Бозингарони дастаи «Хуҷанд» пас аз ғалаба бар дастаи «Истиқлол» Ҷоми Тоҷикистон-2021-ро болои сар бардоштанд
ДУШАНБЕ, 09.12.2021 /АМИТ «Ховар»/. Имрӯз дар варзишгоҳи «20-солагии Истиқлолияти Тоҷикистон»-и шаҳри Хуҷанд бозии финалии Ҷоми Тоҷикистон-2021 миёни чемпиони ҳашткаратаи Тоҷикистон- дастаи футболи «Истиқлол»-и шаҳри Душанбе бо барандаи медалҳои нуқраи чемпионати кишвар — дастаи футболи «Хуҷанд»-и шаҳри Хуҷанд бо ҳузури шумораи зиёди мухлисони футболи тоҷик дар сатҳи баланд баргузор гардид, хабар медиҳад шореҳи варзиши АМИТ «Ховар» Меҳрони Қурбон.
Дар ин бозии ҷолиб дастаи футболи «Хуҷанд»-и шаҳри Хуҷанд бо ҳисоби 2:0 дастаи футболи «Истиқлол»-и шаҳри Душанберо мағлуб намуда, баъди чандин соли инитзориҳо билохира ба унвони Ҷоми Тоҷикистон-2021 сарфароз гардид. Дар ин рақобати ҳассос ғолиб дар вақти асосӣ муайян нашуд. Дар қисмҳои иловагӣ футболбозони дастаи «Хуҷанд» ба задани 2 гол даст ёфтанд. Голи якумро дар дақиқаи 105-ум Ҳоҷибой Зиёев ба нишон расонид. Дар дақиқаи 117-ум Артём Сердюк голи дуюмро вориди дарвозаи дастаи «Истиқлол»-и шаҳри Душанбе намуд. Бо ҳамин дастаи футболи «Хуҷанд»-и шаҳри Хуҷанд ғолиби Ҷоми Тоҷикистон дар соли 2021 гардид.
Хотиррасон мешавем, ки дастаи футболи «Истиқлол»-и шаҳри Душанбе дар таърихи мавҷудияташ 8 маротиба —солҳои 2009, 2010, 2013, 2014, 2015, 2016, 2018 ва 2019, дастаи футболи «Хуҷанд»-и шаҳри Хуҷанд шаш маротиба – солҳои 1997/1998, 2002, 2008, 2017 ва 2021 ғолиби Ҷоми Тоҷикистон гаштаанд.
Ҷоми Тоҷикистон-2021
Финал
9 декабр (панҷшанбе)
«Истиқлол» — «Хуҷанд» 0:2
Голҳо: Ҳоҷибой Зиёев, 105 (0:1). Артём Сердюк, 117 (0:2).
Довари марказӣ: Беҳрӯз Муртазоев (Душанбе)
Ёварон: Ҳасан Каримов, Исмоил Нуралиев (ҳарду аз Норак).
Довари эҳтиётӣ: Ҳамза Шоймардонов (Хуросон).
Доварони иловагӣ: Насрулло Кабиров (Норак), Сайёдҷон Зайниддинов (Душанбе).
Нозири доварон: Насриддин Азизов (Қубодиён).
Комиссари бозӣ: Ҷамшед Исмоилов (Душанбе).
Хуҷанд, варзишгоҳи «20-солагии Истиқлолияти Тоҷикистон»
АКС: Федератсияи футболи Тоҷикистон
ФУТБОЛ. Дастаи мунтахаби олимпии Тоҷикистон (U-23) бо ҳамсолони худ аз Умон ду бозии дӯстона анҷом медиҳад
Дар ноҳияи Мурғоб майдончаҳои нави варзишӣ ба истифода дода шуданд
«ФУТБОЛ — ОМИЛИ ВАҲДАТ ВА ҲАМДИЛИИ ҶАВОНОН». Байни устодону кормандони Донишгоҳи миллии Тоҷикистон мусобиқаи футболи хурд доир гардид
Ҷудокорони тоҷик ҳангоми ба даст овардани медалҳои Бозиҳои Осиёӣ бо ҷоизаҳои пулӣ қадрдонӣ мешаванд
Ба ғолибону ҷоизадорони Бозиҳои Осиёӣ-2026 Ҷоизаи Президенти Ҷумҳурии Тоҷикистон дода мешавад
Имрӯз дастаи мунтахаби Тоҷикистон оид ба футбол бо дастаи мунтахаби Озарбойҷон бозии дӯстона доир менамояд
Мирзобек Умаров ва Отабек Раҷабов дар Бозиҳои Осиёӣ-2026 аввалин медалҳои тиллоро соҳиб шуданд
Се варзишгари Тоҷикистон ба финали мусобиқаи ММА дар Бозиҳои Осиёии Ҷопон роҳ ёфтанд
Варзишгари тоҷик Беҳрӯз Умаров дар мусобиқаи байналмилалӣ дар Қазоқистон соҳиби медали тилло гардид
Рамазон Ҷумаев ва Анӯшервон Назарзода соҳиби унвони қаҳрамони Ҷоми ҷаҳон оид ба самбо дар шаҳри Душанбе гардиданд
Ҳайати дастаи мунтахаби Тоҷикистон барои бозиҳои дӯстона бо дастаҳои Озарбойҷон, Фаластин ва Чин муайян гардид
Душанбе маротибаи дуюм мизбони Ҷоми ҷаҳон оид ба самбо мегардад
