Ба иштирокчиёни ҷанг ва собиқадорони меҳнати ноҳияи Шаҳринав туҳфаҳо ва маводи хӯрокворӣ тақдим шуданд

Декабрь 29, 2021 09:23

ШАҲРИНАВ, 29.12.2021 /АМИТ «Ховар»/. Мақомоти иҷроияи ҳокимияти давлатии ноҳияи Шаҳринав бо дастгирии соҳибкори саховатпешаи ноҳия Рузибой Шоев ба муносибати фарорасии Соли нави мелодии 2022  ба 40 нафар кормандони Муассисаи манзилию коммуналии ноҳия, ки пайваста барои тозаю озода ва ободу хуррам нигоҳ доштани маркази ноҳия заҳмат мекашанд, кумаки моддӣ, аз қабили орду равған, биринҷ ва шакар расонид.  Дар ин бора аз мақомоти иҷроияи ҳокимияти давлатии ноҳияи Шаҳринав ба хабарнигори АМИТ «Ховар» иттилоъ доданд.

Хайру эҳсон, таъмини ҳифзи иҷтимоии ниёзмандон ва ба ғамхорӣ фаро гирифтани ин қишри ҷомеа аз сиёсати пешгирифтаи Сарвари давлатамон маншаъ мегирад. Дар ин рӯзҳо бо дастгирии соҳибкорони ноҳия ба ятимону маъюбон ҳадяҳои солинавӣ ва кумакҳои моддӣ расонида шуда истодаанд.

Раиси ноҳияи Шаҳринав Ҷаббор Носирзода дар арафаи соли нав бо мақсади татбиқи сиёсати инсонпарваронаи Пешвои миллат муҳтарам Эмомалӣ Раҳмон аз вазъи саломатӣ, зиндагӣ ва рӯзгори  иштирокчии Ҷанги дуюми ҷаҳонӣ Азиз Қодиров ва иштирокчии ақибгоҳ дар Ҷанги дуюми ҷаҳонии солҳои 1941-1945  Рашида Нургалиева,  собиқадорони меҳнати соҳаҳои гуногун, аз ҷумла Музаффар Дадабоев, Зулайхо Умарова, Аҳмадҷон Ҳабибов, Раҳима Ахмедова, Азиза Ҳамзаева, Гулнора Норпулодова ва Назира Давлатова воқиф шуда, онҳоро бо Соли нави мелодӣ табрик гуфта, ба онҳо туҳфаҳо ва маводи хӯрокворӣ тақдим намуд.

Аёдатшудагон аз ин амали раиси ноҳия хурсанд гардида, иброз доштанд, ки баракати зиндагӣ, тинҷию амонӣ, эҳтиром ва арҷ гузоштан ба хизматҳои онҳо- ҳама аз самараи истиқлолият буда, бо талошу заҳматҳои шабонарӯзии Президенти маҳбуби кишвар муҳтарам Эмомалӣ Раҳмон ба даст омадаанд. Пирони кор дар ҳаққи Пешвои миллат ва рушди босуботи кишвари соҳибистиқлоламон дуои нек карданд.

АКСҲО аз Мақомоти иҷроияи ҳокимияти давлатии ноҳияи Шаҳринав

Декабрь 29, 2021 09:23

Хабарҳои дигари ин бахш

Дар Суғд барои қадршиносии иштирокчиёну маъюбони ҶДҶ 477 ҳазор сомонӣ ҷудо гардид
НА ҲАМА ЧИРО ЯКБОРА ИСТЕЪМОЛ КАРДАН МУМКИН АСТ. Ғизошиноси тоҷик роҳи дурусти баромадан аз рӯзадории моҳи Рамазонро гуфт
Доир ба нақши худидоракунии маҳаллӣ дар таъмини рушди устувори Тоҷикистон конференсияи ҷумҳуриявӣ доир шуд
Раиси Шӯрои уламо Саидмукаррам Абдуқодирзода аз мардуми Тоҷикистон даъват кард, ки дар иди Фитр ба исрофкорӣ роҳ надиҳанд
Дар Конибодом корҳои сохтмонии бинои маъмурии ҲХДТ ва навсозии Боғи фарҳангию фароғатии шаҳр идома доранд
Бори нахуст дар Тоҷикистон ҷарроҳии эзофагоколопластика бо колофарингоанастамоз анҷом дода шуд
Бахшида ба Рӯзи умумиҷаҳонии ҳифзи меҳнат дар Душанбе ҳамоиш доир гардид
ДАР ПАРТАВИ ҲИДОЯТҲОИ ПЕШВОИ МИЛЛАТ. Дар Тоҷикистон ба 300 оила кумаки башардӯстона расонида шуд
Сокинони деҳаи Гожаки ноҳияи Шуғнон соҳиби нуқтаи оби тозаи нӯшокӣ шуданд
БРИТАНИЯИ КАБИР БА ҶАЛБИ ҚУВВАИ КОРӢ АЗ ТОҶИКИСТОН ОМОДА АСТ. Имсол 500 нафар шаҳрвандони Тоҷикистон ба Британияи Кабир сафарбар мегарданд
Дар Агентии хизмати давлатӣ масъалаи пардохти музди меҳнати хизматчиён ҳангоми таҳсил баррасӣ гардид
ШАҲРИ ЗЕБОИ МАН. Милитсияи Хатлон ба истиқболи 35-солагии Истиқлоли давлатӣ ба бунёдкорӣ иқдом гирифт