Доир ба тайёр намудани мутахассисони дорои маълумоти олии касбӣ ҳамоиш доир шуд
ДУШАНБЕ, 24.12.2021 /АМИТ «Ховар»/. Тайёр намудани кадрҳои соҳаи ҳифзи иҷтимоӣ, баланд бардоштани сатҳи касбӣ ва салоҳиятнокии мутахассисон ба доираи вазифаҳои муҳимтарини давлатӣ дохил гардида, ба он фаҳмиш асос ёфтааст, ки кадрҳои ихтисосманд ва салоҳиятнок қодиранд сари вақт, ихтисосмандона ва эҷодкорона ба масъалаҳои замони муосир вокуниш намоянд. Онҳо дар амалишавии сиёсати иҷтимоии давлат яке аз воситаҳои калидӣ ва муҳим маҳсуб мешаванд. Ин нукта 23 декабр зимни баргузории ҳамоиш дар мавзӯи «Тайёр намудани мутахассисони дорои таҳсилоти олии касбӣ дар самти ҳифзи иҷтимоии аҳолӣ дар Ҷумҳурии Тоҷикистон» баён гардид.
Тавре аз Вазорати тандурустӣ ва ҳифзи иҷтимоии аҳолии Ҷумҳурии Тоҷикистон ба АМИТ «Ховар» хабар доданд, ҳамоиши мазкур дар ҳошияи Паёми навбатии Президенти Ҷумҳурии Тоҷикистон муҳтарам Эмомалӣ Раҳмон ба Маҷлиси Олии Ҷумҳурии Тоҷикистон доир шуда, дар он муовини Вазири тандурустӣ ва ҳифзи иҷтимоии аҳолии Ҷумҳурии Тоҷикистон Шодихон Ҷамшед, намояндагони якчанд вазорату идора, кумита, донишгоҳу донишкадаҳо, коллеҷҳои тиббӣ ва ширкони рушд иштирок намуданд.
Шодихон Ҷамшед зимни ҳамоиш иброз намуд, ки Пешвои миллат муҳтарам Эмомалӣ Раҳмон дар Паёми навбатӣ низ бори дигар ҳадафҳои олии давлат ва Ҳукумати Тоҷикистонро баён дошта, иброз намуданд, ки ҳадафи олии давлат ва Ҳукумати мамлакат беҳтар кардани шароити зист ва баланд бардоштани сатҳу сифати зиндагии мардум мебошад. Дар ин самт дар бист соли охир 3 ҳуҷҷати стратегии паст кардани сатҳи камбизоатӣ, 2 барномаи баланд бардоштани сатҳи некуаҳволии мардум ва стратегияи дарозмуддати рушди кишвар қабул ва амалӣ гардида, татбиқи Стратегияи миллии рушд барои давраи то соли 2030 ва 176 барномаҳои давлатӣ идома дорад.
Таҳлили вазъият нишон медиҳад, ки тайёр намудани мутахассисони соҳибкасб дар шароити имрӯза баҳри амалӣ гардидани тадбирҳои низоми ҳифзи иҷтимоӣ ва рушди устувори иқтисодиёти миллӣ дар солҳои минбаъда заминаи боэътимод муҳайё менамояд.
Дар идомаи ҳамоиш иштирокчиён доир ба мавзӯи «Тайёр намудани мутахассисони дорои таҳсилоти олии касбӣ дар самти ҳифзи иҷтимоии аҳолӣ дар Ҷумҳурии Тоҷикистон» сухан гуфтанд.
АКС: Вазорати тандурустӣ ва ҳифзи иҷтимоии аҳолии ҶТ
Оид ба саҳми илм дар амалисозии ташаббусҳои байналмилалии Тоҷикистон конфронси илмӣ доир гардид
Посух ба муроҷиати шаҳрванди Афғонистон Муҳаммад Ҳаким Турсун
«БЕҲТАРИН УСТО ВА ШОГИРД». Дар Душанбе даври ҷамъбастии фестивал-озмуни ҳунармандону косибон баргузор мегардад
КАСБУ ҲУНАР МЕОМӮЗЕМ! Маркази касбомӯзӣ ва хизматрасонӣ дар ноҳияи Восеъ ба хоҳишмандон касбу ҳунарҳои дар бозори меҳнат талабгорро меомӯзад
«ЯК МАТОВУ САД РАНГ». Шаҳри Душанбе бо намоиши либосҳои муосири миллӣ ба гирифтани ҷойи якум сазовор гардид
Дар Ню-Йорк ҳамкории Тоҷикистон бо шарикони байналмилалӣ дар самти муҳоҷират баррасӣ гардид
ОГОҲӢ! 10-12 май дар бештари қаламрави Тоҷикистон бориши бошиддати борони пешгӯӣ мешавад
Намояндагони Тоҷикистон дар дуюмин Форуми байналмилалии баррасии муҳоҷират иштирок намуданд
Муовини Сарвазири Тоҷикистон ба хонадони иштирокчии ҷанг аз шаҳри Ҳисор кумакпулии Пешвои миллатро супорид
Шаҳноза Ахмедова: «Рушди ҳунарҳои мардумӣ омили муҳими муаррифии давлат, миллат ва фарҳанг аст»
ПУРСИДЕД, ҶАВОБ МЕДИҲЕМ. Кадом хатарҳо ҳангоми истифодаи хизматрасониҳои молиявӣ дар Федератсияи Русия вуҷуд доранд?
Шаҳноза Ахмедова соҳиби Шоҳҷоизаи Фестивал-озмуни ҷумҳуриявии «Як матову сад ранг» гардид
