Дар Душанбе масъалаҳои мубрами меъморӣ ва шаҳрсозӣ баррасӣ гардиданд

Ноябрь 13, 2021 10:11

ДУШАНБЕ, 13.11.2021 /АМИТ «Ховар»/. Кумитаи меъморӣ ва сохтмони назди Ҳукумати Ҷумҳурии Тоҷикистон 12 ноябр дар мавзӯи «Масъалаҳои мубрами меъморӣ ва шаҳрсозӣ» Конфронси байналмилалии илмию амалӣ баргузор намуд, иттилоъ медиҳад хабарнигори АМИТ «Ховар».

Дар кори конфронси мазкур намояндагони вазорату идораҳо, Муассисаи давлатии «Дирексияи сохтмони иншооти ҳукуматӣ», Муассисаи давлатии «Раёсати сохтмони асосӣ»-и мақомоти иҷроияи ҳокимияти давлатии шаҳри Душанбе, Институти геология, сохтмони ба заминҷунбӣ тобовар ва сейсмологияи Академияи миллии илмҳои Ҷумҳурии Тоҷикистон, Иттифоқи меъморони Тоҷикистон, мақомоти маҳаллии меъморӣ ва шаҳрсозии шаҳру ноҳияҳо, ташкилоти сохтмонӣ, лоиҳакашӣ, олимон ва дигар коршиносони соҳа иштирок намуданд.

Зимни конфронс муовини якуми Раиси Кумитаи меъморӣ ва сохтмони назди Ҳукумати Ҷумҳурии Тоҷикистон Улуғбек Умарзода  иброз намуд, ки «мақсад аз баргузории ҳамоиши байналмилалӣ- ин мубодилаи афкори илмӣ-амалӣ, муайян намудани дурнамои роҳҳои эҷод ва рушди меъморӣ, сохтмон, шаҳрсозӣ, сифати сохтмон ва истеҳсоли масолеҳи сохтмонӣ, техникаю технологияи муосир дар сохтмон мебошад. Соҳаи меъморӣ ва шаҳрсозӣ яке аз соҳаҳои муҳимтарини иқтисодиёт ба ҳисоб рафта, дар ҷаҳони муосир ниёзмандӣ ва талабот ба он мунтазам зиёд мегардад».

Иттилоъ дода шуд, ки конфронси мазкур ба ҷашни 30-солагии Истиқлолияти давлатии Ҷумҳурии Тоҷикистон равона гардида, мавзӯи асосии он ба дастовардҳои меъморӣ ва шаҳрсозии дар даврони истиқлолият бадастомада бахшида шудааст.

Ба зикри иштирокчиёни конфронс, дар ҷумҳурӣ сатҳу сифати лоиҳакашӣ, сохтмон ва истеҳсоли масолеҳи сохтмонӣ баланд гардида, талаботи меъёрӣ оид ба таъмини бехатарии бино ва иншооти сохташаванда меафзояд.

Бояд иброз намуд, ки маҳз таваҷҷуҳ ва дастгириҳои пайвастаи Асосгузори сулҳу ваҳдати миллӣ – Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон аст, ки дар даврони соҳибистиқлолӣ соҳаҳои афзалиятноки иқтисодию иҷтимоӣ, аз ҷумла соҳаи меъморӣ ва шаҳрсозӣ рӯ ба пешрафт ниҳода, сатҳи зиндагии аҳолӣ ба маротиб беҳтар шудааст. Бинобар он масъалаҳои муосири меъморӣ ва шаҳрсозӣ бояд мавриди муҳокимаи доираи васеи мутахассисони соҳа қарор гирифта, ин таҷрибаро дар фаъолияти амалии худ татбиқ намоянд.

Зикр карда шуд, ки лоиҳакашӣ, сохтмон, таҷдид ва таъмири асосии объектҳо бо риояи меъёрҳо ва қоидаҳои сохтмонӣ бо истифодаи маводи сохтмонӣ ва конструксияҳои таъминкунандаи ҳисобкунии ба заминҷунбӣ тобоварии объектҳо гузаронда мешавад. Таъмини бехатарии сейсмикии биноҳо ва иншоот бо риояи меъёрҳо ва қоидаҳои сохтмони ба заминҷунбӣ тобовари амалкунанда, инчунин шартҳои техникӣ, нақшаи рушди ҳудудӣ ва нақшаҳои генералӣ иҷро карда мешавад.

АКС аз Кумитаи меъморӣ ва сохтмони назди Ҳукумати ҶТ

Ноябрь 13, 2021 10:11

Хабарҳои дигари ин бахш

Имрӯз дар шаҳри Душанбе ҳаво то 36 дараҷа гарм мешавад
Даври дуюми Фестивал-озмуни «Андалеб-2025» дар ноҳияи Рӯдакӣ аз рӯйи 12 номинатсия доир шуд
Дар ноҳияи Ёвон хонандагону омӯзгорон суханронии Сарвари давлатро ба муносибати Рӯзи дониш ва Дарси сулҳ тамошо карданд
Дар муассисаҳои таълимии вилояти Суғд соли нави таҳсил бо тамошои суханронии Пешвои миллат ба муносибати Рӯзи дониш оғоз гардид
Дар Истаравшан татбиқи Лоиҳаи «Фаъолият дар самти таъмини амнияти озуқавории Тоҷикистон» баррасӣ гардид
Имрӯз дар водиҳои Тоҷикистон ҳаво то 40 дараҷа гарм мешавад
34 СОЛИ ПУР АЗ САМАР. Мулоҳизаҳои директори Маркази тадқиқоти стратегӣ доир ба таҳкими Истиқлолияти давлатии Тоҷикистон
Имрӯз дар ноҳияҳои алоҳидаи Тоҷикистон чангу ғубор ба амал меояд
Омодагӣ ба ҷаласаи Комиссияи байниҳукуматӣ оид ба ҳамкории тиҷоратию иқтисодӣ байни Тоҷикистон ва Озарбойҷон баррасӣ гардид
Имрӯз дар шаҳри Душанбе ҳаво то 38 дараҷа гарм мешавад
Дар Конибодом ба хонандагон либосҳои мактабӣ ва ашёи хониш тақдим гардид
Дар Душанбе дар мавзуи «Навсозии Чин» конференсия баргузор гардид