Дар Душанбе рушди ҳамкорӣ дар соҳаи сайёҳӣ бо Созмони озуқаворӣ ва кишоварзии СММ баррасӣ гардид
ДУШАНБЕ, 25.11.2021. /АМИТ «Ховар»/. Тавсеаи ҳамкории Тоҷикистон ва Созмони озуқаворӣ ва кишоварзии СММ (FAO) дар Тоҷикистон зимни мулоқоти Раиси Кумитаи рушди сайёҳии назди Ҳукумати Ҷумҳурии Тоҷикистон Тоҷиддин Ҷӯразода ва Роҳбари Намояндагии Созмони озуқаворӣ ва кишоварзии СММ дар Тоҷикистон Олег Гучгелдиев мавриди баррасӣ қарор гирифт. Дар ин бора ба АМИТ «Ховар» аз Кумитаи рушди сайёҳӣ хабар доданд.
Зимни мулоқот раванди ҳамкории Кумитаи рушди сайёҳӣ бо Созмони озуқаворӣ ва кишоварзии СММ, аз ҷумла таҳия ва пешниҳоди лоиҳаҳо ва барномаҳои FAO дар Тоҷикистон дар самти рушди агросайёҳӣ мавриди баррасии ҷонибҳо қарор гирифтанд.
Зикр гардид, ки агросайёҳӣ дар Тоҷикистон дар ҳоли рушд қарор дошта, ҳамчун шакли нав ва муосири сайёҳӣ арзёбӣ мегардад.
Рушди ин намуди сайёҳӣ ҷанбаҳои зиёдеро фаро гирифта, ба рушди соҳаи кишоварзӣ, афзоиши занҷираи арзиши иловашуда бо нархҳои қобили қабул фурӯхтани маҳсулот ва афзоиши даромад, муаррифии имкониятҳои сайёҳиву кишоварзӣ, ташкили ҷойҳои нави корӣ ва анъанаҳои миллӣ мусоидат менамояд.
Тазаккур дода шуд, ки бо мақсади вусъат бахшидан ва бо дарназардошти зарурати инкишофи инфрасохтори деҳот, истифодаи имконияти сайёҳии маҳалҳо, Асосгузори сулҳу ваҳдати миллӣ — Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон солҳои 2019-2021-ро Солҳои рушди деҳот, сайёҳӣ ва ҳунарҳои мардумӣ эълон карданд.
Ташаббуси Пешвои миллат барои ҳалли масъалаҳои иҷтимоии аҳолӣ бо роҳи беҳтар намудани инфрасохтори сайёҳӣ ва инкишофи ҳунарҳои мардумӣ, ба талаботи муосир мутобиқ сохтани сатҳи хизматрасонӣ ва баланд бардоштани некуаҳволии мардум дар ҳар деҳа ва маҳали аҳолинишин такони ҷиддӣ бахшида истодааст.
АКС: Кумитаи рушди сайёҳӣ
Тоҷикистон ва Хазинаи Авруосиёии субот ва рушд лоиҳаи тавсеаи буҷети барномавиро оғоз менамоянд
Ширкатҳои Ҳиндустон ба истеҳсоли молу маҳсулоти саноатӣ дар Тоҷикистон изҳори ҳавасмандӣ намуданд
Имрӯз дар Бангкок ҷаласаи вазирони Барномаи махсуси СММ барои иқтисодиёти Осиёи Марказӣ доир шуд
Маҷмааи фарҳангиву таърихии «Қалъаи Хуҷанд» дари худро ба рӯйи сокинону сайёҳон боз намуд
Тоҷикистон ва Узбекистон гузариши транзитии мошинҳои боркашро осон менамоянд
Дар корхонаи «Роҳи оҳани Тоҷикистон» 130 вагон аз таъмири асосӣ ва умумӣ бароварда шуд
Дар Тоҷикистон беш аз 1,6 миллион тонна бор ва 95,8 ҳазор мусофир интиқол дода шуд
Дар мулоқоти ҳайати Тоҷикистон бо директори Бонки ҷаҳонӣ оид ба масъалаҳои бахши амалиётӣ маблағгузорӣ ба сохтмони неругоҳи «Роғун» баррасӣ гардид
Дар Тоҷикистон иҷрои нақшаи андозҳо ва дигар пардохтҳои ҳатмӣ ба андозаи 105,9% таъмин гардид
Ҳайати Тоҷикистон дар маҷлиси машваратии давлатҳои электорати ҷаласаҳои баҳории Хазинаи Байналмилалии Асъор ва гурӯҳи Бонки ҷаҳонӣ иштирок намуд
Дар Вашингтон машварати мудирони Хазинаи Байналмилалии Асъор аз давлатҳои Шарқи Наздик ва Осиёи Марказӣ доир гардид
Гумрукчиён дар вилояти Суғд қочоқи 2,7 тонна маводи дорувориро пешгирӣ намуданд
