Дар Душанбе Форуми ҳамкории Осиёи Марказӣ — Ҷумҳурии Корея баргузор мегардад
ДУШАНБЕ, 25.11.2021 /АМИТ «Ховар»/. 30 ноябр дар пойтахти Тоҷикистон – шаҳри Душанбе иҷлосияи 14-уми вазирони корҳои хориҷии Форуми ҳамкории Осиёи Марказӣ — Ҷумҳурии Корея баргузор мешавад, хабар медиҳад АМИТ «Ховар» бо истинод ба Вазорати корҳои хориҷии Ҷумҳурии Тоҷикистон.
«Дар Форуми мазкур роҳбарони ҳайатҳо масъалаҳои ҳамкории судманди кишварҳои Осиёи Марказӣ ва Ҷумҳурии Кореяро бо дарназардошти пайомадҳои ҳамагирӣ, инчунин равандҳои минтақавӣ ва ҷаҳониро баррасӣ хоҳанд кард»,- иттилоъ доданд дар ВКХ Тоҷикистон.
Ҳамчунин иштирокдорон номзади Директори нави Котиботи Форумро тасдиқ намуда, Нақшаи кории котиботро барои соли 2022 қабул менамоянд.
Дар интиҳои Форум Изҳороти муштараки вазирони корҳои хориҷии кишварҳои узви Форум қабул мешавад.
Бояд гуфт, ки дар остонаи баргузории 14-ум Форуми ҳамкорӣ, 29 ноябри соли равон дар Душанбе бо иштироки вазирони корҳои хориҷии кишварҳои Осиёи Марказӣ ва Корея ва намояндагони бахши хусусӣ нахустин Анҷумани соҳибкорони «Осиёи Марказӣ — Ҷумҳурии Корея» низ барпо мешавад, ки дар он ҳамкории баъдии тиҷоратӣ ва сармоягузорӣ миёни доираҳои соҳибкорӣ дар самтҳои авлавиятнок баррасӣ мегиранд.
Ёдовар мешавем, ки 25 ноябри соли 2020 дар шаҳри Сеул 13-умин Форуми ҳамкории Осиёи Марказӣ — Ҷумҳурии Корея бо иштироки вазирони корҳои хориҷӣ баргузор гардид.
Форуми ҳамкории Осиёи Марказӣ — Ҷумҳурии Корея аз соли 2007 ба унвони як шӯрои машваратии ҳамгирошудаи давлатӣ ва шаҳрвандӣ бо мақсади таҳкими ҳамкорӣ дар самти табодули мутақобила ва баланд бардоштани ҳусни тафоҳум байни Ҷумҳурии Корея ва кишварҳои минтақаи Осиёи Марказӣ дар қалби Авруосиё баргузор мешавад.
АКС: ВКХ ҶТ
Президенти Ҷумҳурии Узбекистон Шавкат Мирзиёев бо Сарвазири Ҷумҳурии Тоҷикистон Қоҳир Расулзода мулоқот намуд
Таом ва хӯришҳои тоҷикӣ дар намоишгоҳи хайриявии Бишкек таваҷҷуҳи зиёди меҳмононро ҷалб намуданд
Дар Фестивали байналмилалии гастрономӣ дар Беларус 20 намуди таоми миллии тоҷикон пешниҳод гардид
Сафири Тоҷикистон дар Арабистони Саудӣ бо роҳбарияти Созмони ҷаҳонии об мулоқот намуд
Сафири Тоҷикистон ба Вазири корҳои хориҷии Салтанати Умон нусхаи эътимоднома супорид
Дар Нью-Йорк натиҷаҳои Конфронси чоруми байналмилалӣ оид ба об баррасӣ гардиданд
Дар Душанбе машваратҳои сиёсии вазоратҳои корҳои хориҷии Тоҷикистону Чин баргузор гардид
Ҳамкорӣ байни Тоҷикистон ва Кувайт дар соҳаҳои гуногун баррасӣ гардид
Дар Душанбе Конфронси байналмилалӣ дар мавзуи «Осиёи Марказӣ – меҳвари СҲШ: фазои сулҳ ва рушди муштарак» баргузор шуд
Иқтидори Тоҷикистон дар Форуми глобалии энергетикӣ дар шаҳри Вашингтон муаррифӣ гардид
Ҳайати Тоҷикистон дар чорабинии канорӣ оид ба ҳамкорӣ дар самти рушди иҷтимоӣ дар Осиёи Марказӣ иштирок намуд
Дурнамои ҳамкорӣ байни Тоҷикистон ва Туркманистон дар доираи ЮНЕСКО баррасӣ шуд
