Нақши Конститутсияи Ҷумҳурии Тоҷикистон дар эъмори давлатдории навин беҳамто мебошад

Ноябрь 6, 2021 09:52

ДУШАНБЕ, 06.11.2021 /АМИТ «Ховар»/. 5 ноябр дар Суди конститутсионии мамлакат бахшида ба Рўзи Конститут­сияи Ҷумҳурии Тоҷикистон зери унвони  «Нақши  Конститутсияи Ҷумҳурии Тоҷикистон дар ташаккули низоми қонунгузории миллӣ» ҳамоиш тантанавӣ доир гардид, ки дар он судяҳо ва кормандони дастгоҳи он иштирок намуданд. Дар ин бора АМИТ «Ховар» бо истинод аз Суди конститутсионии Ҷумҳурии Тоҷикистон хабар медиҳад.

Раиси Суди конститутсионӣ Абдулҳафиз Ашурзода иброз намуд, ки 27 сол му­қад­дам халқи Тоҷикистон тавассути раъйпурсии умумихалқӣ аввалин Конститутсияи даврони соҳибистиқлолро қабул намуда, оромонҳои гузаштагони худро амалӣ намуданд.

Мавсуф зикр намуд, ки нақши Конститутсияи Ҷумҳурии Тоҷикистон дар эъмори давлатдории навин беҳамто буда, он ҳамчун санади олии сиёсию ҳуқуқӣ ва ҳуҷ­ҷати муҳими сарнавиштсоз таҷассумгари ғояҳо ва арзишҳои миллии мо мебошад.

«Ин санад барои эҳёи таъриху маданияти миллати тоҷик нақши му­ҳим гузошт. Руҳияи идонаю ифтихори миллӣ ва пос доштани асолати гу­заштагон, арҷгузорӣ ба фарҳанги неки аҷдодон, сарҷамъии мардум дар фа­зои осоиштаи Ватан аз санади сарнавиштсоз будани Конститутсия шаҳодат медиҳад»,- афзуд Ашурзода.

Ба андешаи Раиси суди Конститутсионӣ бисту ҳафт соли амали Конститутсия собит намуд, ки халқи тамад­дунсозу фарҳангӣ ва ободгари мо он замон тавонист санадеро қабул на­мояд, ки дар ҳақиқат таҷассумгари манфиатҳои миллӣ буда, рушди бо­низоми давлат ва ҳаёти осудаи ҷомеаро таъмин намояд.

Таъкид гардид, ки ин санади ояндасоз барои фаъолияти бузурги созандагию бунёдкорӣ шароит муҳайё карда, Тоҷикистонро ба шоҳроҳи бузурги дигар­гуниҳои сиёсӣ, иқтисодию иҷтимоӣ ва фарҳангӣ ҳидоят менамояд.

Боварӣ изҳор карда шуд, ки Конститутсия солиёни зиёд барои дав­лату миллат хизмат намуда, чун рамзи озодиву соҳибихтиёрӣ, эҳёи давлату давлатдорӣ, ваҳдату ягонагӣ, ободию созандагӣ, худогоҳиву ватандустӣ пойдору ҷовидон хоҳад монд.

Ҳамчунин, судяҳои Суди конститутсионӣ Ҷамшед Ҷамшедзода ва Дилором Аб­дураҳимзода доир ба   санади сарнавиштсоз ва бахт­номаи мил­лат бу­дани Конститутсия ибрози назар намуда,  қабули онро ифодаи дастгирии халқ  аз сиёсати хирадмандонаву созандаи Асосгузори сулҳу ваҳдати миллӣ –  Пешвои миллат Президенти Ҷумҳурии Тоҷи­кистон муҳтарам Эмомалӣ Раҳмон  арзёбӣ намуданд.

 

АКС аз Суди конститутсионии ҶТ

Ноябрь 6, 2021 09:52

Хабарҳои дигари ин бахш

Фестивали чоруми дӯстии ҷавонони шаҳри Душанбе баргузор гардид
«БАЧА АЗИЗ, ОДОБАШ АЗ ОН АЗИЗТАР…». Ба таълиму тарбияи фарзандон набояд бетарафӣ зоҳир намуд
Маркази тадқиқоти стратегии Тоҷикистон ва Институти байналмилалии Осиёи Марказӣ масоили ҳамкории илмию таҳлилиро баррасӣ намуданд
35-СОЛАГИИ ИСТИҚЛОЛИ ДАВЛАТӢ. Беморхонаи марказии ноҳияи Темурмалик пурра навсозӣ гардид
ЗАБОН ДОНӢ-ҶАҲОН ДОНӢ. Аз 1 апрел кормандони мақомоти давлатӣ, худидоракунии маҳаллӣ ва ташкилотҳои давлатӣ ба омӯзиши ҳатмии забонҳои хориҷӣ фаро гирифта мешаванд
Дар ноҳияи Айнӣ сеюмин ҳамоиши гирандагони стипендияи президентӣ баргузор шуд
НАВРӮЗИ ХУҶАСТАПАЙ МУЖДАИ НЕКИ БАҲОРИ ХУРРАМ. Дар Суғд Ҷашни байналмилалии Наврӯз бо шукуҳи хоса таҷлил шуд
Тоҷикистон терроризму ифротгароиро қотеона маҳкум менамояд
24 МАРТ — РӮЗИ ҶАҲОНИИ МУБОРИЗА БО БЕМОРИИ СИЛ. Ҳадаф аз он огоҳӣ, пешгирӣ ва мубориза бар зидди ин беморӣ мебошад
ИМРӮЗ ДАР ТОҶИКИСТОН — РӮЗИ ГУЛ ВА НИҲОЛШИНОНӢ. Соли 2023 дар ҷумҳурӣ беш аз 1 миллион бех ниҳоли дарахтони гуногун шинонида шуд
МАСЛИҲАТИ МУТАХАССИС. Истеъмоли гулкарам масунияти инсонро боло мебардорад
МАСЛИҲАТИ МУТАХАССИС. Истеъмоли ғизои солим беҳтарин роҳи ҳифзи солимии шахс мебошад