Дар Хатлон ба ифтихори таъсиси Ҳизби Халқии Демократии Тоҷикистон ҳамоиши ҷумҳуриявӣ доир мегардад

Декабрь 8, 2021 11:43

ДУШАНБЕ, 08.12.2021 /АМИТ «Ховар»/. 9-10 декабр бо ташаббуси Кумитаи иҷроияи марказии Ҳизби Халқии Демократии Тоҷикистон бахшида ба Рӯзи таъсиси Ҳизби Халқии Демократии Тоҷикистон дар вилояти Хатлон  ҳамоиши ҷумҳуриявӣ баргузор мегардад, хабар доданд аз шуъбаи иттилоот ва матбуоти КИ ҲХДТ дар вилояти Хатлон ба АМИТ «Ховар».

Ҳамоиши идона бо иштироки доираи васеъ, аз ҷумла аъзои Ҳукумати Ҷумҳурии Тоҷикистон, кормандони сохторҳои ҲХДТ аз ВМКБ, Суғд,  ноҳияҳои тобеи  ҷумҳурӣ ва  шаҳри Душанбе, аъзои фаъоли  ҳизб,  олимону шоирон доир мегардад. Дар доираи ҳамоиш, ки ба   30-солагии Истиқлолияти  давлатии Ҷумҳурии Тоҷикистон, Солҳои рушди деҳот, сайёҳӣ ва ҳунарҳои мардумӣ бахшида мешавад, ҳайати меҳмонону иштирокчиён   аз мавзеъҳои зебои таърихиву сайёҳӣ ва якчанд иншооти навбунёди шаҳру ноҳияҳои Восеъ, Кӯлоб, Муъминобод, Ховалинг, Балҷувон ва Темурмалики вилояти Хатлон боздид мекунанд.

Дар доираи сафар ҳайати меҳмонон дар ноҳияи Восеъ аз Қалъаи Ҳулбук, Ҳавзи Қайнар ва Маҷмааи “Сайёҳӣ”,  дар ноҳияи Муъминобод аз Оромгоҳи Шоҳи Хомӯш, ҶДММ “Тоҷвайн”, боғи фарҳангӣ-фароғатии ноҳия ва мавзеи сайёҳии “Чилдухтарон», дар шаҳри Кӯлоб аз намоишгоҳи “Чакан”, Осорхонаи 2700-солагии шаҳри Кӯлоб, мақбараи Мир Сайид Алии Ҳамадонӣ,  дар ноҳияи Ховалинг аз Осорхонаи “Восеъ”-и Дараи Мухтор, маҷмааи «Чилчанор» ва мақбараи ҳазрати Султон Увайси Қаранӣ, дар ноҳияи Балҷувон аз осорхонаи «Мири Балҷувон», дар Ҷамоати деҳоти Кангурти ноҳияи Темурмалик аз корхонаҳои истеҳсолии «Пойафзоли Кангурт», «Мебел» ва Кохи фарҳанги ноҳия  дидан менамоянд.

Дар рӯзи дуюми ҳамоиш дар ноҳияи Темурмалик Конференсияи ҷумҳуриявии «Нақши Ҳизби Халқии Демократии Тоҷикистон дар таҳкими Истиқлоли давлатӣ» баргузор мегардад. Дар ҳошияи он барномаи фарҳангӣ пешниҳоди меҳмонон гардонида мешавад.

                                                                        АКС: КИ ХХДТ дар вилояти Хатлон

Декабрь 8, 2021 11:43

Хабарҳои дигари ин бахш

Бахшида ба Соли нав ба ниёзмандони ноҳияи Шуғнон кумак расониданд
КИ ҲХДТ дар Хатлон ба кӯдакони имконияташон маҳдуд туҳфаҳои идона тақдим намуд
ОБУ ҲАВО: Имрӯз дар шаҳри Душанбе ҳаво 8+10 дараҷа гарм мешавад
Ба ниёзмандони ноҳияи Ёвон 33 аробаи маъюбӣ тақдим гардида, ба ятимон туҳфаҳои Президенти Тоҷикистон расонида шуданд
Дар арафаи Соли нав ба оилаҳои ниёзманд, маъюбон ва беморони ноҳияи Фирдавсӣ кумак расонида шуд
ОБУ ҲАВО: Имрӯз дар Тоҷикистон ҳавои тағйирёбандаи бебориш дар назар аст
Дар арафаи Соли нав дар ноҳияи Фирдавсӣ ташкилоти ибтидоии ҲХДТ бо номи «Ватандор» таъсис ёфт
Туҳфаҳои идонаи Пешвои миллат ба 36 нафар хонандагони Мактаб-интернати ноҳияи Лахш тақдим гардиданд
Дар шаҳрҳои Хуҷанд, Истиқлол, Бӯстон ва Гулистони вилояти Суғд ярмарка-фурӯши маҳсулоти кишоварзӣ оғоз гардид
Ба Маркази вилоятии ҳимояи аҳолӣ аз бемории сили №2 ва Маркази вилоятии равонпизишкии шаҳри Кӯлоб кумак расонида шуд
Оилаи соҳибкорон Сатторовҳо ба хонандагони ятиму маъюб ва ниёзманди Литсейи касбӣ-техникии Ҳисор кумак намуданд
Ба Маркази дастгирии оила ва кӯдаки №2 таҷҳизоти маишӣ тақдим гардид