Дар Сангвор заминларза ба қайд гирифта шуд

ДУШАНБЕ, 02.12.2021 /АМИТ «Ховар»/. Тибқи маълумоти Пажуҳишгоҳи геология, сохтмони ба заминларза тобовар ва сейсмологияи АМИТ, 2 декабр, соати 05:06 бо вақти маҳаллӣ дар ҳудуди Тоҷикистон заминларза ба қайд гирифта шудааст. Дар ин бора АМИТ «Ховар» бо истинод ба Кумитаи ҳолатҳои фавқулода ва мудофиаи граждании назди Ҳукумати Ҷумҳурии Тоҷикистон хабар медиҳад.

Маркази  заминларза  дар километри 120-уми самти шимолу шарқ аз шаҳри Душанбе, дар ҳудуди ноҳияи Сангвор ба қайд гирифта шудааст. Қувваи заминларза дар марказаш 3 балл ва дар маркази Сангвор 2 баллро ташкил додааст.

 Дар натиҷаи заминларза ягон талафоти ҷонӣ ва хисорот ба қайд гирифта нашудааст.