Имтиҳонҳои қабул ба зинаи магистратураи «Мактаби давлатдории Эмомалӣ Раҳмон» ва таҳсили яксолаи хизматчиёни давлатӣ баргузор шуданд
ДУШАНБЕ, 02.11.2021 /АМИТ «Ховар»/. Аз 27 то 29 октябр имтиҳони қабул ба зинаи магистратураи «Мактаби давлатдории Эмомалӣ Раҳмон» ва таҳсили яксолаи Академияи идоракунии давлатии назди Президенти Ҷумҳурии Тоҷикистон аз ҳисоби хизматчиёни давлатии Мақомоти иҷроияи ҳокимияти давлатии вилояти Суғд ва шаҳру навоҳии вилоят дар шаҳри Хуҷанд доир гардид, хабар доданд ба АМИТ «Ховар» аз Академияи мазкур.
Дар ҷараёни имтиҳонҳои қабул Ректори Академияи идоракунии давлатӣ Абдухалил Ғафурзода, мушовири бахши Ёрдамчии Президенти Ҷумҳурии Тоҷикистон оид ба масъалаҳои кадрҳо Меҳрӣ Олимшо, муовини директори Агентии хизмати давлатии назди Президенти Ҷумҳурии Тоҷикистон Бибиосия Аюбӣ, муовини якуми Раиси вилояти Суғд Ҳайдар Хол, ноиби ректор оид ба робитаҳои байналмилалии Академияи идоракунии давлатӣ Сомон Исматов ва дигар намояндагони Академия иштирок намуданд.
Қабули довталабон барои соли таҳсили 2021-2022 барои хизматчиёни давлатӣ ба зинаи магистратураи «Мактаби давлатдории Эмомалӣ Раҳмон» аз рӯйи ихтисосҳои идораи мақомоти маҳаллӣ, идораи давлатӣ, сиёсати берунӣ ва дипломатия ва менеҷменти сиёсӣ ба роҳ монда шуд.
Ба магистратураи «Мактаби давлатдории Эмомалӣ Раҳмон» ва зинаи таҳсилоти яксолаи хизматчиёни давлатӣ дар маҷмуъ 55 нафар довталаб ҳуҷҷат супорида, тариқи иншо, тест ва суҳбат малакаи касбии онҳо баҳогузорӣ карда шуд.
Тавре қаблан иттилоъ дода будем, ҳадаф аз ташкили магистратураи «Мактаби давлатдории Эмомалӣ Раҳмон» омӯзиши мактаби идоракунии Асосгузори сулҳу ваҳдати миллӣ — Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон ва нақши он дар рушди соҳаҳои стратегии низоми иҷтимоии ҷомеа буда, диққати асосӣ ба корнамоиҳои Сарвари давлат муҳтарам Эмомалӣ Раҳмон дар рушди давлатдории миллӣ ва ҳалли масъалаҳои стратегии низоми иҷтимоӣ дода мешавад.
Ба магистратураи «Мактаби давлатдории Эмомалӣ Раҳмон» хизматчиёни давлатие, ки собиқаи кории на кам аз 2-сола дошта, донандаи забонҳои хориҷӣ (русӣ ва англисӣ) мебошанд, тариқи имтиҳон пазируфта мешаванд.
Магистрантон давоми як соли таҳсил дар магистратураи мазкур малакаи кории худро такмил дода, донишҳои касбиро тақвият мебахшанд ва соҳиби диплом мегарданд. Таҳсил дар магистратураи «Мактаби давлатдории Эмомалӣ Раҳмон» дар самти болоравии мансабии хизматчиёни давлатӣ мусоидат хоҳад кард.
АКСҲО: Академияи идоракунии давлатии назди Президенти ҶТ
Барои довталабон ва шахсони масъули рушди захираҳои инсонӣ дар низоми бонкии Тоҷикистон оид ба барномаи JISPA ҳамоиш доир шуд
Дар «Тоҷикаэронавигатсия» татбиқи Стратегияи миллии фаъолгардонии нақши занон дар Тоҷикистон баррасӣ гардид
Сафири Тоҷикистон дар Форуми ҳайати фармондеҳони Маркази омӯзишҳои таҳқиқотии Шарқи Наздик ва Осиёи Ҷанубӣ иштирок намуд
Маҳсулоти пешрафтаи рақамӣ (digital)-ро кӣ ва чӣ гуна таҳия менамояд
Имрӯз дар водиҳои Тоҷикистон ҳаво то 33 дараҷа гарм мешавад
Дар Душанбе 176 кило гӯшти бедонаи ба талаботи бехатарӣ ҷавобгӯнабуда мусодира гардид
Дар ноҳияи Исмоили Сомонӣ намоишҳои фурӯши либос ва лавозимоти мактабӣ идома дорад
Имрӯз дар Тоҷикистон чангу ғубор ба амал меояд
Имрӯз дар Маркази миллии тестӣ ва Донишкадаи давлатии санъати тасвирӣ ва дизайн нишасти матбуотӣ доир мегардад
«Қиссаҳои Шераки Ориён» аз чоп баромад
Дар Вена масоили густариши ҳамкории Тоҷикистон бо Агентии Австрия оид ба рушд баррасӣ шуд
