Дар чорроҳаи назди Оромгоҳи Мир Сайид Алии Ҳамадонии шаҳри Кӯлоб чароғаки роҳнамо насб гардид

Декабрь 29, 2021 11:24

ДУШАНБЕ, 29.12.2021. /АМИТ «Ховар»/. Мақомоти иҷроияи ҳокимияти давлатии шаҳри Кӯлоб  бо мақсади  ба танзим даровардани ҳаракати воситаҳои нақлиёт дар шаҳр, пешгирӣ  аз ҳодисаҳои нохуши нақлиётӣ пайста тадбирҳои зарурӣ меандешад. Аз ҷумла, 27 декабр дар чорроҳаи маҳаллаи Исмоили Сомонии шаҳри Кӯлоб — назди Оромгоҳи Мир Сайид Алии Ҳамадонӣ чароғаки роҳнамо насб карда шуд.

Тавре аз бахши матбуотии мақомоти иҷроияи ҳокимияти давлатии шаҳри Кӯлоб ба АМИТ «Ховар» хабар доданд, то ин вақт дар чорроҳаи мазкур тамбашавии нақлиёт, мушкили гузаштани пиёдагардон ва рух додани  ҳодисаҳои садамавӣ ба масъалаи доғи рӯз барои сокинони шаҳр ва ронандагон мубаддал гардида, боиси нороҳатии онҳо мешуд.

Сокини шаҳри Кӯлоб Фарзона Саидова изҳори хушнудӣ намуда гуфт, ки бо насби чароғакҳои раҳнамо дар чорроҳаҳои  назди Оромгоҳи Мир Сайид Алии Ҳамадонӣ  ва назди бозори «Сомониён»  мушкилоти бехатарии гузаштан аз роҳҳо бартараф гардид.

«Солҳои зиёд мушкилоти мазкур боиси ташвиш ва нигаронии ронандагону пиёдагардон гардида, хатари рух додани садамҳои нақлиётиро ба вуҷуд меовард. Хушбахтона ин мушкили мардум осон гардид», — афзуд номбурда.

Мавриди зикр аст, ки бо дарназардошти  зиёдшавии воситаҳои нақлиёт дар шаҳри Кӯлоб ин иқдом дар шаш нуқтаи дигари осебпазири шаҳр низ марҳила ба марҳила амалӣ карда мешавад, то бехатарии ҳаракат дар роҳҳои автомобилгард пурра таъмин гардад.

 

Аксҳо аз Мақомоти иҷроияи ҳокимияти давлатии шаҳри Кӯлоб 

Декабрь 29, 2021 11:24

Хабарҳои дигари ин бахш

ОБУ ҲАВО: Имрӯз дар шаҳри Душанбе ҳаво рӯзона 28+30 дараҷа гарм мешавад
ТАҚВИМИ АМИТ «ХОВАР»: имрӯз 27 апрел, чоршанбе, 117- умин рӯзи соли 2022 аст
ОБУ ҲАВО: Имрӯз дар Тоҷикистон ҳавои тағйирёбандаи бебориш дар назар аст
ҚУРБИ АСЪОР 1 евро аз 13.4481 то 13.5500 сомонӣ муқаррар шудааст
Пагоҳ дар Минск ҷаласаи Шӯрои намояндагони доимии кишварҳои ИДМ баргузор мешавад
Дар ноҳияи Шаҳринав 9 нафар ба кори доимӣ ва 30 нафар ба корҳои ҷамъиятии мавсимӣ роҳхат гирифтанд
БА ИСТИҚБОЛИ 25-СОЛАГИИ ВАҲДАТИ МИЛЛӢ. Сарраёсати ободонӣ ва хоҷагию манзилии шаҳри Хуҷанд соҳиби бинои нави маъмурӣ мегардад
ОБУ ҲАВО: Имрӯз дар Тоҷикистон ҳаво қисман абрнок ва бебориш дар назар аст
ОБУ ҲАВО: Имрӯз дар ноҳияҳои алоҳидаи Тоҷикистон борони кӯтоҳмуддат меборад
ОБУ ҲАВО: Имрӯз дар Тоҷикистон ҳавои камабри бебориш дар назар аст
Дар Тоҷикистон хатари зуҳуроти сел то охири ҳафта боқӣ мемонад
Дар Лахш оид ба тарбияи ҳарбӣ-ватандӯстӣ, тарғиби фарҳанги миллӣ ва пешгирии майли бегонапарастӣ ҳамоиш доир шуд