Тоҷикистон ва Беларус ҳамкориро дар чорчӯби созмонҳои минтақавӣ ва байналмилалӣ баррасӣ карданд
![](https://khovar.tj/wp-content/uploads/2021/11/16-11-2021-Deputy-Minister-and-Ambassador-of-Belarus-1.jpg)
ДУШАНБЕ, 16.11.2021 /АМИТ «Ховар»/. 16 ноябр мулоқоти муовини Вазири корҳои хориҷии Ҷумҳурии Тоҷикистон Содиқ Имомӣ бо Сафири Ҷумҳурии Беларус дар Ҷумҳурии Тоҷикистон Виктор Денисенко баргузор гардид. Дар ин бора АМИТ «Ховар» бо истинод ба Вазорати корҳои хориҷии Ҷумҳурии Тоҷикистон хабар медиҳад.
Мусоҳибон ҳолат ва дурнамои густариши равобити муносибатҳои Тоҷикистон ва Беларусро баррасӣ карда, доир ба ҳамкории кишварҳо дар чорчӯби созмонҳои минтақавӣ ва байналмилалӣ табодули афкор намуданд.
АКС: ВКХ ҶТ