Дар ноҳияи Ховалинг 500 гектар замин обёрӣ ва 20 гектар замини нав ба гардиши кишоварзӣ ворид гардид
ДУШАНБЕ, 16.11.2021 /АМИТ «Ховар»/. Дар ноҳияи Ховалинги вилояти Хатлон корҳои тоза ва барқароркунии чоҳҳои амудӣ аз ҳисоби маблағҳои талафи истеҳсолоти кишоварзӣ ба анҷом расида, соли равон дар ноҳия 13 чоҳи амудӣ барқарор гардида, 500 гектар замин бо об таъмин ва 20 гектар замини нав аз худ гардидааст, хабар доданд ба АМИТ «Ховар» аз Кумитаи давлатии идораи замин ва геодезии Ҷумҳурии Тоҷикистон.
Зимни боздид аз ҷараёни корҳои иҷрошуда Раиси Кумитаи давлатии идораи замин ва геодезӣ Ориф Хоҷазода ва Директори Агентии беҳдошти замин ва обёрии назди Ҳукумати Ҷумҳурии Тоҷикистон Холмурод Раҳмон бо сокинони маҳаллӣ, ки онҳо низ баъди барқарор гардидани чоҳҳои обкашӣ бо оби нӯшокӣ таъмин шудаанд, ҳамсуҳбат шуда, ба пудратчиён барои иҷрои корҳо миннатдорӣ баён намуданд.
Мавриди зикр аст, ки масъалаи ба гардиши кишоварзӣ ворид намудани заминҳои бекорхобидаву партов, заминҳои обие, ки ҳамчун лалмӣ истифода бурда мешаванд ва азхудкунии заминҳои нав таҳти таваҷҷуҳи махсуси Президенти Ҷумҳурии Тоҷикистон муҳтарам Эмомалӣ Раҳмон қарор дошта, масъулини соҳа тибқи дастури Пешвои миллат вобаста ба ин масъала тадбирҳои зарурӣ роҳандозӣ менамоянд.
Айни ҳол Кумитаи давлатии идораи замин ва геодезӣ якҷоя бо Агентии беҳдошти замин ва обёрӣ вобаста ба беҳтар намудани ҳолати мелиоративии заминҳо дар ноҳияҳои Фархор, Муъминобод, Қубодиёни вилояти Хатлон ва ноҳияи Рӯдакӣ корҳоро идома дода истодаанд.
АКСҲО: Кумитаи давлатии идораи замин ва геодезии ҶТ
Дар Душанбе татбиқи «Барномаи рушди таҳвилгарон ва содирот» бо ҳайати Гурӯҳи Бонки ҷаҳонӣ баррасӣ гардид
Дурнамои рушди ҳамкорӣ байни Тоҷикистон ва Чехия дар соҳаи нақлиёти роҳи оҳан баррасӣ гардид
Масъалаи истифодаи механизмҳои нави маблағгузорӣ барои татбиқи лоиҳаҳои афзалиятноки Тоҷикистон дар Бангкок баррасӣ шуд
РУШДИ ИҚТИСОДИ МИЛЛӢ. Дар нуҳ моҳи соли 2026 8,3 фоиз таъмин гардид
Олимони тоҷик парвариши гандуми тирамоҳӣ ва пахтаро дар шароити тағйирёбии иқлим баррасӣ намуданд
Ҷалби сармоя барои татбиқи лоиҳаҳои афзалиятноки Тоҷикистон дар Бангкок баррасӣ гардид
«СОҲИБКОРИИ ЗАНОН: ИМКОНИЯТҲО, НАВОВАРӢ ВА РУШДИ УСТУВОР».Таҳти ин унвон ҳамоиш баргузор шуд
Дар мавзуи дастгирии соҳибкорӣ дар 35 соли Истиқлоли давлатӣ ҳамоиш баргузор шуд
Дар Рим имкониятҳои содиротии маҳсулоти кишоварзии Тоҷикистон муаррифӣ гардиданд
Дар шаҳри Бангкок мулоқоти вазирони молия ва раисони бонкҳои марказии кишварҳои Осиёи Марказӣ ва Қафқоз баргузор шуд
РӮЗИ БАЙНАЛМИЛАЛИИ ЗАНОНИ ДЕҲОТ. Дар Тоҷикистон беш аз 3 миллион занон дар деҳот зиндагӣ менамоянд
ИМРӮЗ-РӮЗИ КИШОВАРЗОН. Ин соҳа зиёда аз 61 фоизи аҳолиро бо ҷойи кор фаро гирифтааст
