо расид
ИМРӮЗ — РӮЗИ МАЪЮБОН. Дар Тоҷикистон заминаи ҳуқуқии ҳифзи иҷтимоии маъюбон фароҳам оварда шудааст
Пагоҳ дар баъзе аз кӯчаҳои Душанбе ҳаракати воситаҳои нақлиёт муваққатан қатъ мегардад
Дар Душанбе вобаста ба ҳимояи ҳуқуқи инсон дар шароити рақамикунонӣ ҳамоиш баргузор шуд
Гурӯҳи корӣ бо рафти корҳои сохтмонии манзилҳои аз офати табиӣ зарардидаи ноҳияҳои Рашт ва Тоҷикобод шинос гардид
Дар Тоҷикистон доир ба пардохти кумакҳои унвонии иҷтимоӣ давраи омӯзишӣ ҷараён дорад
Гармии шадиди ҳаво боиси авҷи кадом бемориҳо мегардад?
Басти дуюми истироҳатгоҳи «Файзи истиқлол» дар ноҳияи Варзоб оғоз гардид
Чӣ тавр худро аз гармии тобистон муҳофизат кунем? Донистани роҳҳои дурусти он муҳим аст