Муовини Сарвазири Русия Алексей Оверчук ба Тоҷикистон меояд
ДУШАНБЕ, 29.11.2021 /АМИТ «Ховар»/. Ҳамкории иқтисодию тиҷоратии Ҷумҳурии Тоҷикистон бо Федератсияи Русия беш аз пеш густариш меёбад. Далели ин баргузории Конфронси 8-ум оид ба ҳамкории байниминтақавии Тоҷикистон ва Русия мебошад, ки пагоҳ, 30 ноябр дар маркази маъмурии вилояти Хатлон — шаҳри Бохтар доир мегардад. Дар ин бора ба АМИТ «Ховар» аз Вазорати рушди иқтисод ва савдои ҷумҳурӣ иттилоъ доданд. Интизор меравад, ки ҳайати Русияро муовини Сарвазири ин кишвар Алексей Оверчук роҳбарӣ хоҳад намуд.
Вазорати рушди иқтисод ва савдои Ҷумҳурии Тоҷикистон ва Вазорати рушди иқтисоди Федератсияи Русия аз созмондиҳандагони Конфронси ҳаштум оид ба ҳамкории байниминтақавии Русия ва Тоҷикистон мебошанд. Тақвияти ҳамкории тиҷоративу иқтисодии минтақаҳои Тоҷикистону Русия ҳадафи аслии ин конфронс арзёбӣ мегардад. Дар доираи конфронс дар мавзӯъҳои «Рушди ҳамкории Русияву Тоҷикистон дар соҳаи кишоварзӣ, саноат, логистика ва иқтисоди рақамӣ», «Минтақаҳои Русия ва Тоҷикистон: ҷавонон ва ҷанбаҳои ҳамкорӣ» ва «Рушди ҳамкории байниминтақавии Русия ва Тоҷикистон: роҳҳои ҳалли масъалаҳои марбут ба шаҳр» ҳамоишҳо баргузор мегарданд.
Интизор меравад, ки иштирокдорони конфронс роҳҳои диверсификатсияи интиқоли мутақобилаи маҳсулоти кишоварзӣ, таъмини техникаи кишоварзии сохти Русия ва интиқоли он, тамоюли рушди саноати хӯрокворӣ дар Тоҷикистон ва имкони ширкати сармоягузорони рус дар он, таъсиси шабака ва марказҳои тақсимоти яклухт, ҳамгироии идоракунии рақамии давлатӣ ва мунисипалӣ, кооператсияи саноатӣ, эҷоди занҷирҳои кооператсия миёни корхонаҳои Русия ва Тоҷикистон, самтҳои ояндадори ҳамкории Тоҷикистон ва Русия дар соҳаи маориф, нақши донишгоҳҳо дар рушди соҳаҳои иҷтимоӣ ва иқтисодии минтақаҳоро муҳокима кунанд.
Инчунин таҷрибаи Русия ва Тоҷикистон: иштироки ҷавонон дар рушди иҷтимоию фарҳангии шаҳрҳои Русия ва Тоҷикистон, имконияти нави рушди ҳамкории илмию таълимӣ, фаъолсозӣ ва таҳкими ҳамкории дуҷониба миёни шаҳру минтақаҳои Русия ва Тоҷикистон, рақамикунонии иқтисоди шаҳрӣ дар соҳаҳои нақлиёт, маориф, манзил — хоҷагии коммуналӣ, ҳамкорӣ дар самти таҷдиди иқтисод ва таҳкими шаҳру минтақаҳои Тоҷикистон ва Русия баррасӣ мешаванд.
Дар доираи конфронс ба имзо расонидани санадҳои дуҷонибаи ҳамкорӣ миёни ширкату корхонаҳои истеҳсолию саноатии минтақаҳои Тоҷикистон ва Русия дар назар аст.
АКС аз манбаъҳои боз
Вазири молияи Тоҷикистон дар Бангкок бо роҳбарияти Фонди кувайтии рушди иқтисодиёти араб мулоқот намуд
Дар доираи Форуми соҳибкории «Тоҷикистон, ба пеш!» ду Ёддошти тафоҳум дар соҳаи энергетика ба имзо расид
Дар 25 соли охир аз ҷониби соҳибкорон зиёда аз 4 миллион ҷойи кор таъсис дода шудааст
Дар Душанбе татбиқи «Барномаи рушди таҳвилгарон ва содирот» бо ҳайати Гурӯҳи Бонки ҷаҳонӣ баррасӣ гардид
Дурнамои рушди ҳамкорӣ байни Тоҷикистон ва Чехия дар соҳаи нақлиёти роҳи оҳан баррасӣ гардид
Масъалаи истифодаи механизмҳои нави маблағгузорӣ барои татбиқи лоиҳаҳои афзалиятноки Тоҷикистон дар Бангкок баррасӣ шуд
РУШДИ ИҚТИСОДИ МИЛЛӢ. Дар нуҳ моҳи соли 2026 8,3 фоиз таъмин гардид
Олимони тоҷик парвариши гандуми тирамоҳӣ ва пахтаро дар шароити тағйирёбии иқлим баррасӣ намуданд
Ҷалби сармоя барои татбиқи лоиҳаҳои афзалиятноки Тоҷикистон дар Бангкок баррасӣ гардид
«СОҲИБКОРИИ ЗАНОН: ИМКОНИЯТҲО, НАВОВАРӢ ВА РУШДИ УСТУВОР».Таҳти ин унвон ҳамоиш баргузор шуд
Дар мавзуи дастгирии соҳибкорӣ дар 35 соли Истиқлоли давлатӣ ҳамоиш баргузор шуд
Дар Рим имкониятҳои содиротии маҳсулоти кишоварзии Тоҷикистон муаррифӣ гардиданд
