Дар чор шаҳру ноҳияи Суғд ярмарка-фурӯши ангишт доир мегардад
ДУШАНБЕ, 22.12.2021 /АМИТ «Ховар»/. 23-24 декабр дар шаҳрҳои Хуҷанд, Конибодом, Истаравшан ва ноҳияи Бобоҷон Ғафурови вилояти Суғд ярмарка-фурӯши ангишт доир мегардад, хабар дод корманди хадамоти матбуоти Раиси вилоят Андар Раҳмонӣ ба АМИТ «Ховар».
Дар ярмаркаи мазкур конҳои истеҳсоли ангишт бевосита ангиштро бо нархи нисбат ба бозор арзонтар пешниҳоди сокинон менамоянд.
Макони баргузории ярмарка дар шаҳри Хуҷанд маҳаллаи 34, дар шаҳри Истаравшан назди бозори «Ҳоҷӣ Ҳаит», назди варзишгоҳи марказии шаҳр ва идораи «Шабакаҳои тақсимоти барқ», дар шаҳри Конибодом назди автовокзали шаҳр, дар ноҳияи Бобоҷон Ғафуров шаҳраки Ғафуров, маркази ҷамоати Хистеварз, маркази ҷамоати Унҷӣ муқаррар гардида, сокинон метавонанд аз ин нуқтаҳо ангишт харидорӣ намоянд.
Бояд гуфт, ки Вазорати саноат ва технологияи нави Ҷумҳурии Тоҷикистон бо мақсади иҷрои дастуру супоришҳои Президенти Ҷумҳурии Тоҷикистон муҳтарам Эмомалӣ Раҳмон ва қарори Ҳукумати Ҷумҳурии Тоҷикистон оид ба таъмини талаботи аҳолии кишвар бо ангишт дар давраи зимистони солҳои 2021-2022, инчунин ҷиҳати ба эътидол овардани нархи фурӯши ангишт бо нархҳои дастрас чунин ярмаркаҳоро роҳандозӣ менамояд.
АКС аз бойгонии АМИТ «Ховар»
Байни Тоҷикистон ва Чин Ёддошти тафоҳуми ҳамкорӣ дар соҳаи стандартизатсия ба имзо расид
Тоҷикистон ва Арманистон ҳамкориро дар самти ҳифз ва барқарорсозии экосистемаҳо ва мониторинги гуногунии биологӣ тақвият медиҳанд
Байни Тоҷикистон ва Чин Ёддошти тафоҳум оид ба мусоидат ба ҳамкорӣ дар соҳаи инфрасохтор ва сохтмони муҳандисӣ ба имзо расид
Байни мақомоти зиддикоррупсионии Тоҷикистон ва Чин Ёддошти тафоҳум оид ба пешгирӣ ва мубориза бо коррупсия ба имзо расид
Дар Агентии авиатсияи гражданӣ дар мавзуи «Амнияти иттилоотӣ дар шароити таҳдидҳои киберии муосир» ҳамоиш доир шуд
Дар Тоҷикистон беш аз 4 ҳазор коргоҳу корхонаи истеҳсолӣ фаъолият менамояд
Сохтмони роҳи таворавии шаҳри Кӯлоб қадами муҳим дар рушди инфрасохтори нақлиётии Тоҷикистон аст
Дар вилояти Суғд ҳаҷми истеҳсоли маҳсулоти кишоварзӣ ба беш аз 21 миллиард сомонӣ расид
«Барномаи рушди иҷтимоию иқтисодии вилояти Хатлон барои солҳои 2026–2030» 31,2 фоиз иҷро гардид
Дар Тоҷикистон 7136 ҳолати вайронкунии қонунгузории замин бартараф карда шуд
Ҳамкории БАТР бо Тоҷикистон дар соҳаи энергетика тақвият меёбад
Дар Нозироти андози шаҳри Ваҳдат 804 субъекти хоҷагидори амалкунанда сабти ном шудааст
