Дар Душанбе мулоқоти муовинони вазирони корҳои хориҷии кишварҳои Осиёи Марказӣ ва Ҷумҳурии Корея баргузор гардид
ДУШАНБЕ, 06.11.2021 /АМИТ «Ховар»/. 5 ноябр ба манзури омодагӣ ба Форуми 14-уми ҳамкории кишварҳои Осиёи Марказӣ ва Ҷумҳурии Корея, ки 30 ноябри 2021 дар сатҳи вазирони корҳои хориҷӣ дар Душанбе баргузор хоҳад гардид, мулоқоти муовинони вазирони корҳои хориҷии кишварҳои Осиёи Марказӣ ва Ҷумҳурии Корея дар шакли омехта (ҳузурӣ ва маҷозӣ) баргузор гардид. Дар ин бора АМИТ «Ховар» бо истинод ба Вазорати корҳои хориҷии Ҷумҳурии Тоҷикистон хабар медиҳад.
Дар нишасти мазкур муовини Вазири корҳои хориҷии Ҷумҳурии Тоҷикистон Фарҳод Салим ва Муовини вазири корҳои хориҷии Ҷумҳурии Корея Ё Сонг Бэ иштирок карда, муовинони вазирони корҳои хориҷии Ҷумҳурии Қазоқистон Сиздиқов Марат, Ҷумҳурии Қирғизистон Мадмаров Азизбек, Ҷумҳурии Ӯзбекистон Сидиқов Фурқат ва Туркманистон Ҳоҷиев Вепа дар шакли маҷозӣ ширкат ва суханронӣ намуданд.
Зимнан ҷонибҳо масъалаҳои калидии тадорукотию муҳтавоии Форумро баррасӣ карда, дар шакли ҳузурӣ баргузории ҷаласаҳои алоҳида оид ба тағйирёбии иқлим, энергетика, тандурустӣ ва технологияҳои рақамиро мусбат арзёбӣ намуданд. Ҳамзамон иштирокдорони ҷаласаи мазкур пешнависи Баёнияи муштараки вазирони корҳои хориҷии Форум ва Нақшаи кории Котиботро барои соли 2022, номзадии Дабири кулли Котиботи Форум, ки дар нишасти вазирони корҳои хориҷии ин абзор қабул ва тасдиқ мегарданд, баррасӣ карданд.
АКСҲО: ВКХ ҶТ
Маҷаллаи «The Times Kuwait» зери унвони «Тоҷикистон: кӯлҳои кӯҳистонӣ, достонҳои куҳан ва меҳмоннавозии гарм» матлаб нашр кардааст
Сафири Тоҷикистон бо устондори Ал-Ҷаҳрои Кувайт вохӯрӣ намуд
Дар Фестивали сайёҳӣ дар Покистон ҳунарҳои мардумӣ ва дастовардҳои Тоҷикистон муаррифӣ гардиданд
Дар шаҳри Путраҷая мулоқоти ҳайатҳои вазоратҳои корҳои хориҷии Тоҷикистон ва Малайзия баргузор шуд
Идибек Қаландар бо Дабири кулли Вазорати корҳои хориҷии Малайзия мулоқот намуд
Сафири Тоҷикистон бо муовини Котиби давлатии ИМА Кристофер Ландау мулоқот намуд
Рушди ҳамкории Тоҷикистону Олмон дар бахшҳои сиёсӣ ва иқтисодӣ баррасӣ гардид
Сафири Тоҷикистон дар Корея бо раиси ширкати KOTA seed potato Co. Ltd. мулоқот намуд
Муносибатҳои дуҷонибаи Тоҷикистон ва Эрон баррасӣ гардиданд
Ҳамкории Тоҷикистону Озарбойҷон дар соҳаи тағйирёбии иқлим ва ҳифзи муҳити зист баррасӣ шуд
Даври 4-уми Шарҳи универсалии даврии Тоҷикистон дар Женева баргузор шуд
Дар Женева доир ба дастовардҳои Тоҷикистон дар 35 соли истиқлоли давлатӣ ва таҳкими ҳифзи ҳуқуқи инсон чорабинии сатҳи баланд доир шуд
