Дар Тоҷикистон беш аз 393 ҳазор тонна пахта ҷамъоварӣ гардидааст

ДУШАНБЕ, 21.11.2021 /АМИТ «Ховар»/. Дар Тоҷикистон то 18 ноябри соли равон 393 ҳазору 568 тонна пахта ҷамъоварӣ гардидааст, иттилоъ доданд аз Раёсати растанипарварии Вазорати кишоварзии мамлакат.

Ҳиссаи асосии ҳосили ҷамъоваришудаи пахта ба хоҷагиҳои вилояти Хатлон рост меояд, ки кишоварзон аз аввали мавсим то санаи мазкур беш аз 266 ҳазор тонна пахта ҷамъоварӣ намуданд.

Кишоварзони вилояти Суғд имсол дар майдони 49 ҳазору 679 гектар кишти пунбадона гузарониданд, ки аз он 120 ҳазору 657 тонна пахта ҷамъоварӣ намуданд. Дар ноҳияҳои тобеи марказ дар майдони 3007 гектар кишти пунбадона гузаронида шудааст, ки аз он то санаи мазкур 6164,1 ҳазор тонна пахта ҷамъоварӣ гардидааст.

Вазорати кишоварзии мамлакат имсол дар майдони 173 ҳазору 945 гектар кишти пунбадона гузаронид, ки тибқи дурнамои истеҳсол аз ин майдон 419 ҳазор 511 тонна пахта истеҳсол  менамоянд.

АКС: Хадамоти матбуоти Президенти ҶТ/АМИТ «Ховар»