Музаффар Ашӯриён: Рӯзи Президент — рӯзи иқболи мардуми Тоҷикистон аст

Ноябрь 16, 2021 15:58

ДУШАНБЕ, 16.11.2021 /АМИТ «Ховар»/. Имрӯз бахшида ба Рӯзи Президенти Ҷумҳурии Тоҷикистон дар Вазорати адлияи Ҷумҳурии Тоҷикистон ҳамоиши тантанавӣ доир гардид. Тавре мухбири АМИТ «Ховар» хабар медиҳад, дар ҳамоиши мазкур Вазири адлияи Ҷумҳурии Тоҷикистон Музаффар Ашӯриён Рӯзи Президентро рӯзи иқболи мардуми Тоҷикистон арзёбӣ намуда, иброз кард, ки соли 6-ум аст, ки мардуми Тоҷикистон ин рӯзро бо саммияти хосса ва ба таври тантанавӣ ҷашн мегиранд.

Ба гуфтаи М.Ашӯриён, мансаби Президент дар Ҷумҳурии Тоҷикистон ниҳоди конститутсионӣ буда, дар Конститутсия  тартибу шартҳои ба ин мансаби олии ҳокимияти давлатӣ интихоб шудан ва лаҳзаи ба фаъолият шурӯъ намудани Президенти Ҷумҳурии Тоҷикистон чун салоҳияти масъулияти он мустаҳкам гардидааст. «Аз ҷумла, моддаи 67-и Конститутсия пешбинӣ менамояд, ки Президент пеш аз шурӯи вазифа дар ҷаласаи якҷояи Маҷлиси миллӣ ва Маҷлиси намояндагони Маҷлиси Олии Ҷумҳурии Тоҷикистон савганд ёд мекунад. Аз саҳифаҳои таърих бармеояд, ки 16 ноябри соли 1994 дар иҷлосияи Шӯрои Олии ҶТ маросими савгандёдкунӣ ва ба фаъолият шурӯъ кардани Президенти Тоҷикистон баргузор гардид. Аз ҳамин рӯзи таърихӣ марҳилаи нави муҳими давлатдории тоҷикон- шакли идоракунии ҷумҳурии президентӣ оғоз ёфт»,-афзуд ӯ.

Иброз гардид, ки мақсад аз рўзи ид муайян кардани 16 ноябр ҳамчун Рӯзи Президенти Ҷумҳурии Тоҷикистон он аст, ки Президенти тозаинтихобгардидаи Ҷумҳурии Тоҷикистон дар ин рўз ба иҷрои фаъолият шурӯъ намудааст. Яъне санаи мазкур рамзӣ буда, на бо таъсиси мансаби Президент ва ё муқарраркунии шакли идоракунии ҷумҳурии президентӣ дар Ҷумҳурии Тоҷикистон, балки ба амалишавии воқеии ниҳоди мазкур рабт дорад.

Мояи ифтихор ва хушбахтист, ки он замон Пешвои миллат муҳтарам Эмомалӣ  Раҳмон ҳамчун Президенти Ҷумҳурии Тоҷикистон интихоб гардида, на танҳо давлату миллатро аз вартаи ҳалокат наҷот доданд, балки саҳифаи нави рушди давлатдории тоҷиконро боз карданд.

АКС аз АМИТ «Ховар»

Ноябрь 16, 2021 15:58

Хабарҳои дигари ин бахш

Бахшида ба Соли нав ба ниёзмандони ноҳияи Шуғнон кумак расониданд
КИ ҲХДТ дар Хатлон ба кӯдакони имконияташон маҳдуд туҳфаҳои идона тақдим намуд
ОБУ ҲАВО: Имрӯз дар шаҳри Душанбе ҳаво 8+10 дараҷа гарм мешавад
Ба ниёзмандони ноҳияи Ёвон 33 аробаи маъюбӣ тақдим гардида, ба ятимон туҳфаҳои Президенти Тоҷикистон расонида шуданд
Дар арафаи Соли нав ба оилаҳои ниёзманд, маъюбон ва беморони ноҳияи Фирдавсӣ кумак расонида шуд
ОБУ ҲАВО: Имрӯз дар Тоҷикистон ҳавои тағйирёбандаи бебориш дар назар аст
Дар арафаи Соли нав дар ноҳияи Фирдавсӣ ташкилоти ибтидоии ҲХДТ бо номи «Ватандор» таъсис ёфт
Туҳфаҳои идонаи Пешвои миллат ба 36 нафар хонандагони Мактаб-интернати ноҳияи Лахш тақдим гардиданд
Дар шаҳрҳои Хуҷанд, Истиқлол, Бӯстон ва Гулистони вилояти Суғд ярмарка-фурӯши маҳсулоти кишоварзӣ оғоз гардид
Ба Маркази вилоятии ҳимояи аҳолӣ аз бемории сили №2 ва Маркази вилоятии равонпизишкии шаҳри Кӯлоб кумак расонида шуд
Оилаи соҳибкорон Сатторовҳо ба хонандагони ятиму маъюб ва ниёзманди Литсейи касбӣ-техникии Ҳисор кумак намуданд
Ба Маркази дастгирии оила ва кӯдаки №2 таҷҳизоти маишӣ тақдим гардид