Дар Нурсултон ҷаласаи сатҳи баланди танзимгарони молиявии Осиёи Марказӣ доир шуд
ДУШАНБЕ, 08.12.2021 /АМИТ «Ховар»/. Дар пойтахти Қазоқистон- шаҳри Нур-Султон ҷаласаи баландпояи танзимгарони молиявии Осиёи Марказӣ ва намояндаҳои созмонҳои байналмилалии молиявӣ, аз қабили Хазинаи Байналмилалии асъор /ХБА/, Бонки Аврупоии Таҷдид ва Рушд /БАТР/, Корпоратсияи исломӣ оид ба рушди бахши хусусӣ, Бонки сохтмони Чин (China Construction Bank), Эътилофи ҷаҳонии марказҳои молиявии байналмилалӣ (WAIFC), ваколатдори танзим ва назорати бозорҳои молиявии Осиёи Марказӣ доир гардид, ки дар он Ҷумҳурии Тоҷикистонро муовини Раиси Бонки миллии Тоҷикистон Мирҳаёт Ёқубзода намояндагӣ намуд, хабар доданд ба АМИТ «Ховар» аз Бонки миллии Тоҷикистон.
Дар ҷаласаи машваратӣ иштирокчиён масъалаҳои марбут ба дурнамои воситаҳои нави маблағгузорӣ ва платформаи инноватсионии сармоягузорӣ дар Осиёи Марказӣ, хизматрасонии клирингӣ ва дастрасӣ ба бозорҳои ҷаҳонӣ тавассути Маркази байналмилалии молиявии Остона, рушди воситаҳои молиявии сабз ва имконияти воситаҳои молияи исломӣ, рушди иқтидори инсонӣ дар Осиёи Марказиро баррасӣ намуданд.
Муовини Раиси БМТ Мирҳаёт Ёқубзода дар муҳокимаи мавзӯъҳои вазъият ва дурнамои рушди бозорҳои молиявӣ, тавсеаи ҳамкории минтақавии назоратӣ, рушди дастрасӣ ба молия ва сармоягузорӣ дар Осиёи Марказӣ, ҳимояи ҳуқуқҳои сармоягузорон дар сатҳи байналмилалӣ, рушди ҳамкории минтақавӣ тавассути кумаки техникӣ ва воситаҳои маблағгузории лоиҳаҳои минтақавӣ, ҷалби маблағгузорӣ ва сармоягузорӣ, молияи исломӣ ҳамчун воситаи қиёсии маблағгузорӣ дар Осиёи Марказӣ табодули назар намуд.
Барои бунёди низоми солим ва устувории молиявӣ, инчунин зарурати таҳким ва рушди минбаъдаи ҳамкорӣ байни танзимгарони молиявӣ ҷиҳати дастгирии гардиши пардохтпазирии фаромарзӣ ва коҳиш додани арзиши сармоя ҷонибҳо омодагии худро ба ҳамкории ошкоро ва фарох, ки ба манфиати таъмини суботи молиявӣ ва рушди иқтисодии муштарак ҷиҳати тавсеа ва таҳкими минбаъдаи ҳамкории танзимкунанда дар Осиёи Марказӣ нигаронида шудааст, баён доштанд. Иштирокдорони машварат ба мувофиқа расиданд, ки майдончаи Маркази байналмилалии молиявии «Остона»-ро ҳамчун платформаи иқтисодии пайвасткунандаи кишварҳои Осиёи Марказӣ ва сармоягузорони хориҷӣ истифода намоянд.
АКСҲО: Бонки миллии Тоҷикистон
Дар Панҷакент коргоҳи коркарди қуму шағал ва истеҳсоли бетон ба истифода дода шуд
Ҷаласаи навбатии Комиссияи байниидоравӣ оид ба таъмини бехатарии авиатсионӣ баргузор шуд
Намояндагони «Тоҷикаэронавигатсия» бо раванди таҳсили донишҷӯёни тоҷик дар Академияи давлатии авиатсияи Беларус шинос гардиданд
Дар Душанбе ҷаласаи 14-уми Комиссияи байниҳукуматии Тоҷикистон ва Чин оид ба ҳамкории тиҷоратию иқтисодӣ доир шуд
Муовини Сарвазири Тоҷикистон бо вазъи соҳаи кишоварзии шаҳри Кӯлоб шинос гардид
Ҷаласаи навбатии Шурои байнидавлатии муқовимат ба коррупсияи кишварҳои аъзои ИДМ дар Минск доир шуд
Дар Лондон масъалаҳо оид ба соҳаи энергетикаи Тоҷикистон баррасӣ гардиданд
ЗЕҲНИ СУНЪӢ ДАР АМНИЯТИ КИБЕРӢ. Андешаҳо оид ба имконот ва таъсири он ба мудофиаи киберӣ
Дар Душанбе ҷаласаҳои муштараки соҳаи алоқаи кишварҳои Иттиҳоди Давлатҳои Мустақил баргузор мегарданд
Дар мавзуи «Портали ягонаи хизматрасониҳои давлатӣ ва ҳукумати электронӣ» ҳамоиш доир шуд
ҚУРБИ АСЪОР: 1 евро аз 10.3000 то 10.6192 сомонӣ муқаррар шудааст
Дар ноҳияи Хуросон ҷамъоварии пахта идома дорад
