Вазири Қатар ташаббуси Президенти Тоҷикистон оид ба эълони Соли байналмилалии ҳифзи пиряхҳоро мусбат арзёбӣ намуд

Ноябрь 4, 2021 08:21

ДУШАНБЕ, 04.11.2021 /АМИТ «Ховар»/. Масъалаҳои таҳия ва имзои Ёддошти тафоҳум миёни Кумитаи ҳифзи муҳити зисти назди Ҳукумати Ҷумҳурии Тоҷикистон ва Вазорати ҳифзи муҳити зист ва тағйирёбии иқлими Қатар зимни мулоқоти  раиси Кумитаи ҳифзи муҳити зисти назди Ҳукумати Ҷумҳурии Тоҷикистон Баҳодур Шерализода ва Вазири муҳити зист ва тағйирёбии иқлими Қатар доктор Фалеҳ Носир Ал Танӣ, ки дар доираи Конфронси 26-уми ҷонибҳои Конвенсияи чаҳорчӯбаи Созмони Милали Муттаҳид /СММ/ оид ба тағйирёбии иқлим дар шаҳри Глазго доир гардид, баррасӣ шуданд.

Аз Кумитаи ҳифзи муҳити зисти назди Ҳукумати Ҷумҳурии Тоҷикистон ба АМИТ «Ховар» иттилоъ доданд, ки мусоҳибон зимни баррасии  масъалаҳои тавсеаи ҳамкорӣ миёни ниҳодҳои муҳити зисти ҳарду давлат ба ташаббуси Президенти Ҷумҳурии Тоҷикистон муҳтарам Эмомалӣ Раҳмон оид ба эълон намудани соли 2025 Соли байналмилалии ҳифзи пиряхҳо таваҷҷуҳ зоҳир намуданд ва ин иқдом аз ҷониби давлати Қатар мусбат арзёбӣ гардид.

Дар мулоқот ҳамзамон масъалаи марбут  ба тавсеа ва рушди ҳамкорӣ миёни  Тоҷикистон ва Қатар  дар соҳаи туризми экологӣ матраҳ гардид.

   Акс аз Кумитаи ҳифзи муҳити зисти назди  Ҳукумати ҶТ

Ноябрь 4, 2021 08:21

Хабарҳои дигари ин бахш

Нишасти нуҳуми Форуми марказҳои таҳлилии Машварати ҳамкорӣ ва таҳкими боварӣ дар Осиё баргузор гардид
Тоҷикистон ва СҲИ масъалаҳои ҳамкорӣ ва механизмҳои расонидани кумакҳои башариро ба мардуми афғон баррасӣ намуданд
ДАСТИ ДӮСТӢ. Тоҷикистон ва Узбекистон бо тадбирҳои муштарак яке аз солҳои камобтарини минтақаро ба осонӣ паси сар карданд
Дар Душанбе вохӯрии гурӯҳҳои кории ҳайатҳои ҳукуматии Тоҷикистон ва Узбекистон баргузор гардид
HAPPY ANNIVERSARY! Тоҷикистон ва ИМА 30-солагии муносибатҳои дӯстона ва дипломатиро таҷлил менамоянд
Миёни вазоратҳои корҳои хориҷии Тоҷикистон ва Русия дар Москва машваратҳо доир шуданд
Дар Покистон китоби «Тоҷикон дар оинаи таърих» ба забони урду нашр ва муаррифӣ гардид
Дар Теҳрон ҳамкории дуҷонибаи Тоҷикистон ва Эрон баррасӣ гардид
Сафири Тоҷикистон дар Ӯзбекистон бо ҳайати кормандони рӯзномаи «Овози тоҷик» мулоқот намуд
Пешвои миллат Эмомалӣ Раҳмон: Тоҷикистон бо 180 давлати дунё муносибатҳои дипломатӣ барқарор кардааст
Нарендра Модӣ ба саммити ҷашнии СҲШ ва дигар чорабиниҳои байналмилалию минтақавӣ дар Тоҷикистон баҳои баланд дод
Ҳайати Тоҷикистон дар ҷаласаи Шӯрои вазирони корҳои хориҷии СҲИ дар Исломобод иштирок намуд