Дар Душанбе ду корхонаи саноатии истеҳсолӣ ба истифода дода шуд

Декабрь 8, 2021 15:11

ДУШАНБЕ, 8.12.2021. /АМИТ «Ховар»/. Бахшида ба ҷашни 30-солагии Истиқлолияти давлатии Ҷумҳурии Тоҷикистон 7 декабр дар шаҳри Душанбе ду корхонаи нави саноатии истеҳсолӣ ба истифода дода шуд, иттилоъ доданд аз шуъбаи иттилоотии дастгоҳи Раиси шаҳри Душанбе ба АМИТ «Ховар».

Аз ҷумла, дар минтақаи саноатии шаҳри Душанбе бо иштироки муовини Раиси шаҳри Душанбе Дилшод Одиназода ва намояндагони мақомоти иҷроияи ҳокимияти давлатии ноҳияи Шоҳмансур корхонаи истеҳсоли чароғпояҳои светадиодӣ ва лампаҳо мавриди истифода қарор дода шуд. Дар корхонаи навтаъсис зиёда аз 45 ҷойи кори нав муҳайё карда шуда, кормандон пеш аз оғози кор ба курсҳои кӯтоҳмуддати тахассусӣ ҷалб гардидаанд. Зимни ифтитоҳи корхона масъулин иттилоъ доданд, ки маводи хом ба корхона аз Федератсияи Русия ворид гардида, банду баст карда мешавад. Дар корхонаи мазкур зиёда аз 27 намуд лампаҳо истеҳсол карда мешаванд.

Инчунин дар ин рӯз бо иштироки масъулин дар минтақаи саноатии пойтахт Корхонаи саноатии истеҳсолии қуттиҳои коғазӣ мавриди истифода қарор гирифт.

Зикр шуд, ки технологияи муосири корхона аз хориҷи кишвар ворид гардида, дар он кормандон ва мутахассисони маҳаллӣ бо ҷойи кор таъмин карда шуданд. Дар ҳудуди корхона зиёда аз 6 намуди техникаи замонавӣ насб гардида, корхона ба истеҳсоли зиёда аз 30 намуд қуттиҳои коғазӣ машғул мебошад.

Тавре иттилоъ дода шуд, имкони истеҳсоли моҳонаи корхона қариб 1,5 миллион адад қуттӣ буда, корхона имкон дорад истеҳсолро дар доираи фармоиши мизоҷ ба роҳ монад. Корхонаи саноатии истеҳсоли қуттиҳои коғазӣ аз ҷониби Ҷамъияти дорои масъулияти маҳдуди «Пулотов» бунёд карда шуда, масоҳати умумии иншоот 2700 метри мураббаъро ташкил медиҳад.

АКСҲО: Мақомоти иҷроияи ҳокимияти давлатии ш. Душанбе

Декабрь 8, 2021 15:11

Хабарҳои дигари ин бахш

Масъалаи иштироки Тоҷикистон дар ташаббусҳои марбут ба иқлим ва саломатӣ баррасӣ шуд
Ба кормандони соҳаи барқи пойтахт 5 мошини барқӣ тақдим карда шуд
Гӯсфанди хоҷагии «Сим-Сим» бо вазни қариб 190 кило сазовори «Шоҳҷоиза»-и Фестивал-намоиши «Гӯсфанди зоти ҳисорӣ» гардид
Кишоварзони вилояти Суғд беш аз 131 ҳазор тонна пахта ҷамъоварӣ менамоянд
Аз 1 октябр молу воситаҳои нақлиёти воридотӣ ва содиротӣ тавассути низоми «АСИКУДА-и ҷаҳонӣ» ба расмият дароварда мешаванд
Дар Алмато беш аз 900 тонна маҳсулоти кишоварзӣ аз вилояти Хатлон ба намоиш гузошта шуд
Сокини ноҳияи Ҷайҳун Каримҷон Бутаев 50 сол боз ба анорпарварӣ машғул аст
Дар Шуғнон корхонаи нави истеҳсоли асфалт ба фаъолият оғоз кард
Нақши Тоҷикистон дар таҳкими амнияти ядроӣ ва радиатсионӣ баланд арзёбӣ гардид
Масъалаи таҳвили гази табиӣ аз Узбекистон ба Тоҷикистон дар давраи тирамоҳу зимистон баррасӣ карда шуд
Мутахассисони соҳаи энергетикаи Қирғизистон бо Неругоҳи барқи обии «Роғун» шинос шуданд
Тоҷикистон ва ИМА ҳамкориро дар самти тиҷораткунонии ихтироот тақвият мебахшанд