Дар Донишгоҳи давлатии Данғара оид ба Паёми Пешвои миллат ҳамоиши илмӣ-назариявӣ баргузор шуд
ДУШАНБЕ, 25.12.2021 /АМИТ «Ховар»/. Дар партави Паёми солонаи Президенти Ҷумҳурии Тоҷикистон муҳтарам Эмомалӣ Раҳмон ба Маҷлиси Олӣ 23 декабр дар Донишгоҳи давлатии Данғара таҳти унвони “Паёми Пешвои миллат-паёми бахту саодати миллат” машварати илмӣ-назариявӣ доир гардид, хабар дод ба АМИТ «Ховар» сардори бахши гурӯҳи таҳлилии таъмини бехатарии иттилоот ва кор бо сомонаҳои донишгоҳ Муҳаммад Шораҳимзода.
Доктори илмҳои сиёсӣ, дотсент Шарифхуҷа Ҳасанов дар машварати илмӣ-назариявӣ иброз дошт, ки “Пешвои миллат зимни ироаи Паёми навбатӣ ба сифати таҳсил дар тамоми низоми маорифи кишвар таваҷчуҳи махсус зоҳир намуда, таъкид доштанд, ки ин раванд, шурӯъ аз боғчаи кӯдакон то макотиби олии кишвар тақвият бахшида шавад. Пешвои миллат бо овардани далелҳои возеҳу равшан зикр намуданд, ки маориф ва сармоягузорӣ неруи инсонӣ, самтҳои ниҳоят муҳим дар инкишофи кишвар маҳсуб меёбанд”.
Ҳамин аст, ки бунёди маорифи миллӣ ва ворид гардидан ба фазои таҳсили байналмилалӣ дар сиёсати иҷтимоии давлат ва Ҳукумати мамлакат мавқеи шоиста дорад. Чунки бунёди миллат аз маориф оғоз меёбад ва ғамхорӣ нисбат ба маориф – сармоягузорӣ барои рушди неруи инсонӣ- ин ободии давлат ва Ватан мебошад.
Дар партави дастуру ҳидоятҳои Пешвои миллат, ки дар Паёми навбатӣ иброз гардидаанд, раёсати Донишгоҳи давлатии Данғара барои боз ҳам баланд бардоштани сатҳу сифати таҳсил, омода кардани кадрҳои баландихтисос ва рақопатпазир дар бозори озоди меҳнат, донандагони таърихи халқи тоҷик, боло бурдани завқу рағбати донишҷӯён ба омӯзиши фанҳои риёзӣ, дақиқ, табиӣ, технологияҳои иттилоотӣ ва аз худ кардани забонҳои хориҷӣ таваҷҷуҳи аввалиндараҷа зоҳир карда, фаъолияти маҳфилҳои фанниро дар ин самт ҷоннок менамояд.
Дар хатми ҳамоиш ба 68 нафар донишҷӯёне, ки нимсолаи аввали соли таҳсили 2021-2022-ро бо баҳои хубу аъло ҷамъбаст намуда, донандаи забонҳои хориҷӣ мебошанд, сипосномаҳо тақдим карда шуданд.
Акс: аз Донишгоҳи давлатии Данғара
Дар ноҳияи Ашт неругоҳи офтобӣ ба истифода дода мешавад
Дар Филиали Донишгоҳи давлатии Москва дар шаҳри Душанбе ду маркази нави илмӣ ба фаъолият оғоз менамояд
НИШАСТИ МАТБУОТӢ. Дар Сангвор 854 субъекти соҳибкории инфиродӣ фаъолият менамояд
СОЛИ ОБОДОНИЮ СОЗАНДАГӢ. Дар шаҳри Хуҷанд васеъсозии роҳи хиёбони ба номи Раҳмон Набиев оғоз гардид
НИШАСТИ МАТБУОТӢ. Дар шаҳри Роғун 94 иншооти гуногун ба маблағи беш аз 400 миллион сомонӣ мавриди истифода қарор гирифтанд
Тоҷикистон мизбони Бозиҳои XX Делфии ҷавонони давлатҳои аъзои ИДМ мегардад
Дар Душанбе доир ба саҳми шоистаи Абуалӣ ибни Сино дар илми тиб конференсия баргузор гардид
Муовини Сарвазири Тоҷикистон бо ҷараёни сохтмони иншооти соҳаи маорифу тандурустӣ дар шаҳри Ҳисор шинос шуд
Президенти Тоҷикистон: «Аҳолии узбекзабони шаҳри Турсунзода бо муассисаҳои таълимии узбекӣ ва китобҳои дарсӣ таъмин карда шаванд»
35-СОЛАГИИ ИСТИҚЛОЛИ ДАВЛАТӢ. Дар ноҳияи Ашт осоишгоҳи замонавӣ бунёд карда мешавад
Дар Вена баргузории ҷаласаи навбатии Комиссияи муштараки байниҳукуматии Тоҷикистону Австрия баррасӣ шуд
Пешвои миллат Эмомалӣ Раҳмон дар шаҳри Турсунзода дар хоҷагии деҳқонии «Боғи Сомон» бо рафти ҷамъоварии ҳосили ангур шинос шуданд
