Масъалаҳои муҳими марбут ба таҳкими ҳамкории тиҷоратию иқтисодӣ дар доираи СПЕКА баррасӣ шуданд
ДУШАНБЕ, 24.11.2021 /АМИТ «Ховар»/. Масъалаҳои муҳими марбут ба таҳкими ҳамкории тиҷоратию иқтисодӣ дар доираи Барномаи махсуси Созмони Милали Муттаҳид /СММ/ барои иқтисодиёти Осиёи Марказӣ /СПЕКА/, бахусус таъсиси Фонд ва Котиботи СПЕКА, савдо, иқтисоди сабз ва ҳифзи муҳити зист дар ҷаласаи 16-уми Шӯрои роҳбарикунандаи СПЕКА дар шаҳри Тошканд баррасӣ шуданд.
Тавре ба АМИТ «Ховар» аз Вазорати рушди иқтисод ва савдои ҷумҳурӣ иттилоъ доданд, дар ҷаласаи 16-уми Шӯрои роҳбарикунандаи СПЕКА дар радифи намояндагони кишварҳои Озарбойҷон, Қазоқистон, Қирғизистон, Туркманистон, Узбекистон ва созмонҳою ниҳодҳои бонуфузи минтақавию байналмилалӣ ҳайати Тоҷикистонро муовини Вазири рушди иқтисод ва савдои ҷумҳурӣ Абдураҳмон Абдураҳмонзода намояндагӣ намуд.
А. Абдураҳмонзода тақвияти ҳамкориро дар ин самт бо кишварҳои минтақа, махсусан дар давраи пандемия зарур шуморида, таъсис додани Фонд ва Котиботи СПЕКА-ро иқдоми хуб арзёбӣ кард ва дар робита ба он мавқеи Ҷумҳурии Тоҷикистонро бо назардошти манфиатҳои иқтисодии кишвар пешниҳод намуд, ки аз ҷониби кишварҳо пазируфта шуд.
Зикр гардид, ки Ҳукумати Ҷумҳурии Тоҷикистон пайваста ба мавзӯъҳои ҳифзи муҳити зист ва масъалаҳои марбут ба экология таваҷҷуҳи хосса зоҳир менамояд.
Гуфта шуд, ки Асосгузори сулҳу ваҳдати миллӣ – Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон 3 марти соли равон дар мулоқоти якуми Панели сатҳи баланд оид ба масъалаҳои обу иқлим суханронӣ намуда, пешниҳод карданд, ки соли 2025 Соли байналмилалии ҳифзи пиряхҳо эълон карда шавад ва он аз ҷониби роҳбарони ҳайатҳои расмии кишварҳои аъзои СПЕКА пазируфта шуд.
Масъалаи мазкур дар матни «Эъломияи Тошканд», ки дар ҷараёни ҷаласа қабул гардид, дарҷ ёфтааст.
АКСҲО: Вазорати рушди иқтисод ва савдои ҶТ
Мутахасисони Тоҷикистон дар Чин бо навовариҳои соҳаи пахтакорӣ шинос шуданд
Натиҷаҳои рушди иқтисодии Тоҷикистон дар Таиланд муаррифӣ гардиданд
Дар Тоҷикистон ҷаласаи 46-уми Шурои ҳамоҳангсозии электроэнергетикии Осиёи Марказӣ доир шуд
Шаҳри Панҷакентро дар нуҳ моҳ беш аз 40 ҳазор сайёҳон тамошо намудаанд
Дар Агентии инноватсия ва технологияҳои рақамӣ масъалаҳои зеҳни сунъӣ ва амнияти рақамӣ баррасӣ шуданд
Ҳамкории стратегӣ дар самти ҷалби сармоягузории устувор ва маблағгузории иқлимӣ тақвият меёбад
Намояндаи Бонки миллии Тоҷикистон дар ҷаласаи роҳбарони бонкҳои марказии кишварҳои Шарқи Наздик ва Осиёи Марказӣ иштирок намуд
Дар Душанбе татбиқи «Барномаи давлатии кабудизоркунии Ҷумҳурии Тоҷикистон барои давраи то соли 2040» баррасӣ гардид
Вазири молияи Тоҷикистон дар Бангкок бо роҳбарияти Фонди кувайтии рушди иқтисодиёти араб мулоқот намуд
Дар доираи Форуми соҳибкории «Тоҷикистон, ба пеш!» ду Ёддошти тафоҳум дар соҳаи энергетика ба имзо расид
Дар 25 соли охир аз ҷониби соҳибкорон зиёда аз 4 миллион ҷойи кор таъсис дода шудааст
Дар Душанбе татбиқи «Барномаи рушди таҳвилгарон ва содирот» бо ҳайати Гурӯҳи Бонки ҷаҳонӣ баррасӣ гардид
