ҶАБҲАИ БУЗУРГИ СОЗАНДАГӢ ДАР ШАҲРУ ДЕҲОТИ ТОҶИКИСТОН! Дар Панҷакент корҳои сохтмонӣ дар майдони Парчами давлатӣ, Нишони давлатӣ ва муҷассамаи Шоҳ Исмоили Сомонӣ вусъати тоза гирифтаанд
ДУШАНБЕ, 11.12.2021. /АМИТ «Ховар»/. Бахшида ба ҷашни 30-солагии Истиқлолияти давлатии Ҷумҳурии Тоҷикистон дар шаҳру ноҳияҳои мамлакат сохтмони иншооти гуногун бомаром ҷараён дорад. Аз ҷумла, дар шаҳри Панҷакенти вилояти Суғд корҳои сохтмонӣ дар майдони Парчами давлатӣ, Нишони давлатӣ ва муҷассамаи Шоҳ Исмоили Сомонӣ, муассисаҳои таълимӣ вусъати тоза гирифтаанд, иттилоъ медиҳад АМИТ «Ховар» бо истинод ба хадамоти матбуоти Раиси вилояти Суғд.
Майдони Парчами давлатӣ дар назди бинои мақомоти иҷроияи ҳокимияти давлатии шаҳри Панҷакент ҷойгир буда, корҳои сохтмони он моҳи июни соли 2021 оғоз гардидаанд. Айни ҳол корҳои сохтмону васлсозӣ 80 дарсад ба иҷро расида, корҳои ободонӣ ва сабзазоркунии атрофи он идома доранд.
Нишони давлатии Ҷумҳурии Тоҷикистон низ дар ҳамин мавзеъ ҷойгир буда, бунёди он аз ҷониби Идораи сохтмон ва меъмории шаҳри Панҷакент идома дорад. Корҳои сохтмону васлсозии ин иншоот 90 дарсад иҷро гардидаанд.
Ҳамзамон бо мақсади баланд бардоштани ҳисси ватандӯстӣ ва ифтихор аз гузаштаи пурифтихори халқи тоҷик дар шафати майдони Нишон ва Парчам муҷассамаи асосгузори давлати тоҷикон-Шоҳ Исмоили Сомонӣ гузошта мешавад.
Раиси вилоят Раҷаббой Аҳмадзода зимни сафари корӣ дар шаҳри Панҷакент аз сохтмони бинои муассисаи таҳсилоти миёнаи умумии № 47 дидан намуд. Сохтмони ин мактаб бо маблағи харҷномавии 6 000 000 сомонӣ оғоз гардида, то имрӯз 50 дарсади корҳои сохтмонӣ ба итмом расонида шудаанд.
Муассисаи мазкур аз ҳисоби мақомоти иҷроияи ҳокимияти давлатии шаҳри Панҷакент барои 462 нафар хонанда дар як баст пешбинӣ шуда, дорои 17 синфхона, кабинетҳои фанни физика, химия, биология, технологияи иттилотӣ, толори варзиш, маҷлисгоҳ ва ошхона мебошад.
Фармоишгар мақомоти иҷроияи ҳокимияти давлатии шаҳри Панҷакент буда, пудратчии иншоот ҶДММ “ПМК 278” мебошад. Айни ҳол дар корҳои сохтмонии бино зиёда аз 20 нафар сохтмончиёни маҳаллӣ ба кор ҷалб карда шуданд.
Дар шаҳри Панҷакент ҳамзамон сохтмони боғчаи бачагона барои 400 нафар, воқеъ дар кӯчаи Фирдавсӣ идома дорад.
Сохтмони кӯдакистон бо дастгирии мақомоти иҷроияи ҳокимияти давлатии шаҳри Панҷакент ва саҳми соҳибкорон бо маблағи харҷномавии 5 800 000 сомонӣ оғоз гардидааст.
Пудратчии иншоот ҶДММ «Қудратсохтмон» буда, боғчаи бачагона аз 3 ошёна ва 40 ҳуҷра барои 280 ҷой иборат мебошад.
Айни замон корҳои сохтмонӣ ба маблағи 2 500 000, яъне 50 фоиз иҷро гардида, болопӯшии ошёнаи сеюми иншоот ҷараён дорад.
АКС: хадамоти матбуоти Раиси вилояти Суғд
Пешвои миллат Эмомалӣ Раҳмон дар вилояти Хатлон Маркази таълимии воҳидҳои таъиноти махсуси Кумитаи давлатии амнияти миллии Ҷумҳурии Тоҷикистонро ифтитоҳ намуданд
МАҲСУЛОТИ ВОРИДОТИВАЗКУНАНДА. Дар Душанбе Корхонаи истеҳсоли «Сэндвичпанел» ба истифода дода шуд
Президенти Тоҷикистон Эмомалӣ Раҳмон бинои Муассисаи давлатии омодасозии кадрҳои баландихтисоси низомиро дар шаҳри Душанбе мавриди истифода қарор доданд
Сарвари давлат Эмомалӣ Раҳмон дар шаҳри Душанбе ба фаъолияти корхонаи истеҳсоли нӯшокиҳои ташнашикан ҶДММ «АРК саноат» оғоз бахшиданд
Пешвои миллат Эмомалӣ Раҳмон дар ноҳияи Синои шаҳри Душанбе Корхонаи истеҳсоли «Сэндвичпанел»-ро мавриди баҳрабардорӣ қарор доданд
Президенти Тоҷикистон Эмомалӣ Раҳмон КВД «Маркази рақамикунонии соҳаи нақлиёт», Маркази минтақавии дипломатияи нақлиётӣ ва КВД «Пажуҳишгоҳи Лоиҳакашии иншооти нақлиётӣ» -ро дар шаҳри Душанбе ба истифода доданд
Сарвари давлат Эмомалӣ Раҳмон Маркази минтақавии бехатарӣ, амният ва кафолати химиявӣ, биологӣ, радиатсионӣ ва ядроии Академияи миллии илмҳои Тоҷикистонро ба истифода супориданд
Пешвои миллат Эмомалӣ Раҳмон бинои таълимӣ барои факултети забон ва адабиёти руси Донишгоҳи давлатии омӯзгории Тоҷикистон ба номи Садриддин Айниро мавриди баҳрабардорӣ қарор доданд
Дар ноҳияи Данғара аз ҷониби соҳибкорон наздики 70 километр роҳ мумфарш ва 60 километр сангфарш карда шудааст
Бахшида ба 30-солагии Конститутсияи Тоҷикистон дар ноҳияи Рӯдакӣ иншооти гуногун ба истифода дода шуданд
Сарвари давлат Эмомалӣ Раҳмон дар ноҳияи Рӯдакӣ корхонаи «Хишти аввал»-ро ба истифода доданд
Президенти Тоҷикистон Эмомалӣ Раҳмон дар ноҳияи Рӯдакӣ ба фаъолияти марҳилаи дуюми корхонаи истеҳсоли пойафзолбарорӣ оғоз бахшиданд
