Дар Рӯзи Конститутсия дар Хатлон ғолибони озмунҳои ҷумҳуриявӣ қадрдонӣ шуданд

Ноябрь 6, 2021 09:19

ДУШАНБЕ, 06.11.2021 /АМИТ «Ховар»/. Дар даври вилоятӣ барои мукофотонии ғолибони се озмуни ҷумҳуриявӣ — «Тоҷикистон-Ватани азизи ман», «Фурӯғи субҳи доноӣ китоб аст» ва «Илм- фурӯғи маърифат» зиёда аз 400 ҳазор сомонӣ ҷудо гардида, ба  беш аз 420 нафар иштирокчиён ва устодону волидони онҳо тақдим гардид. Ҳамчунин баъди бо муваффақият баргаштан аз даври ҷумҳуриявӣ ғолибони озмуни даври ҷумҳуриявӣ иловатан ба маблағи аз 5 то 10 ҳазор сомонӣ ҳавасманд карда мешаванд, иброз намуд Раиси вилояти Хатлон Қурбон Ҳакимзода зимни тақдими диплому мукофотҳои пулӣ дар  ҳамоиши илмӣ-амалӣ бахшида ба   Рӯзи Конститутсияи Ҷумҳурии Тоҷикистон, ки 5 ноябр дар Кохи фарҳанги шаҳри Бохтар доир гардид. Дар ин бора аз шуъбаи иттилоотию таҳлилии дастгоҳи Раиси вилояти Хатлон ба АМИТ «Ховар» хабар доданд.

Раиси вилояти Хатлон Қурбон Ҳакимзода зикр дошт, ки ҷиҳати баланд бардоштани сатҳи маърифати ҳуқуқии ҷомеа ва пуштибонии манфиатҳои давлату миллат Кониститутсия нақши ниҳоят муассир дорад.

Дар ҷараёни ҳамоиш аз ҷониби иштирокдорон доир ба мақому манзалати Конститутсия маърӯзаҳо пешниҳод гардиданд.

Раиси вилоят гуфт, ки дар озмунҳои имсола шумораи иштирокдорон ва сатҳи омодагии онҳо нисбат ба солҳои қаблӣ ба маротиб беҳтар гардида, озмунҳои мазкур ба мусобиқаи зеҳнӣ табдил ёфтаанд. Озмунҳои ҷумҳуриявии «Тоҷикистон — Ватани азизи ман» ва «Фурӯғи субҳи доноӣ китоб аст» давоми се сол аст, ки дар сатҳи ҷумҳуриявӣ баргузор гардида истодаанд ва ин баҳри дарёфти падидаҳои нав, муаррифии истеъдодҳо ва ҷалби мардум ба китобу мутолиа заминаи муносиб мегузорад.

Аз таҳлилҳо бармеояд, ки дар даври якуми Озмуни ҷумҳуриявии «Фурӯғи субҳи доноӣ китоб аст» дар муассисаҳои таълимӣ ва ташкилоту муассисаҳо, ҷамоатҳои шаҳрак ва деҳот ба таври умумӣ 25 312 нафар довталаб иштирок намуданд.

АКСҲО аз шуъбаи иттилоотию таҳлили дастгоҳи Раиси вилояти Хатлон

Ноябрь 6, 2021 09:19

Хабарҳои дигари ин бахш

Дар Тошканд густариши ҳамкорӣ байни муассисаҳои таҳсилоти олии касбии Тоҷикистон ва Узбекистон баррасӣ шуд
«МегаФон Life»: маблағро тариқи паёмрасон интиқол диҳед!
Дар Бадахшон масъалаи таъмири роҳҳои дорои аҳамияти маҳаллӣ баррасӣ гардид
Дар Сарраёсати ҳифзи муҳити зист дар шаҳри Душанбе Маркази мониторинги камераҳои мушоҳидавӣ фаъол гардид
Имрӯз дар Тоҷикистон ҳаво тағйирёбанда шуда, борон ва раъду барқ пешгӯӣ мешавад
Дар ноҳияи Файзобод бо фаъолону собиқадорон ва ходимони дини деҳоти Чашмасор мулоқот доир гардид
Дар ду қисми низомии тобеи Вазорати корҳои дохилии Тоҷикистон дастархони идона ороста гардид
Дар ноҳияи Деваштич маъракаи кишти картошка оғоз шуд
Иҷлосияи нуздаҳуми Маҷлиси вакилони халқи вилояти Хатлон, даъвати шашум доир гардид
Дар пайравӣ ба амалҳои хайрхоҳонаи Президенти Тоҷикистон дар якчанд қисми ҳарбӣ дастурхони идона ороста шуд
Дар Неругоҳи барқи обии «Норак» ҷашни байналмилалии Наврӯз бо шаҳомати хосса таҷлил гардид
Имрӯз дар Тоҷикистон ҳаво тағйирёбанда шуда, борон ва раъду барқ пешгӯӣ мешавад