Дар Душанбе Форуми 14-уми ҳамкорӣ ва нахустин Анҷумани соҳибкорони Осиёи Марказӣ — Ҷумҳурии Корея баргузор мегардад
ДУШАНБЕ, 28.11.2021 /АМИТ «Ховар»/. 29-30 ноябр дар пойтахти Тоҷикистон – шаҳри Душанбе иҷлосияи 14-уми вазирони корҳои хориҷии Форуми ҳамкорӣ ва нахустин Анҷумани соҳибкорони Осиёи Марказӣ — Ҷумҳурии Корея баргузор мешавад, хабар медиҳад АМИТ «Ховар» бо истинод ба Вазорати корҳои хориҷии Ҷумҳурии Тоҷикистон.
29 ноябр дар остонаи баргузории Форуми 14-уми ҳамкорӣ бо иштироки намояндагони бахши хусусӣ нахустин Анҷумани соҳибкорони «Осиёи Марказӣ — Ҷумҳурии Корея» баргузор мегардад, ки он ба ҳамкории минбаъдаи тиҷоратӣ ва сармоягузорӣ миёни доираҳои соҳибкорӣ дар самтҳои авлавиятнок мусоидат хоҳад кард.
Инизор меравад, ки дар иҷлосияи 14-уми вазирони корҳои хориҷии Форуми ҳамкории Осиёи Марказӣ — Ҷумҳурии Корея роҳбарони ҳайатҳо масъалаҳои ҳамкории судманди кишварҳои Осиёи Марказӣ ва Ҷумҳурии Кореяро бо дарназардошти пайомадҳои ҳамагирӣ, инчунин равандҳои минтақавӣ ва ҷаҳонӣ баррасӣ кунанд.
Ҳамчунин иштирокдорон номзади директори нави Котиботи Форумро тасдиқ намуда, нақшаи кории котиботро барои соли 2022 қабул менамоянд.
Дар интиҳои Форум Изҳороти муштараки вазирони корҳои хориҷии кишварҳои узви Форум қабул мешавад.
Ёдовар мешавем, ки 25 ноябри соли 2020 дар шаҳри Сеул Форуми 13-уми ҳамкории Осиёи Марказӣ — Ҷумҳурии Корея бо иштироки вазирони корҳои хориҷӣ баргузор гардид.
Форуми ҳамкории Осиёи Марказӣ — Ҷумҳурии Корея аз соли 2007 ба унвони як шӯрои машваратии ҳамгироишудаи давлатӣ ва шаҳрвандӣ бо мақсади таҳкими ҳамкорӣ дар самти табодули мутақобила ва баланд бардоштани ҳусни тафоҳум миёни Ҷумҳурии Корея ва кишварҳои минтақаи Осиёи Марказӣ дар қалби Авруосиё баргузор мешавад.
ДАР АКС: 13-умин Форуми ҳамкории «Осиёи Марказӣ — Ҷумҳурии Корея», ш.Сеул, 25 ноябри соли 2020. Акс аз бойгонии АМИТ «Ховар»
Дар Душанбе Форуми сеюми соҳибкории кишварҳои Осиёи Марказӣ ва Амрико доир мегардад
ИМРӮЗ-РӮЗИ ҶАҲОНИИ ПОЧТА. «Почтаи Тоҷикистон» то соли 2030 ба маркази миллии логистика ва хизматрасониҳои рақамӣ табдил меёбад
Дар Тоҷикистон беш аз 300 тонна пилла истеҳсол гардидааст
Дар Душанбе масъалаи рушди технологияҳои рақамӣ ва ҳифзи кӯдакон дар муҳити рақамӣ баррасӣ гардид
Корхонаи коркарди пахтаи ноҳияи Фархор баъд аз таъмир ба истифода дода шуд
РӮЗИ ҶАҲОНИИ ПАХТА. Як килограмм нахи пахта дар бозори ҷаҳонӣ ба 16 килограмм гандум баробар аст
«БАРНОМАИ РУШДИ САЙЁҲИИ ДОХИЛӢ». Дар Тоҷикистон беш аз 400 захираи сайёҳӣ, 1000 дара, 1000 кӯл ва мавзеъҳои дигари ҷолиб мавҷуд аст
Дурнамои рушди соҳаи сохтмони Тоҷикистон дар форуми байналмилалӣ дар Екатеринбург муаррифӣ гардид
Лоиҳаи «Дастрасӣ ба бозорҳо ва мутобиқшавӣ барои чорводорӣ» татбиқ мегардад
Дар Конфронси C5+1 SI дастовардҳои Тоҷикистон дар самти рушди зеҳни сунъӣ муаррифӣ шуданд
Коршиносони БОР соҳаи нақлиёт ва логистикаро яке аз муҳаррикони рушди иқтисодиёт арзёбӣ менамоянд
Байни Тоҷикистон ва палатаҳои савдою саноати кишварҳои ИДМ густариши робитаҳои тиҷоратӣ баррасӣ гардид
