Вазирони кишоварзии Осиёи Марказӣ дар нишасти чорум масъалаи тағйирёбии иқлимро баррасӣ намуданд
ДУШАНБЕ, 04.11.2021 /АМИТ «Ховар»/. Тағйирёбии иқлим яке аз мушкилоти асосии соҳаи кишоварзӣ дар ҳамаи кишварҳои Осиёи Марказӣ мебошад. Дар соҳаи кишоварзӣ сарчашмаҳои хатарҳои вобаста ба обу ҳаво ва иқлим бисёр ва гуногунанд, аз қабили захираҳои маҳдуди об, хушксолӣ, биёбоншавӣ, таназзули замин, эрозия, жола, обхезӣ, сармоҳои барвақтӣ ва дигар омилҳо. Чунин зикр гардид дар нишасти чоруми вазирони кишоварзии кишварҳои Осиёи Марказӣ таҳти унвони «Таъсири оқибатҳои ногувори тағйирёбии иқлим ва ҳолатҳои фавқулода ба соҳаи кишоварзӣ», ки 2 ноябр ба таври онлайн баргузор гардид, иттилоъ медиҳад АМИТ «Ховар» бо истинод ба шуъбаи матбуот ва иттилооти Вазорати кишоварзии Ҷумҳурии Тоҷикистон.
Нишасти мазкур таҳти раёсати Вазири кишоварзии Ҷумҳурии Тоҷикистон Сулаймон Зиёзода дар ҳамбастагӣ бо Созмони озуқаворӣ ва кишоварзии СММ (ФАО) доир гардид.
Дар кори нишаст вазирони кишоварзии давлатҳои Осиёи Марказӣ, аз ҷумла, аз Ҷумҳурии Тоҷикистон – Сулаймон Зиёзода, Ҷумҳурии Қазоқистон — Ербол Карашукеев, Ҷумҳурии Қирғизистон – Аскарбек Джанибеков, Ҷумҳурии Узбекистон — Жамшид Ходжаев, муовини директори генералии Намояндагии минтақавии ФАО дар Аврупо ва Осиёи Марказӣ — Владимир Рахманин иштирок ва суханронӣ намуданд.
Ҳадаф аз баргузории нишаст- омӯзиш ва табодули таҷриба миёни давлатҳои Осиёи Марказӣ доир ба таъсири оқибатҳои тағйирёбии иқлим ва ҳолатҳои фавқулода ба соҳаи кишоварзӣ мебошад.
Дар нишасти мазкур маҷмӯи масъалаҳои дуҷонибаи ҳамкорӣ дар соҳаи кишоварзӣ ва тағйирёбии иқлим баррасӣ гардид.
Зикр шуд, ки нишасти кунунӣ саривақтӣ мебошад, зеро кишварҳои Осиёи Марказӣ дар он нақшаҳои миллии худро оид ба тағйирёбии иқлим дар ҳамбастагӣ таҳия намуда, баҳри дар амал татбиқ намудани он талош меварзанд.
АКСҲО: Вазорати кишоварзии ҶТ
ДЕҲОТИ РАҚАМӢ. Лоиҳа бо мақсади беҳтар намудани дастрасии интернет ва алоқаи мобилӣ дар минтақаҳои Тоҷикистон амалӣ мешавад
Дар Душанбе татбиқи «Барномаи рушди таҳвилгарон ва содирот» расман оғоз гардид
Дар комплекси сайёҳии Шаҳристон — эко резорт ба масофаи зиёда аз 5 километр таноброҳ сохта мешавад
Соли равон фурудгоҳҳои байналмилалии Тоҷикистон ба зиёда аз 1,5 миллион мусофир хизмат расонидаанд
Ҳоким Холиқзода бо Сафири нави Арабистони Саудӣ дурнамои ҳамкориро баррасӣ намуд
НИШАСТИ МАТБУОТӢ. Дар 65 шаҳру ноҳияи Тоҷикистон пойгоҳои базавии стандартӣ 5G насб карда мешавад
Дар Душанбе ҷаласаи дуюми Шурои кории Тоҷикистону Туркманистон баргузор гардид
НИШАСТИ МАТБУОТӢ. Соли равон тавассути ҳама намуди нақлиёт беш аз 76 миллион тонна бор ва 552 миллион мусофир интиқол дода шуд
Тавсеаи ҳамкорӣ байни Тоҷикистон ва Агентии давлатии ҳамкории байналмилалӣ ва рушди Чин баррасӣ шуд
НИШАСТИ МАТБУОТӢ. Дар 55 деҳа, маҳалла ва шаҳракҳои Тоҷикистон тадқиқоти муҳандисӣ-геологӣ анҷом дода шуд
Телевизиони «Синамо» силсилафилми ҳунарии «Нерӯи ишқ»-ро таҳия намуд
Сарвазири Тоҷикистон дар ноҳияҳои вилояти Хатлон бо рафти корҳои созандагӣ шинос гардид
