«ҲАЁТ БЕ ЗӮРОВАРӢ ЗЕБОСТ». Таҳти ин унвон дар Душанбе ҳамоиш доир гардид
ДУШАНБЕ, 08.12.2021 /АМИТ «Ховар»/. Дар Академияи идоракунии давлатии назди Президенти Ҷумҳурии Тоҷикистон бо ташаббуси мақомоти иҷроияи ҳокимияти давлатии ноҳияи Исмоили Сомонӣ ва Маркази худшиносии бонувон дар шаҳри Душанбе дар мавзӯи «Ҳаёт бе зӯроварӣ зебост» ҳамоиш доир шуд, хабар медиҳад АМИТ «Ховар» бо истинод ба Кумитаи кор бо занон ва оилаи назди Ҳукумати Ҷумҳурии Тоҷикистон.
Дар кори ҳамоиш коршиносон ва донишҷӯён ширкат намуда, доир ба хушунату зӯроварӣ дар оила ва баробарии гендерӣ, инчунин Қонуни Ҷумҳурии Тоҷикистон «Дар бораи зӯроварӣ дар оила» ва дигар барномаҳои соҳавии таҳияшуда, ки татбиқи онҳо ба беҳтар гардидани мақоми зан дар ҷомеа мусоидат мекунад, маълумоти муфассал гирифтанд.
Зикр гардид, ки бо қарори махсуси СММ ҳамасола аз 25 ноябр то 10 декабр дар тамоми кишварҳо маъракаи ҷаҳонии «16 рӯзи мубориза бар зидди зӯроварии гендерӣ» доир мешавад ва бахшида ба ин мавзӯъ ҳамоишу ҷамъомадҳо баргузор мегарданд.
Ҳамзамон ба донишҷӯён доир ба интихоби ранги норинҷӣ, ки рамзи ин маърака буда, маънои равшанӣ ва умед ба ояндаро дорад, маълумот дода шуд.
Дар идомаи ҳамоиш миёни донишҷӯён викторина доир шуда, беҳтаринҳо бо туҳфаҳои масъулин қадрдонӣ шуданд.
АКС: Кумитаи кор бо занон ва оилаи ҶТ
Ҷумҳурии Тоҷикистон Конвенсияи Созмони Милали Муттаҳид дар бораи ҳуқуқҳои маъюбонро тасдиқ намуд
Забони тоҷикӣ дар фазои рақамӣ: аз пайкараи матнӣ то истилоҳоти ягона
Дар Душанбе симпозиум доир ба соҳаи онкология оғоз гардид
Барои маблағгузории нафақа беш аз 4 миллиард сомонӣ равона гардидааст
Форуми байналмилалии ҷавонони СҲШ оид ба ҳамкорӣ барои ояндаи устувор доир шуд
ИМРӮЗ-РӮЗИ БАЙНАЛМИЛАЛИИ КОҲИШИ ХАТАРИ ОФАТҲОИ ТАБИӢ. Дар Тоҷикистон барои пешгирии хатари офатҳо беш аз 60 миллион сомонӣ ҷудо гардидааст
Конференсияи илмӣ оид ба саҳми экспедитсияи бостоншиносӣ дар омӯзиши Панҷакенти қадим баргузор мегардад
Дар шаҳри Ҳисор мумфаршкунии беш аз 3,5 километр роҳи автомобилгард оғоз гардид
Рӯзи дарҳои кушоди Академияи хурди илмҳои Тоҷикистон баргузор шуд
ТАРЗИ ҲАЁТИ СОЛИМ. Камҳаракатӣ барои пайдоиши бемориҳои гуногун замина фароҳам меорад
Дар шаҳри Конибодом нуқтаҳои истироҳатӣ ва осоишгоҳи солимгардонӣ бунёд карда мешаванд
Шахсони дорои масунияти заиф бештар ба зуком гирифтор мешаванд
