Пагоҳ ба шарафи Рӯзи Президент намоиш-фурӯши китобҳо доир мешавад

ДУШАНБЕ, 15.11.2021 /АМИТ «Ховар»/. Пагоҳ, соати 15:00, дар саҳни бинои Сирки давлатӣ бахшида ба Рӯзи Президенти Ҷумҳурии Тоҷикистон бо ташаббуси Муассисаи нашриявии «Адиб» намоиш-фурӯши китобҳои тозанашр доир гардида, инчунин дар ин рӯз чор номгӯй китобе, ки доир ба корнамоиву ҷонфидоиҳои Асосгузори сулҳу ваҳдати миллӣ-Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон рӯйи чоп омадаанд, ба намоиш-фурӯш гузошта мешаванд, иттилоъ доданд аз Муассисаи нашриявии «Адиб» ба АМИТ «Ховар».

Дар намоиш-фурӯш зиёда аз сад номгӯй китобҳои тозанашри муассисаи мазкур ба намоиш-фурӯш гузошта мешаванд. Силсилаи «Ахтарони адаб», китобҳои  «Назаркарда»-и Абдуғаффори Абдуҷаббор, «Тавлиди нур»-и Идигул Қосимзода, «Бахтофарин», «Ҷасорати бузурги Пешвои миллат» ва маҷмӯаи шеърҳо, очерку мақолаҳо аз ин ҷумлаанд.

Ҳамчунин иштирокдорони Озмуни ҷумҳуриявии «Фурӯғи субҳи доноӣ китоб аст» имкон доранд аз ин намоиш-фурӯш китобҳои тозанашри адибони классику муосири тоҷику форсро пайдо намоянд.

АКС аз бойгонии АМИТ «Ховар»